ᱡᱚᱡᱚ ᱫᱚ ᱢᱤᱫ ᱞᱮᱠᱟᱱ ᱡᱚ ᱠᱟᱱᱟ ᱾ ᱟᱨ ᱱᱚᱶᱟ ᱫᱤ ᱤᱝᱞᱤᱥ ᱛᱮ 'ᱴᱟᱢᱟᱨᱤᱸᱰ ᱴᱨᱤ' ᱟᱨᱵᱟᱝ 'ᱤᱸᱰᱤᱭᱟᱱ ᱰᱮᱴ' ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱫᱚ ᱴᱟᱢᱟᱱᱰᱚᱥ ᱤᱱᱰᱤᱠᱟ (ᱞᱟᱴᱤᱱ ᱟᱹᱲᱟᱹ) ᱟᱨ ᱱᱚᱶᱟ ᱫᱚ ᱥᱤᱡᱟᱞᱯᱤᱱᱤᱭᱟᱥ ᱵᱚᱝᱥᱚ ᱨᱮᱱᱟᱜ ᱠᱟᱱᱟ ᱾ ᱥᱚᱸᱥᱠᱨᱩᱛ ᱟᱹᱲᱟᱹ ᱟᱢᱞᱤᱠᱟ ᱢᱮᱱᱮᱛ ᱫᱚ ᱡᱚᱡᱚᱣᱟᱜ ᱾ ᱱᱚᱶᱟ ᱫᱚ ᱦᱤᱸᱫᱤ ᱛᱮ ᱤᱢᱞᱤ, ᱢᱚᱨᱟᱴᱷᱤ ᱛᱮ ᱚᱢᱲᱤ, ᱪᱤᱧᱪᱤ, ᱛᱮᱞᱩᱜᱩ ᱯᱟᱹᱨᱥᱤ ᱛᱮ ᱪᱤᱱᱛᱷᱟ, ᱦᱩᱞᱤ ᱟᱨ ᱢᱟᱞᱟᱭᱟᱞᱟᱢ ᱛᱮ ᱚᱢᱞᱟᱢ ᱠᱚ ᱢᱮᱛᱟᱜ ᱠᱟᱱᱟ ᱾
Tamarind | |
---|---|
Conservation status | |
Least Concern (IUCN 3.1) | |
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ | |
ᱡᱮᱜᱮᱛ: | Plantae |
ᱵᱟᱝᱛᱷᱚᱠ ᱟᱠᱟᱱ: | Angiosperms |
ᱵᱟᱝᱛᱷᱚᱠ ᱟᱠᱟᱱ: | Eudicots |
ᱵᱟᱝᱛᱷᱚᱠ ᱟᱠᱟᱱ: | Rosids |
ᱫᱷᱟᱹᱲ: | Fabales |
ᱜᱷᱟᱨᱚᱡᱽ: | Fabaceae |
ᱡᱚᱜᱚ ᱜᱷᱟᱨᱚᱡᱽ: | Detarioideae |
ᱯᱨᱚᱡᱟᱹᱛᱤ: | Tamarindus L. |
ᱡᱟᱹᱛ: | T. indica |
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ | |
Tamarindus indica L. 1753 | |
Synonyms | |
|
ᱡᱚᱡᱚ ᱫᱚ ᱢᱤᱫ ᱱᱟᱯᱟᱭ ᱦᱟᱹᱨᱭᱟᱹᱲ ᱫᱟᱨᱮ, ᱡᱟᱦᱟᱸ ᱨᱮᱱᱟᱜ ᱰᱟᱹᱨ ᱫᱚ ᱜᱚᱴᱟ ᱯᱟᱲᱟ ᱟᱴᱮᱫ ᱠᱚᱜᱼᱟ ᱾ ᱱᱚᱶ ᱫᱟᱨᱮ ᱫᱚ ᱵᱷᱮᱰᱟᱛ ᱠᱷᱚᱱ ᱢᱚᱴᱟ ᱜᱮᱭᱟ ᱟᱨ ᱵᱟᱠᱞᱟᱜ ᱫᱚ ᱯᱚᱥᱟᱜ ᱯᱚᱥᱟᱜ ᱜᱮᱭᱟ ᱟᱨ ᱨᱚᱝ ᱫᱚ ᱦᱮᱸᱫᱮ ᱦᱮᱸᱫᱮ ᱫᱷᱟᱨᱟ ᱾ ᱥᱟᱠᱟᱢ ᱠᱚ ᱫᱚ ᱦᱩᱰᱤᱧ ᱟᱨ ᱵᱤᱞᱤ ᱨᱮᱱᱟᱜ ᱚᱲᱚᱝ ᱞᱮᱠᱟ ᱾ ᱵᱟᱞᱮ ᱡᱚᱠᱷᱟᱜ ᱥᱟᱥᱟᱝ ᱦᱟᱹᱨᱭᱟᱹᱲ ᱥᱟᱠᱟᱢ ᱧᱮᱞᱚᱜᱼᱟ ᱟᱨ ᱠᱮᱴᱮᱡ ᱠᱟᱛᱮ ᱫᱚ ᱦᱮᱸᱫᱮ ᱦᱟᱹᱨᱭᱟᱹᱲ ᱧᱮᱞᱚᱜᱼᱟ ᱾ ᱢᱤᱫ ᱵᱟᱦᱟ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱯᱮᱴᱟᱞ ᱚᱰᱚᱠ ᱠᱚᱜᱼᱟ ᱾ ᱵᱟᱦᱟ ᱠᱚ ᱫᱚ ᱜᱚᱴᱟ ᱯᱟᱲᱟ ᱜᱟᱞᱟᱝ ᱟᱠᱟᱫ ᱞᱮᱠᱟ ᱛᱟᱦᱮᱸᱱᱟ ᱾ ᱡᱚᱡᱚ ᱡᱚ ᱫᱚ ᱠᱟᱹᱲᱵᱩᱝ ᱫᱷᱟᱨᱟ ᱜᱮ ᱛᱟᱦᱮᱸᱱᱟ ᱟᱨ ᱯᱟᱠᱚᱲ ᱠᱟᱛᱮ ᱦᱟᱥᱟ ᱞᱮᱠᱟ ᱨᱚᱝ ᱧᱮᱞᱚᱜᱼᱟ ᱾ ᱪᱚᱯᱟ ᱞᱟᱛᱟᱨ ᱨᱮ ᱡᱤᱞ ᱛᱟᱦᱮᱸᱱᱟ ