Ֆուտբոլի Ֆրանսիայի Լիգայի Գավաթ
Ֆուտբոլի Ֆրանսիայի լիգայի գավաթ (ֆր.՝ Coupe de la Ligue), ֆրանսիական ֆուտբոլային գավաթային մրցաշար։ Ֆրանսիայի լիգայի գավաթը անցկացվում է 1994 թվականից ի վեր և ի տարբերություն Ֆրանսիայի գավաթի, լիգայի գավաթին կարող են մասնակցել միայն Ֆրանսիայի բարձրագույն 3 դիվիզիոններում հանդես եկող պրոֆեսիոնալ ակումբները։
| Ֆրանսիայի լիգայի գավաթ Coupe de la Ligue | |
|---|---|
 | |
| Երկիր |  Ֆրանսիա |
| Հիմնվել է | 1994 |
| Ակումբների քանակ | 42 |
| Միջազգային առաջնություններ | ՈՒԵՖԱ Եվրոպայի Լիգա |
 Ներկայիս չեմպիոն | Պարի Սեն-Ժերմեն (7-րդ տիտղոս) |
| Ամենատիտղոսավոր թիմ | Պարի Սեն-Ժերմեն (7 տիտղոս) |
 2017-18 Ֆրանսիայի լիգայի գավաթ | |
Ֆրանսիայի լիգայի գավաթի գործող չեմպիոնը Պարի Սեն-Ժերմենն է, որը 2016-17 մրցաշրջանի եզրափակչում 4-1 հաշվով պարտության մատնեց Մոնակոյին՝ նվաճելով իր ռեկորդային 7-րդ լիգայի գավաթը։
Նախորդող մրցաշարեր
Ֆրանսիայի լիգայի գավաթի նման մրցաշար նախկինում անցկացվել են Ֆրանսիայում։ 1953 թվականից 1965 թվականը անցկացվում էր Շառլ Դրագոյի գավաթը, որին մասնակցում էին այն թիմերը, որոնք դուրս էին մնացել մինչև Ֆրանսիայի գավաթի քառորդ եզրափակիչը։ 1953 թվականի Շառլ Դրագոյի գավաթի եզրափակիչը Սոշոյի և Թուլուզի միջև ավարտվեց 3-3 հաշվով և հաղթողը որոշվեց մետաղադրամ նետելով։ Մեկ այլ մրցաշար Ֆրանսիայի լիգայի գավաթ անվանմամբ անցկացվեց 1963 թվականից 1965-ը և 2 տարի անց Շառլ Դրագոյի գավաթի հետ դադարեցվեց։ 1982 թվականին անցկացվեց Ամառային գավաթը և այն շարունակեց անցկացվել մինչև 1994 թվականը Լիգայի գավաթ անվանմամբ։
Պատմություն
Ֆրանսիայի լիգայի գավաթը սկսեց անցկացվել 1994 թվականից, քանի որ պրոֆեսիոնալ ակումբները դժգոհ էին Ֆրանսիայի գավաթից, քանի որ այս մրցաշարում ցածր դիվիզիոններում հանդես եկող ակումբները տանը խաղալու հնարավորության պատճառով առավելություն ունեին։ Հաղթողները հնարավորություն էին ստանում հանդես գալ ՈՒԵՖԱ Գավաթում (ներկայումս՝ ՈՒԵՖԱ Եվրոպայի Լիգա)։ Գավաթի առաջին հաղթողը Պարի Սեն-Ժերմենն էր, որը եզրափակչում 2-0 հաշվով պարտության մատնեց Բաստիային։ 1996 թվականին լիգայի գավաթի հաղթողը՝ Մեցի և Լիոնի միջև առաջին անգամ որոշվեց հետխաղյա 11-մետրանոցներով։ Առաջին 3 գավաթների եզրափակիչները անցկացվեցին Պարկ դե Պրենս մարզադաշտում, իսկ 1998 թվականից 2015 թվականը եզրափակիչները անցկացվում էին Ստադ դե Ֆրանսում։ 2016 թվականի սեպտեմբերին հայտարարվեց, որ հաջորդ 3 եզրափակիչները կխաղարկվեն համապատասխանաբար Լիոնում, Բորդոյում և Լիլում։ Ստրասբուրգը և Պարի Սեն-Ժերմենը հաղթել են լիգայի գավաթը և՛ Ստադ դե Ֆրանսում, և՛ Պարկ դե Պրենսում։ 2000 թվականին Գյոնյոնը դարձավ առաջին ակումբը ոչ-բարձրագույն դիվիզիոնից, որ հաղթել է գավաթում։ Ընդհանուր առմամբ լիգայի գավաթը հաղթել է 14 թիմ։ Գործող չեմպիոնը ՊՍԺ-ն է, որը 2017 թվականի եզրափակչում պարտության մատնեց Մոնակոյին։
Հաղթողներ
| Թիմ | Հաղթող | 2-րդ տեղ | Հաղթած տարիներ | Երկրորդ տեղ գրաված տարիներ |
|---|---|---|---|---|
| Պարի Սեն-Ժերմեն | 7 | 1 | 1995, 1998, 2008, 2014, 2015, 2016, 2017 | 2000 |
| Բորդո | 3 | 3 | 2002, 2007, 2009 | 1997, 1998, 2010 |
| Մարսել | 3 | 0 | 2010, 2011, 2012 | — |
| Ստրասբուրգ | 3 | 0 | 1964, 1997, 2005 | — |
| Մեց | 2 | 1 | 1986, 1996 | 1999 |
| Լանս | 2 | 1 | 1994, 1999 | 2008 |
| Լավալ | 2 | 0 | 1982, 1984 | — |
| Լիոն | 1 | 4 | 2001 | 1996, 2007, 2012, 2014 |
| Մոնակո | 1 | 3 | 2003 | 1984, 2001, 2017 |
| Մոնպելիե | 1 | 1 | 1992 | 1994, 2011 |
| Նանտ | 1 | 1 | 1965 | 2004 |
| Սոշո | 1 | 1 | 2004 | 2003 |
| Նանսի | 1 | 1 | 2006 | 1982 |
| Ռեյմս | 1 | 0 | 1991 | — |
| Գյոնյոն | 1 | 0 | 2000 | — |
| Սենտ Էտիեն | 1 | 0 | 2013 | — |
Ռեկորդներ
- Ամենաշատ հաղթանակներ (թիմ)․ 7, Պարի Սեն-Ժերմեն.
- Ամենաշատ ելույթներ եզրափակչում (թիմ)․ 8, Պարի Սեն-Ժերմեն.
- Լավագույն ռմբարկու (կարիերա)․ Պաուլետա, 15 գոլ
- Ամենաշատ գոլեր 1 մրցաշրջանում (խաղացող)․ Ստեֆան Գիվարշ, 7 գոլ 1997–98 մրցաշրջանում
Ծանոթագրություններ
Արտաքին հղումներ
This article uses material from the Wikipedia Հայերեն article Ֆուտբոլի Ֆրանսիայի լիգայի գավաթ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.