Շախմատային Օլիմպիադա 2022
Շախմատի 44-րդ համաշխարհային օլիմպիադա, ՖԻԴԵ-ի կողմից կազմակերպված բաց և կանանց շախմատային մրցաշար, որը տեղի է ունեցել Հնդկաստանի Չեննայ քաղաքում։ Այն իր մեջ ներառել է նաև շախմատի մասսայականացմանն ուղղված տարբեր միջոցառումներ։ Սկզբում մրցաշարը նախատեսված էր անցկացնել Խանտի Մանսիյսկում, որտեղ տեղի է ունեցել 2010 թվականի շախմատի օլիմպիադան, սակայն հետագայում ՖԻԴԵ-ի որոշմամբ մրցաշարի անցկացման վայրը տեղափոխել է Մոսկվա։ Օլիմպիադան պետք է տեղի ունենար 2020 թվականի օգոստոսի 5-17-ը, սակայն COVID-19 համավարակի պատճառով այն հետաձգվել է։
| Շախմատային օլիմպիադա 2022 | |||
|---|---|---|---|
.jpg) | |||
| Վայր | Չեննայ | ||
| Շախմատիստների քանակ | 1736 | ||
| Բացման արարողություն | հուլիսի 28, 2022 | ||
| Փակման արարողություն | օգոստոսի 10, 2022 | ||
| chennai2022.fide.com | |||
| |||
Ուկրաինա ռուսների ներխուժման կապակցությամբ ՖԻԴԵ֊ն հանդես է եկել Ռուսաստանից մրցաշարերը հանելու հայտարարությամբ։
2022 թվականի մարտի 15-ին Շախմատի միջազգային ֆեդերացիան հանդես է եկել օլիմպիադայի անցկացման վայրի մասին նոր հայտարարությամբ՝ այն առաջին անգամ անցկացվում է Հնդկաստանում՝ Չեննայ քաղաքում։
Օլիմպիադային մասնակցել է 1733 շախմատիստ, որոնցից 935-ը բաց մրցաշարին, 798-ը՝ կանանց։
Մրցաշարի բաց հատվածում հաղթող է ճանաչվել Ուզբեկստանի հավաքականը, որը եղել են մրցաշարի միակ անպարտելի թիմը՝ ութ հաղթանակ, երեք ոչ-ոքի՝ ընդհանուր 19 միավոր։ 19 միավոր է վաստակել նաև երկրորդ տեղը զբաղեցրած Հայաստանի հավաքականը, որը 9-րդ տուրում Ուզբեկստանից կրած պարտության և ավելի ցածր գործակիցների պատճառով արժանացել է արծաթե մեդալի ։ Օլիմպիադայի բրոնզե մեդալը բաժին է հասել Հնդկաստանի երկրորդ թիմին։
Կանանց մրցաշարում ոսկե մեդալ է նվաճել Ուկրաինայի հավաքականը, որը յոթ հաղթանակից և չորս ոչ-ոքիից հետո վաստակել է 18 միավոր։ Երկրորդ տեղը 18 միավորով գրավել է Վրաստանի հավաքականը, որը ավելի ցածր գործակիցների պատճառով արժանացել է արծաթե մեդալի։ Հնդկաստանի առաջին թիմը մրցաշարի ընթացքում վաստակել է 17 միավոր և զբաղեցրել երրորդ տեղը։ 17 միավոր են վաստակել նաև Միացյալ Նահանգների և Ղազախստանի հավաքականները, սակայն ավելի ցածր գործակիցների պատճառով զբաղեցրել են համապատասխանաբար չորրորդ և հինգերորդ տեղերը։
Քաղաքի ընտրության կանոնակարգ
2015 թվականի վերջին սկսվել է 44-րդ շախմատային օլիմպիադայի անցկացման վայրի հայտերի ներկայացման ընթացակարգը։ Մրցաշարով հետաքրքրված յուրաքանչյուր քաղաք պետք է մինչև 2016 թվականի մարտի 31-ը հայտ ներկայացներ ՖԻԴԵ-ին։ Հայտերը պետք է համապատասխաներ ՖԻԴԵ֊ի կանոնակարգին։
Օլիմպիադայի անցկացման համար հայտ է ներկայացրել Խանտի Մանսիյսկը։ Բացի Խանտի Մանսիյսկից, շախմատի օլիմպիադայի անցկացման համար հետաքրքրություն են ցուցաբերել Արգենտինայի և Սլովակիայի ազգային ֆեդերացիաները։
Վերջնական որոշումը կայացվել է ՖԻԴԵ-ի 87-րդ կոնգրեսում, որը տեղի է ունեցել 2016 թվականի սեպտեմբերին, Բաքվում․ ՖԻԴԵ-ի այդ ժամանակվա նախագահ Կիրսան Իլյումժինովը հավանություն է տվել Խանտի Մանսիյսկի հայտին։
