Período De Incubación: Tempo entre unha infección e a aparición dos síntomas
O período de incubación é o tempo comprendido entre a exposición dun individuo a un organismo, a unha substancia química ou a unha radiación patoxénico a a aparición dos primeiros signos e síntomas da enfermidade.
- Para outro dignificado véxase Incubación
Este período pode ser tan curto como algúns minutos, ou tan longo como trinta anos, como no caso da enfermidade de Creutzfeldt-Jakob.
Aínda que latencia ou período de latencia poden ser sinónimos, ás veces faise unha diferenza entre estes termos e o de período de incubación —o período entre o contaxio e o inicio clínico da enfermidade— e período latente —o tempo desde a infección até que se volve contaxiosa— o cal adoita ser máis curto.
Unha persoa pode ser portadora dunha enfermidade infecciosa, tales como as producidas por Streptococcus na gorxa, sen exhibir ningún síntoma. Dependendo da enfermidade, unha persoa pode ser ou non ser capaz de transmitir a doenza a outras durante o período de incubación.
Exemplos de períodos de incubación
Os períodos de incubación varían moito e usualmente exprésanse en termos de rango. Cando é posíbel, é mellor expresar a media e o décimo e nonaxésimo percentil, aínda que esta información non está sempre dispoñíbel. Os valores mencionados están acomodados en orde ascendente por números de días, aínda que nalgúns casos a media debe inferirse.
Para moitas condicións, os períodos de incubación son máis longos nos adultos que nos nenos.
| Enfermidade | Período de incubación | Referencia |
|---|---|---|
| Celulite causada por Pasteurella multocida | menos de 1 día | [1] |
| Cólera | 1-3 días | [2] |
| Gripe | 1-4 días | [3] |
| Escarlatina | 1-4 días | [4] |
| Arrefriado común | 2-5 días | [5] Arquivado 26 de maio de 2011 en Wayback Machine. |
| Ébola | 2-21 días | |
| Febre das Montañas Rochosas | 2-14 días | [6] Arquivado 26 de maio de 2011 en Wayback Machine. |
| SRAS | até 10 días | [7] |
| Roséola | 5-15 días | [8] Arquivado 01 de maio de 2009 en Wayback Machine. |
| Poliomielite | 7-14 días | [9] |
| Tose ferina | 7-14 días | [10] |
| Xarampelo | 9-12 días | [11]Arquivado 04 de decembro de 2010 en Wayback Machine. |
| Varíola | 7-17 días | [12] |
| Tétano xeneralizado | 7-21 días | [13] |
| Varicela | 14-16 días | [14] Arquivado 26 de maio de 2011 en Wayback Machine. |
| Eritema infeccioso | 13-18 días | [15] Arquivado 26 de maio de 2011 en Wayback Machine. |
| Parotidite | 14-18 días | [16] |
| Rubéola | 14-21 días | [17] Arquivado 26 de maio de 2011 en Wayback Machine. |
| Mononucleose infecciosa | 28-42 días | [18] Arquivado 09 de decembro de 2008 en Wayback Machine. |
| Kuru | media entre 10,3 e 13,2 anos | [19] |
Véxase tamén
This article uses material from the Wikipedia Galego article Período de incubación, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.