Apustu-artekaria edo artekaria, joko batean jokalari zein ikusleei apustuak proposatu, onartu, kudeatu edota ordainarazten dituen pertsona edo enpresa da.
Funtsean, artekariek jokoaren edota apustulari ezberdinen arteko bitartekari moduan egiten dute lan.
Artekariak jokoarekiko neutrala izan behar du eta ez du jokoaren emaitzan eragin behar. Hala balitz, iruzurra legoke tartean.
Apustu-artekaria gizabanakoa edo enpresa bat izan daiteke. Joko-etxeetan, adibidez, joko-etxea bera da artekaritza lana egiten duena.
Normalean, artekariek dirua irabazten dute apustuen kudeaketaz. Hau bi modutan gerta daiteke: apustuak jasotzean komisio bat kobratuz, edo proposatzen dituzten apustu motak doitu eta jokoa amaitzean diru soberakin bat egonen dela bermatuz.
Estatuek apustua eta artekarien lana erregulatu egiten dute, gehienetan. Artekariak, dagokion baimena tarteko, egoera zehatzetan bere lana legez buru dezake. Hala ere, badira legez kanpo lan egiten duten artekariak ere.
Datuak: Q664702
Multimedia: Bookmakers / Q664702This article uses material from the Wikipedia Euskara article Apustu-artekari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.
