Ալֆոնս Արեոլա (ֆր.՝ Alphonse Areola, փետրվարի 27, 1993(1993-02-27), Փարիզ, Ֆրանսիա), ֆրանսիացի պրոֆեսիոնալ ֆուտբոլիստ։ Ներկայումս Պարի Սեն-Ժերմենից վարձավճարով հանդես է գալիս Ռեալ Մադրիդի կազմում։ Խաղում է դարպասապահի դիրքում։ 2018 թվականի աշխարհի առաջնության հաղթող։
Արեոլան Պարի Սեն-Ժերմենի կազմում 2019 թվականին | |||
Անձնական տվյալներ | |||
Քաղաքացիությունը | Ֆրանսիա Ֆիլիպիններ | ||
Ծննդյան ամսաթիվ | փետրվարի 27, 1993 (31 տարեկան) | ||
Ծննդավայր | Փարիզ, Ֆրանսիա | ||
Հասակ | 195 սմ | ||
Քաշ | 94 կգ | ||
Դիրք | դարպասապահ | ||
Ակումբային տեղեկություններ | |||
Ներկա ակումբ | Ռեալ Մադրիդ (վարձավճարով Պարի Սեն-Ժերմենից) | ||
Համար | 1 | ||
Պատանեկան կարիերա | |||
1999-2006 | Պետի Անժե | ||
2006-2012 | Պարի Սեն-Ժերմեն | ||
2008-2009 | → Կլերֆոնտեն | ||
Մասնագիտական կարիերա* | |||
Տարի | Ակումբ | Խաղ (գոլ) | |
2012-ներկա | Պարի Սեն-Ժերմեն | 75 | (0) |
2013-2014 | → Լանս | 35 | (0) |
2014-2015 | → Բաստիա | 36 | (0) |
2015-2016 | → Վիլյառեալ | 32 | (0) |
2019-ներկա | → Ռեալ Մադրիդ | 0 | (0) |
Ազգային հավաքական‡ | |||
2008-2009 | Ֆրանսիա Մ16 | 14 | (0) |
2009-2010 | Ֆրանսիա Մ17 | 10 | (0) |
2010-2011 | Ֆրանսիա Մ18 | 4 | (0) |
2011-2012 | Ֆրանսիա Մ19 | 8 | (0) |
2012-2013 | Ֆրանսիա Մ20 | 16 | (0) |
2013-2014 | Ֆրանսիա Մ21 | 9 | (0) |
2018-ներկա | Ֆրանսիա | 3 | (0) |
| |||
Պարգևներ | |||
* Մասնագիտական կարիերայում ընդգրկված են միայն առաջնության խաղերը և գոլերը |
Արեոլան Պարի Սեն-Ժերմենի ակադեմիայի սան է։ Իր առաջին պրոֆեսիոնալ պայմանագիրը կնքեց 2009 թվականի հուլիսին։ Իր պրոֆեսիոնալ դեբյուտը Արեոլան նշեց 2013 թվականի մայիսի 18-ին՝ փոխարինելով Սալվատորե Սիրիգուին Բրեստի դեմ խաղում։ Այս խաղից առաջ ՊՍԺ-ն արդեն ապահովել էր չեմպիոնի տիտղոսը, իսկ Բրեստը դուրս էր մնացել Լիգա 1-ից։ Առաջին հանդիպումը թիմի մեկնարկային կազմում անցկացրեց մայիսի 26-ին՝ Լորյանի դեմ խաղում։
2013 թվականի հուլիսի 23-ին Արեոլան վարձավճարով տեղափոխվեց Լիգա 2-ում հանդես եկող Լանս։ Նա միանգամից դարձավ թիմի հիմնական դարպասապահը՝ անցկացնելով 36 հանդիպում և օգնելով Լանսին զբաղեցնել 2-րդ հորիզոնականը առաջնությունում ու տեղափոխվեց Լիգա 1։ Արեոլան ճանաչվեց Լիգա 2-ի լավագույն դարպասապահը և ընդգրկվեց մրցաշրջանի խորհրդանշական հավաքականում։ Բացի այդ, նա Eurosport-ի կողմից ճանաչվեց տարվա բացահայտում՝ առաջ անցնելով Ն'Գոլո Կանտեին և Գաետան Բուսմանին։
2014 թվականի հուլիսի 26-ին Արեոլան վարձավճարով միացավ Կլոդ Մակելելեի գլխավորած Բաստիային՝ փոխարինելով կարիերան ավարտած Միքայել Լանդրոյին։ Իր դեբյուտը նշեց օգոստոսի 9-ին՝ Օլիմպիկ Մարսելի դեմ խաղում։ Արեոլան անցկացրեց 39 հանդիպում՝ 13 խաղում պահելով իր դարպասը անառիկ։ Բաստիան զբաղեցրեց 12-րդ հորիզոնականը Լիգա 1-ում և հասավ Ֆրանսիայի լիգայի գավաթի եզրափակիչ, որտեղ 4-0 հաշվով պարտվեց ՊՍԺ-ին։
