Kampal

Kampal
Kampala (angl. i suahili)
Valdkund	Ugand
Eläjiden lugu (2014)	1,516,210 ristitud
Pind	189 km²
Pämez'	Erias Lukvago; (viluku 2011—)
Telefonkod	+256-(0)41
Aigvö	UTC+3

Se om Ugandan Keskagjan pälidn mugažo, ičeksaz — üks' 112 ümbrikospäi (Kampal-ümbrik).

Lidn om valdkundan politikan, ižandusen da opendusen päkeskuz.

Istorii

Eländpunktan aluz om pandud vl 1890 Suren Britanijan F. Lugard-kolonistal mectuztahon sijas.

Vl 1906 Kampal kändihe lidnaks, sid' lidn šingotihe Bugand-kunigahusen pälidnaks. Vspäi 1962 Kampal om Ugandan pälidn sen ripmatomuden sandan jäl'ghe.

Geografijan andmused

Lidn sijadase läz Viktorii-järven pohjošt randištod. Kampalan avanport om Port Bell 10 kilometrad suvhe lidnaspäi.

Klimat om subekvatorialine pehmed vihmmecoiden. Kun päiväline kesklämuz om +22..+23 C° vodes läbi. Paneb sadegid 1265 mm vodes, sidä kesken om kaks' kuivahkod sezonad: viluku-uhoku (131 mm) da kezaku-heinku (132 mm).

Eläjad

Vn 2014 Ugandan rahvahanlugemižen mödhe lidnan eläjiden lugu oli 1 516 210 ristitud, läz 2 mln ristituid elihe ezilidnoidenke. Kaikiš suremb lidnan ristitišt om nügüd'.

Transport

Maršruttaksid i motociklad-taksid («boda-bod:ad») oma kundaližeks transportaks. Kampal ühtenzoitase raudtel Kenijan Nairobi-pälidnanke.

Rahvahidenkeskeine Entebbe-lendimport (EBB, 1,8 mln passažiroid vl 2018) om olmas vspäi 1927. Se sijadase 41 km suvipäivlaskmha avtotedme Kampalan rahaazjoiden keskusespäi Entebbe-lidnas (oli britanižen kolonialižen administracijan pälidnaks). Lendimportal soda- da civiline kävutand om olmas. Sišpäi da sihe tehtas reisid Afrikan, Päivlaskmaižen Evropan da Päivlaskmaižen Azijan verhiže maihe.

Homaičendad

Irdkosketused

Kampal-pälidnan oficialine portal (kcca.go.ug). (angl.)

	Afrikan pälidnad
	Abudž \| Addis-Abeb \| Akkr \| Alžir-lidn \| Antananarivu \| Asmar \| Bamako \| Bangi \| Banžul \| Bisau \| Brazzavil' \| Dakar \| Dodom \| Džibuti-lidn \| Džub \| Fritaun \| Gaborone \| Giteg \| Harare \| Hartum \| Jamusukro \| Jaunde \| Kair \| Kampal \| Kigali \| Kinšas \| Konakri \| Librevil' \| Lilongve \| Lome \| Luand \| Lusak \| Malabo \| Maputu \| Maseru \| Mbabane \| Mogadišo \| Monrovii \| Moroni \| Nairobi \| Ndžamen \| Niamei \| Nuakšot \| Port Lui \| Porto Novo \| Prai \| Pretorii \| Rabat \| San Tome \| Tripoli \| Tunis-lidn \| Uagadugu \| Viktorii \| Vindhuk

This article uses material from the Wikipedia Vepsän article Kampal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.