Խնդիրներ և տարաձայնություններ
COVID-19 համավարակ
2019 թվականի նոյեմբերին Համբուրգում տեղի ունեցած ՖԻԴԵ-ի Շախմատի համաշխարհային Գրան-պրիի խաղի բացման արարողության ժամանակ ՖԻԴԵ֊ի նորընտիր նախակահ Արկադի Դվորկովիչը հայտարարել է, որ շախմատի 44֊րդ օլիմպիադան Խանտի Մանսիյսկից կտեղափոխվի կտեղափոխվի Մոսկվա, ավելին՝ Խանտի-Մանսիյսկում պետք է տեղի ունենար մրցաշարի բացման արարողությունն ու հաշմանդամություն ունեցող մարդկանց համար նախատեսված անդրանիկ խաղերը։
2020 թվականի մարտի 24-ին ՖԻԴԵ-ն պաշտոնական հայտարարել է, որ COVID-19 համաճարակի աճման պատճառով օլիմպիադան կհետաձգվի և այն տեղի կունենա 2021 թվականի ամռանը՝ նույն վայրերում։
Ռուսաստանի ներխուժումն Ուկրաինա
2022 թվականի փետրվարի 25-ին՝ ռուսական զորքերի Ուկրաինա ներխուժման հաջորդ օրը ՖԻԴԵ֊ն հանդես է եկել նոր հայտարաությամբ՝
 | ՖԻԴԵ֊ի խորհուրդը որոշել է, որ 44-րդ շախմատային օլիմպիադան, հաշմանդամություն ունեցող շախմատիստների մրցույթը և ՖԻԴԵ-ի կոնգրեսը տեղի չեն ունենա Ռուսաստանում։ Մենք կանենք ամեն ինչ, որպեսզի գտնենք օլիմպիադայի կազմակերպիչ երկրին և ժամանակին տեղեկատվություն տրամադրենք ՖԻԴԵ-ի 2022 թվականի կոնգրեսի անցկացման վայրի և ժամկետների մասին։ - |  |
2022 թվականի մարտի 15-ին ՖԻԴԵ-ն հայտարարել է, որ մրցաշարը տեղի կունենա Հնդկաստանի Չեննայ քաղաքում։ Շախմատի միջազգային ֆեդերացիան նաև հավելել է, որ Ռուսաստանի հավաքականը զրկված է օլիմպիադայում հանդես գալու իրավունքից։
Մասնակից թիմեր
Մրցաշարին մասնակցել են 186 ազգային ֆեդերացիա ներկայացնող 188 թիմ, ինչը սահմանել է նոր ռեկորդ։ Հնդկաստանը, որպես հյուրընկալող երկիր, ներկայացրել է երեք թիմ։ Կանանց մրցաշարին մասնակցել են 160 ֆեդերացիա ներկայացնող 162 թիմ։
Չինաստանի տղամարդկանց և կանանց հավաքականները, որոնք սովորաբար համարվում են ֆավորիտներ, հրաժարվել են մասնակցել մրցաշարին՝ կորոնավիրուսի համաճարակի հետևանքով առաջացած ռիսկերի պատճառով։
.svg)
.svg)
- Նշումներ
Առաջին տասնյակի արդյունքներ
| # | Երկիր | Մասնակիցներ | Միջին վարկանիշ | Միավոր | Բերգերի գործակից |
|---|---|---|---|---|---|
 |  Ուզբեկստան | Նոդիրբեկ Աբդուսատորով, Նոդիրբեկ Յակուբոև Ժավոխիր Սինդարով, Ջահոնգիր Վախիդով, Շամսիդին Վոխիդով | 2625 | 19 | 435.0 |
 |  Հայաստան | Գաբրիել Սարգսյան, Հրանտ Մելքումյան, Սամվել Տեր-Սահակյան, Մանուել Պետրոսյան, Ռոբերտ Հովհաննիսյան | 2642 | 19 | 382.5 |
 |  Հնդկաստան-2 | Գուկեշ Դոմարաջու, Նիհալ Սարին, Ռամեշբաբու Պրագնանանդհա, Բասկարան Ադհիբան, Ռաունակ Սադհվանի | 2649 | 18 | Կաղապար:CNone |
| 4 | Հնդկաստան | Պենտալա Հարիկրիշնա, Սանտոշ Գուջրատի Վիդիտ, Արջուն Էրիգայսի, Սունիլդուտ Լինա Նարայանան, Կրիշնան Սաշիկիրան | 2696 | 17 | 409.0 |
| 5 |  ԱՄՆ | Ֆաբիանո Կարուանա, Լևոն Արոնյան, Ուեսլի Սո, Լենիեր Դոմինգես, Սամուել Շանկլանդ | 2771 | 17 | 352.0 |
| 6 |  Մոլդովա | Իվան Սկիցկո, Անդրեյ Մակովեյ, Վլադիմիր Խամիցևիչ, Յուլիան Բալգատ, Դրագոշ Չերեշ | 2462 | 17 | 316.5 |