2015 թվականի հունիսի 17-ին Արեոլան 1 տարվա վարձավճարով տեղափոխվեց Վիլյառեալ որպես վնասվածք ստացած Սերխիո Ասենխոյի փոխարինող։ Իր դեբյուտը Լա Լիգայում նշեց օգոստոսի 23-ին՝ Ռեալ Բետիսի դեմ խաղում։ Առաջին հանդիպումը եվրոպական առաջնություններում անցկացրեց 2016 թվականի փետրվարի 18-ին՝ Եվրոպայի Լիգայի 1/16 եզրափակչի Նապոլիի դեմ խաղում։ 2015-16 մրցաշրջանում Արեոլան անցկացրեց 37 հանդիպում՝ 15 խաղում պահելով իր դարպասը անառիկ և բաց թողելով ընդամենը 26 գնդակ, իսկ Վիլյառեալը զբաղեցրեց 4-րդ տեղը առաջնությունում։ Լա Լիգայի միայն 2 դարպասապահ էր կարողացել ավելի շատ խաղերում անառիկ պահել դարպասը՝ Ատլետիկո Մադրիդի դարպասապահ Յան Օբլակը և Բարսելոնայի Կլաուդիո Բրավոն։ Արեոլան ակումբային նոր ռեկորդ սահմանեց՝ 620 րոպե շարունակ իր դարպասը գոլ չընդունելով։ Վիլյառեալը հասավ Եվրոպայի Լիգայի կիսաեզրափակիչ, որտեղ պարտվեց Լիվերպուլին։
2016-17 մրցաշրջանում Արեոլան վերադարձավ Պարի Սեն-Ժերմեն, սակայն մրցաշրջանը սկսեց որպես թիմի երկրորդ դարպասապահ՝ Քևին Թրապպից հետո։ Առաջին հանդիպումը Չեմպիոնների Լիգայում անցկացրեց 2016 թվականի սեպտեմբերի 13-ին՝ Արսենալի դեմ խաղում։ Այս խաղից հետո Արեոլան դարձավ ՊՍԺ-ի հիմնական դարպասապահը՝ հաջորդ 8 խաղերում անառիկ պահելով իր դարպասը 4 անգամ։ Դեկտեմբերին ֆրանսիացին կորցրեց իր դիրքը թիմի մեկնարկային կազմում՝ 11 հարվածից բաց թողելով 10 գնդակ։ 2017 թվականի ապրիլի 1-ին Արելոան ՊՍԺ-ի հետ հաղթեց Ֆրանսիայի լիգայի գավաթը, թեև խաղադաշտ դուրս չեկավ եզրափակչի Մոնակոյի դեմ խաղում։ Մայիսի 27-ին նա թիմի մեկնարկային կազմում մասնակցեց Ֆրանսիայի գավաթի եզրափակչի Անժեի դեմ հանդիպմանը՝ օգնելով իր թիմին հաղթել 1-0 հաշվով և նվաճել գավաթը։ 2016-17 մրցաշրջանում Արեոլան անցկացրեց 27 հանդիպում՝ բաց թողելով 21 գնդակ։
2017-18 մրցաշրջանը Արեոլան անցկացրեց որպես Պարի Սեն-Ժերմենի հիմնական դարպասապահ։ 2017 թվականի հուլիսի 29-ին նա թիմի մեկնարկային կազմում խաղադաշտ դուրս եկավ Ֆրանսիայի սուպերգավաթի Մոնակոյի դեմ խաղում՝ օգնելով իր թիմին հաղթել 2-1 հաշվով և նվաճել գավաթը։ Չեմպիոնների Լիգայի խմբային փուլի առաջին 5 խաղերում Արեոլան բաց թողեց ընդամենը 1 գնդակ, իսկ ՊՍԺ-ն գերազանցեց խմբային փուլում խփած և բաց թողած գոլերի տարբերության ռեկորդը։ Այս մրցաշրջանում նա անցկացրեց 43 հանդիպում՝ բաց թողելով 35 գնդակ և 21 խաղում պահելով իր դարպասը անառիկ, իսկ Պարի Սեն-Ժերմենը տեղական տրեբլ նվաճեց՝ հաղթելով Ֆրանսիայի գավաթը, Ֆրանսիայի լիգայի գավաթը և Ֆրանսիայի առաջնությունը։
2018 թվականի ամռանը Պարի Սեն-Ժերմենը գնեց Ջանլուիջի Բուֆֆոնի տրանսֆերը Յուվենտուսից, և 2018-19 մրցաշրջանում Արեոլան ու իտալացին սկսեցին փոխեփոխ հանդես գալ թիմում։ 2019 թվականի ապրիլի 27-ին նա թիմի մեկնարկային կազմում խաղադաշտ դուրս եկավ Ֆրանսիայի գավաթի եզրափակչի Ռենի դեմ խաղում, սակայն Պարի Սեն-Ժերմենը պարտվեց հետխաղյա 11-մետրանոցների հարվածաշարում։ 2018-19 մրցաշրջանում Արեոլան անցկացրեց 31 հանդիպում՝ 16 խաղում պահելով իր դարպասը անառիկ, իսկ ՊՍԺ-ն կրկին հաղթեց Ֆրանսիայի առաջնությունը։
