Մայք Քոնորս (ի ծնե՝ Կրիկոր Օհանյան օգոստոսի 15, 1925(1925-08-15), Ֆրեզնո, Կալիֆոռնիա - հունվարի 26, 2017(2017-01-26), Տարզանա, Կալիֆոռնիա), ամերիկացի դերասան, ով առավել հայտնի է CBS ամերիկյան հեռուստառադիոցանցի թողարկած Մաննիքս դետեկտիվ ֆիլմում իր կերտած Ջո Մաննիքս դերով։ Քոնորի դերասանական կարիերան տևում է վեց տասնամյակ, հեռուստատեսային աշխատանքին զուգահեռ, նա նկարահանվել է բազմաթիվ ֆիլմերում։
Մայք Քոնորս | |
---|---|
Ծնվել է | օգոստոսի 15, 1925 |
Ծննդավայր | Ֆրեզնո, Կալիֆոռնիա |
Մահացել է | հունվարի 26, 2017 (91 տարեկան) |
Մահվան վայր | Տարզանա, Կալիֆոռնիա |
Կրթություն | Լոս Անջելեսի կալիֆոռնյան համալսարան և Ֆրեզնոյի բարձրագույն դպրոց |
Քաղաքացիություն | ԱՄՆ |
Մասնագիտություն | հեռուստատեսային դերասան, կինոդերասան և դերասան |
Ժանրեր | վեսթեռն |
Մայք Քոնորսն ունի հայկական ծագում։ Նա ծնվել է 1925 թվականի օգոստոսի 15-ին ԱՄՆ-ի Կալիֆոռնիա նահանգի Ֆրեզնո քաղաքում։ Նա ավագ դպրոցում եռանդուն խաղում էր բասկետբոլ, որտեղ և իրեն իր թիմակիցները տվել են «Touch» մականունը։ Երկրորդ համաշխարհային պատերազմի ընթացքում նա ծառայել է Ամերիկայի Միացյալ Նահանգների ռազմաօդային ուժերում։ Պատերազմից հետո սկսել է հաճախել Լոս Անջելեսի կալիֆոռնյան համալսարանի բասկետբոլի բաժինը, որտեղ խաղացել է մարզիչ Ջոն Վուդենի հետ։ Նա եղել է Phi Delta Theta-ի անդամ։ Ռեժիսոր Ուլիամ Ա. Վելմանը նրան որպես դերասան վերցրեց բասկետբոլ խաղալիս Քոնորի արտահայտիչ դեմքը նկատելուց հետո։ Նա հայտնվեց Լոս Անջելեսի CBS-ում որպես «Touch» Քոնորս JUkebox Jury-ի սերիայում մինչ 1953 թվականին հաղորդման հանրային ալիքով հեռարձակվելը American Broadcasting Company-ի միջոցով։ Քոնորսը մասնակցություն է ունեցել իր վաղ շրջանի ֆիլմերում, ինչպիսիք «Կղզին երկնքում» (անգլ.՝ Island in the Sky 1953), «Ճահճե կինը» (անգլ.՝ Swamp Women), «Արևմուտքի 5 հրացանները» (անգլ.՝ Five Guns West 1955), «Աշխարհի վերջի օրը» (անգլ.՝ The Day the World Ended 1955), «Մարմինն ու դրդապատճառը» (անգլ.՝ Flesh and the Spur 1957) և «Թաչ Քոնորսը»։
Քոնորսը վերհիշեցրել է մի հարցազրույցում, որ նրան վերանվանել է Հենրի Վիլսոնը՝ ասելով, որ Օհանյանը շատ նման է հնչում Ջորջ Օ՛Հանիոոնի ազգանվան հետ, դրա համար նրանք հանգել են Թաչ Քոնորս տարբերակին։
Մայք Քոնորսի ֆիլմային կարիերան սկսվել է 1950-ական թվականներից։ Քոնորսը դեր էր տանում քննադատների կողմից ողջույնների արժանացած մի ֆիլմում՝ «Կղզին երկնքում» անունով, որտեղ նա տանում էր որոնողական-փրկարարական նավի նավաստու դեր։ 1956 թվականին, երբ նա դեռ գրանցված էր որպես Թաչ Քոնորս, նա սկսեց խաղալ Չարլթոն Հեսթոնի հետ միասին։
Մայք Քոնորսը 1959 թվականին խաղացել է «Tightrope» դետեկտիվ սերիալում գլխավոր հերոսի դերը։ Սակայն դա մի ուրիշ շարք էր, որը նրան համբավ բերեց։ 1967 թվականին CBS-ը նրան վարձեց, որպեսզի «Մաննիքս» ֆիլմում խաղա դետեկտիվ Ջո Մաննիքսի դերը։ Հեռուստատեսային շարքում Մաննիքսին ուղեկցում էր Ժոզեֆ Կամպանելան, որպես նրա ղեկավար։ Ֆիլմը թողարկվեց 1967-1975 թվականներին և մեծ հաջողություն ունեցավ ամբողջ աշխարհով։ Դերասանական մյուս ծրագրերից էին Գեյլ Ֆիշերը, որպես իր քարտուղար Պեգի, դերասան Ռոբերտ Ռիդը, որպես լեյտենանտ, Ադամ Տոբիաս, Մանեքսը դետկտիվ է, ով սպորտային ամտոմեքենաների սիրահար է և կարողանում է վերլուծել ոստիականական դեպքեր։
Մայք Քոնորսն առաջադրվել է «Ոսկե գլոբուս» մրցանակի 4 անվանակարգերում, սակայն հաղթել է միայն մեկում։
Մայքը 1949 թվականին ամուսնանում է Մերի Լոու Ուիլլեյի հետ։ Նրանք ունեն մեկ որդի՝ Մեթյու Օհանյանը և մեկ աղջիկ՝ Դանա Լոու Քոնորսը։ Ներկայումս նա ապրում է իր կնոջ հետ Կալիֆոռնիայի Էնքինո քաղաքում։
Two and a Half Men, episode "Prostitutes and Gelato" (2007) – Hugo
Վիքիպահեստն ունի նյութեր, որոնք վերաբերում են «Մայք Քոնորս» հոդվածին։ |
This article uses material from the Wikipedia Հայերեն article Մայք Քոնորս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.