Arnas Sindrome Akutu Larria: Wikimediako zerrenda artikulua

Arnas sindrome akutu larria
Deskribapena
Mota	gaixotasun biriko kutsakorra, infekzio koronabirikoa, pneumonia atipikoa; eritasuna
Espezialitatea	pneumologia, infektologia; mikrobiologia
Arrazoia(k)	SARS-CoV
Sintoma(k)	sukarra, buruko mina, Eztula, Hipoxia, Arnasestua, zianosia, mialgia, Burn-out sindromea, beherakoa; pneumonia atipikoa
Sortzen du	2002–2004 SARS outbreak (en)
Azterketa medikoa	Polimerasaren kate-erreakzioa; ordenagailu bidezko tomografia axiala
Identifikatzaileak
GNS-10-MK	J12.81
GNS-9-MK	079.82
GNS-10	U04.9
GNS-9	079.82079.82
DiseasesDB	32835
MedlinePlus	007192
eMedicine	007192
MeSH	D045169
Disease Ontology ID	DOID:2945

Pneumonia mota bat da, SARS-CoV izeneko birusak eragindakoa, pertsonen artean kutsatzen dena .

Ohar medikoa

Oharra: Wikik ez du mediku aholkurik ematen. Tratamendua behar duzula uste baduzu, jo ezazu sendagilearengana.

Gaitz horren hilgarritasun tasa 2002-2003 urte bitarteko izurritean % 13 ingurukoa izan zen, baina % 50eraino iristen zen 65 urtetik gorakoengan . Urte haietako kasu gehienak Txinan eta inguruko herrialdeetan agertu ziren. 2004tik gaur arte (2020) ez da kasu berririk agertu.

Gaitzaren sintomak eta diagnostikoa

Gaitzaren inkubazio epea 2-10 egunekoa zen. Sintoma nagusiak pneumoniarenak dira, eta horregatik zaila da sintomatologian oinarrituta gaitzaren diagnostiko zuzena egitea:

Paziente gehienek hobera jotzen dute 7 egunetik aurrera, beren immunitate-sistema birus patogenoari gailentzen zaionean. Baina gutxi batzuek narriadura jasan dezakete eta arnas distreseko sindromea pairatu, beren osasun egoera nabarmen okertzen duena.

Ohikoa da gaixoek aldaketa esanguratsuak izatea biriketan: toraxaren erradiografia baten bitartez antzematen dira.

Laborategiko froga zehatzek gaitzaren diagnostikoa baieztatzen dute. Birus patogenoaren detekzioa proba zuzenen bidez (PCR, esaterako) egiten da, edo SRAS-CoVren aurkako antigorputzak antzematerakoan (ELISArekin, adibidez) gaixoaren odol laginetan.

Ez dago une honetan birus eragilearen aurkako botikarik edo txertorik, azken horren fabrikazioan ikerketa asko egin arren.

Mikrobio eragilea

SARS-CoV birusa birus berria da, 2002 baino lehen ezagutzen ez zena. Ordura arte ezagutzen ziren koronabirus gehienak ez ziren oso birulentoak, eta hotzeriak eta arnas-aparatuko gaitz arinak sortzen zituzten.

Oso litekeena da SARS-CoV birusa animalietan egotea, eta hortik gizakietara pasatzea espezie-jauzi bat gertatu zenean, 2002an. Zoonosi bat izan liteke ASAL, horrenbestez. Zientzialari talde batek Yunnango kobazulo bateko (Txinan) saguzarrak birusaren ostalari nagusiak zirela aurkitu zuten . Zibetetan ere aurkitu da birus patogenoa.

2020ko urtarrilean, koronabirus berria agertu zen Txinan, SARS-CoVarekin antz handia zuena, saguzar eta beste animalia batzuetatik, antza, gizakietara ere pasatu zena. Koronabirus berri horri SARS-CoV-2 deitu zitzaion, eta honek ere pneumonia larria sortu ahal du, COVID-19 deritzona

Erreferentziak

Ikus, gainera

Kanpo estekak

Arnas Sindrome Akutu larriko (ASAL)edo bere kontaktuen kasuetarako jarduera protokoloa www.euskadi.eus, 2003

Datuak: Q103177
Multimedia: SARS / Q103177

This article uses material from the Wikipedia Euskara article Arnas sindrome akutu larria, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.