2019 թվականի օգոստոսի 3-ին Արեոլան խաղադաշտ դուրս եկավ Ֆրանսիայի սուպերգավաթի Ռենի դեմ խաղում՝ օգնելով Պարի Սեն-Ժերմենին հաղթել 2-1 հաշվով և նվաճել գավաթը։
2019 թվականի սեպտեմբերի 2-ին Արեոլան 1 տարվա վարձավճարով միացավ Ռեալ Մադրիդին՝ դառնալով Կեյլոր Նավասի տրանսֆերի մի մասը։
Արեոլան իրավասու էր ներկայացնել Ֆրանսիան և Ֆիլիպինները միջազգային ասպարեզում, քանի որ նրա ծնողները ունեն ֆիլիպինական արմատներ։ Նա հանդես է եկել Ֆրանսիայի բոլոր տարիքային երիտասարդական հավաքականներում։ 2012 թվականին նա մինչև 19 տարեկանների հավաքականի կազմում մասնակցեց Եվրոպայի առաջնությանը՝ անցկացնելով 3 հանդիպում և ընդգրկվելով մրցաշարի խորհրդանշական հավաքականում։ 2013 թվականին Արեոլան մասնակցեց աշխարհի Մ20 առաջնությանը՝ թիմի մեկնարկային կազմում խաղադաշտ դուրս գալով բոլոր 7 հանդիպումներում։ Ֆրանսիան հաղթեց մրցաշարը՝ եզրափակչում հետխաղյա 11-մետրանոցների հարվածաշարում պարտության մատնելով Ուրուգվային։
Ֆրանսիայի ազգային հավաքական Արեոլան առաջին անգամ հրավիրվեց 2015 թվականի հոկտեմբերի 1-ին Դիդիե Դեշամի կողմից՝ Հայաստանի և Դանիայի դեմ խաղերի համար, սակայն այս հանդիպումներում խաղադաշտ դուրս չեկավ։ 2018 թվականի մայիսի 17-ին Արեոլան ընդգրկվեց աշխարհի առաջնության համար Ֆրանսիայի հավաքականի 23-հոգանոց կազմում՝ չանցկացնելով ոչ մի հանդիպում։ Հուլիսի 15-ին Ֆրանսիան հաղթեց աշխարհի առաջնությունը՝ եզրափակչում 4-2 հաշվով պարտության մատնելով Խորվաթիային։
Իր դեբյուտը ազգային հավաքականում Արեոլան նշեց 2018 թվականի սեպտեմբերի 6-ին՝ թիմի մեկնարկային կազմում խաղադաշտ դուրս գալով Գերմանիայի դեմ խաղում։
2019 թվականի սեպտեմբերի 4-ի դրությամբ
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Պարի Սեն-Ժերմեն | 2012–13 | Լիգա 1 | 2 | 0 | 0 | 0 | 0 | 0 | 0 | 0 | 2 | 0 |
2016–17 | 15 | 0 | 5 | 0 | 6 | 0 | 1 | 0 | 27 | 0 | ||
2017–18 | 34 | 0 | 0 | 0 | 8 | 0 | 1 | 0 | 43 | 0 | ||
2018–19 | 21 | 0 | 5 | 0 | 3 | 0 | 2 | 0 | 31 | 0 | ||
2019–20 | 3 | 0 | 0 | 0 | 0 | 0 | 1 | 0 | 4 | 0 | ||
Ընդհանուր | 75 | 0 | 10 | 0 | 17 | 0 | 5 | 0 | 107 | 0 | ||
Լանս (վարձավճար) | 2013–14 | Լիգա 2 | 35 | 0 | 1 | 0 | — | 0 | 0 | 36 | 0 | |
Բաստիա (վարձավճար) | 2014–15 | Լիգա 1 | 36 | 0 | 1 | 0 | 3 | 0 | 40 | 0 | ||
Վիլյառեալ (վարձավճար) | 2015–16 | Լա Լիգա | 32 | 0 | 0 | 0 | 5 | 0 | — | 37 | 0 | |
Ռեալ Մադրիդ (վարձավճար) | 2019–20 | 0 | 0 | 0 | 0 | 0 | 0 | 0 | 0 | 0 | 0 | |
Կարիերայի ընդհանուր | 178 | 0 | 12 | 0 | 22 | 0 | 8 | 0 | 220 | 0 |
2019 թվականի սեպտեմբերի 4-ի դրությամբ
Ֆրանսիա | ||
---|---|---|
Տարի | Խաղեր | Գոլեր |
2018 | 2 | 0 |
2019 | 1 | 0 |
Ընդհանուր | 3 | 0 |
Պարի Սեն-Ժերմեն
Ֆրանսիա Մ20
Ֆրանսիա
Վիքիպահեստն ունի նյութեր, որոնք վերաբերում են «Ալֆոնս Արեոլա» հոդվածին։ |
This article uses material from the Wikipedia Հայերեն article Ալֆոնս Արեոլա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.