Medikuntzan, inkubazio epea edo inkubazio aldia mikrobio batek infektatzen duenetik -hots, gure gorputzean sartzen denetik- seinale edo sintomak agertu arte pasatzen den denbora-tarteari deritzo.
Mikrobioez gain, susbtantzia kimiko batzuek ere inkubazio epea dute.
Mikrobio batek infektatzen duenean ez du segituan gaixotasun infekzioso bat sortzen. Denbora-tarte bat behar du mikrobioak gaitzaren sintomak sortu ahal izateko. Inkubazio epea oso aldakorra da mikrobio eta gaitzaren arabera. Gripearen kasuan inkubazio epea oso laburra da (1-3 egun), salmonelosiaren kasuan ere (6-48 ordu), baina HIESaren kasuan, aldiz, edo legenarraren kasuan oso luzea izan daiteke (urte luze batzuk) .
Posible da ere mikrobio batek infektatzea baina infektatutako gizabanakoak inoiz ez sufritzea gaitzaren sintomak. Hau da eramaile osasuntsuen kasua. Gizabanako batek, esaterako, Streptococcus bakterio patogenoa eztarrian eraman dezake inongo patologia (amigdalitis, faringitis...) izan gabe.
Hainbat faktorek eragin handia dute inkubazio epearen iraupenean: mikrobio patogenoaren birulentzia, ostalariaren immunitatea, infektatzen duen mikrobio patogenoaren kopurua, mikrobioaren sarreragunea, etab.
Gaixotasuna | Inkubazio epea | Erreferentziak |
---|---|---|
Kolera | 1-3 egun | [1] |
Gripea | 1-4 egun | [2] |
Hotzeria | 1-5 egun | [3] |
COVID-19a | 2-15 egun | [4] |
Legenarra | 10 urte arte | |
Ebola gaixotasun birikoa | 1-21 egun | [5] |
Salmonelosia | 6-48 ordu | |
Mononukleosi infekziosoa | 4-8 aste | [6] |
Kuru | 10-15 urte | [7] |
Poliomielitisa | 7-14 egun | [8] |
Errubeola | 14-21 egun | [9] |
Elgorria | 9-12 egun | [10] |
Botulismoa | 12-36 ordu | |
Amorrua | 1-3 hilabete, batzuetan gehiago | |
Tetanosa | 7-21 egun | |
Barizela | 14-16 egun | [11] |
This article uses material from the Wikipedia Euskara article Inkubazio epea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.