Ազան
Ազան (արաբ․՝ أذان — հրավեր), Մուսուլմանների հերթական աղոթքի հրավեր։ Ազանն ազդարարում է նամազի սկիզբը։ Ազան կարդացողին անվանում են մոազեն։ Համապատասխան ժամին, մոազենը կանգնում է Քաաբայի (Ղեբլե) դիմաց և մուսուլմաններին հրավիրում նամազի։ Ազանից մի քանի րոպե անց, աղոթքից առաջ, կարդացվում է էղամեն։ Ազանը որպես կանոն, հայտարարվում է մզկիթի մինարեթից։
Պատմություն
Պատմության համաձայն, Ազանը սահմանել է Մուհամմադ մարգարեն 622-623 թթ։ Տեղափոխվելով Մեքքա, նա հավաքում է իր աջակիցներին, որպեսզի որոշի աղոթքի հրավիրելու համապատասխան ձև։ Հավաքվածների մի մասը առաջարկում է հնչեցնել զանգերը, մյուսները` վառել խարույկներ, երրորդները` փչել փողերը։ Մարգարեն մերժում է այս առաջարկները։ Սուննիներն ասում են, որ Աբդուլլահ Էբն Զեյդը երազում տեսել է ազանի տեքստը։ Առավոտյան նա գնում է Մուհամմադ մարգարեի մոտ և պատմում երազի մասին։ Հետո պարզվում է, որ նմանօրինակ երազներ տեսել են նաև մյուսները։ Նրանց լսելուց հետո Մուհամմադը հավանություն է տալիս ազանին և Աբդուլլահ Իբն Զիիդին հանձնարարում, Բիլալ բեն Ռաբային, որն ուներ շատ գեղեցիկ ձայն, սովորեցնել ազանի խոսքերը։ Այսպիսով, Բիլալը դարձավ իսլամի պատմության մեջ առաջին մոազենը։ Շիաները սակայն համոզված են, որ ազանը մարգարեին ներշնչվել է Գաբրիել հրեշտակի կողմից։
Մուհամմադն ասել է. «Եթե եկել է աղոթքի ժամանակը, թող ձեզանից մեկը կարդա ազան, իսկ ամենաարժանավորը լինի ձեր իմամը»։
Հայերեն թարգմանություն
Ալլահն ամենազորն է, Ալլահն ամենազորն է (2 անգամ)
Վկայում եմ, որ չկա աստվածություն Ալլահից բացի (2 անգամ)
Վկայում եմ, որ Մուհամմադը Ալլահի մարգարեն է (2 անգամ)
Շտապե՛ք աղոթքի (2 անգամ)
Շտապե՛ք փրկվել (2 անգամ)
Աղոթքը քնելուց լավ է (2 անգամ)
Ալլահն ամենազորն է, Ալլահն ամենազորն է (1 անգամ)
Չկա աստվածություն Ալլահից բացի (1 անգամ)
Ծանոթագրություններ
Աղբյուրներ
- http://islam-today.ru/veroucenie/nacinausim/kibla-simvol-duhovnogo-edinstva-musulman/
- https://armislam.livejournal.com/
- https://quran.com/
- http://tadeebulquran.com/adhan-azan-in-arabic-text/
 | Վիքիպահեստն ունի նյութեր, որոնք վերաբերում են «Ազան» հոդվածին։ |
This article uses material from the Wikipedia Հայերեն article Ազան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.