| 7 |  Ադրբեջան | Շահրիար Մամեդյարով, Ռաուֆ Մամեդով, Գադիր Հուսեյնով, Վասիֆ Դուրարբեյլի, Նիջաթ Ազադ օղլի Աբասով | 2680 | 16 | 351.5 |
| 8 |  Հունգարիա | Վիկտոր Էրդյոս, Ֆերենց Բերկես, Թամաշ Բանուս, Գերգեյ Կանտոր, Պետեր Աչ | 2607 | 16 | 341.5 |
| 9 |  Լեհաստան | Յան Քշիշտոֆ Դուդա, Ռադոսլավ Վոյտաշեկ, Կացպեր Պերուն, Վոյցեխ Մորանդա, Մատեուշ Բարտել | 2683 | 16 | 322.5 |
| 10 |  Լիտվա | Թոմաս Լաուրուշաս, Տիտաս Ստրեմավիչուս, Կարոլիս Յուկշտա, Պաուլուս Պուլտինևիչուս, Վալերի Կազակովիչ | 2540 | 16 | 297.0 |
Անգլիացի Դեյվիդ Հաուելը ցուցաբերել է լավագույն արդյունք, նա 8 հնարավորից վաստակել է 7½։ Յուրաքանչյուր խաղատախտակի վրա ոսկե մեդալի արժանացած շախմատիստներն ըստ հերթականության
- 1֊ին տախտակ։
Հնդկաստան Գուկեշ Դոմարաջու 2867 - 2֊րդ տախտակ։ Հնդկաստան Նիհալ Սարին 2774
- 3֊րդ տախտակ։
Անգլիա Դեյվիդ Հաուել 2898 - 4֊րդ տախտակ։
Ուզբեկստան Ջահոնգիր Վախիդով 2813 - պահեստային։
Լեհաստան Մատեուշ Բարտել 2778
| # | Երկիր | Մասնակիցներ | Միջին վարկանիշ | Միավոր | Բերգերի գործակից |
|---|---|---|---|---|---|
| |  Ուկրաինա | Մարիա Մուզիչուկ, Աննա Մուզիչուկ, Աննա Ուշենինա, Նատալիա Բուկսա, Յուլիա Օսմակ | 2478 | 18 | 413.5 |
| |  Վրաստան | Նանա Ձագնիձե, Նինո Բացիաշվիլի, Լելա Ջավախիշվիլի, Սալոմե Մելիա, Մերի Արաբիձե | 2475 | 18 | 392.0 |
| | Հնդկաստան | Համպի Կոներու, Հարիկա Դրոնավալլի, Ռամեշբաբու Վայշալի, Տանյա Սաչդև, Բհակտի Կուլկարնի | 2486 | 17 | 396.5 |
| 4 | ԱՄՆ | Գուլրուխբեգիմ Թոխիրջոնովա, Իրինա Կրուշ, Կարիսա Յիպ, Աննա Զատոնսկիխ, Տաթև Աբրահամյան | 2390 | 17 | 390.0 |
| 5 |  Ղազախստան | Ժանսայա Աբդումալիկ, Բիբիսարա Ասաուբաևա, Խենիա Բալաբաևա, Գուլիսխան Նախբաևա, Նազերկե Նուրգալի | 2365 | 17 | 352.0 |
| 6 | Լեհաստան | Ալինա Կաշլինսկայա, Մոնիկա Սոցկո, Օլիվիա Կիոլբասա, Մարիա Մալիչկա, Միխալինա Ռուդզինսկա | 2423 | 16 | 396.0 |
| 7 | Ադրբեջան | Գյունայ Մամեդզադեն, Գյունար Մամադովա, Գովխար Բեյդուլլաևա, Խանիմ Բալաջաևա, Ուլվիա Ֆաթալիևա | 2399 | 16 | 389.0 |
| 8 | Հնդկաստան֊2 | Վանտիկա Ագրավալ, Պադմինի Ռութ, Սումյա Սվամինաթան, Մարի Ան Գոմես, Դիվյա Դեշմուխ | 2351 | 16 | 369.5 |
| 9 |  Բուլղարիա | Նուրգյուլ Սալիմովա, Գերգանա Պեյչևա, Բելոսլավա Կրաստևա, Գաբրիելա Անտովա, Վիկտորյա Ռադևա | 2319 | 16 | 361.0 |
| 10 |  Գերմանիա | Էլիզաբեթ Պետց, Ժոզեֆին Հայնեման, Հաննա Մարի Քլեկ, Դինարա Վագներ, Յանա Շնայդեր | 2383 | 16 | 344.5 |
Յուրաքանչյուր խաղատախտակի վրա ոսկե մեդալի արժանացած շախմատիստներն ըստ հերթականության
- 1֊ին տախտակ։
Շվեդիա Պիա Կրամլինգ 2532 - 2֊րդ տախտակ։
Վրաստան Նինո Բացիաշվիլի 2504 - 3֊րդ տախտակ։ Լեհաստան Օլիվիա Կիոլբասա 2565
- 4֊րդ տախտակ։
Մոնղոլիա Բաթ Էրդեն Մունգուզուլ 2460 - Պահեստային։
Գերմանիա Յանա Շնայդեր 2414
Արտաքին հղումներ
This article uses material from the Wikipedia Հայերեն article Շախմատային օլիմպիադա 2022, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.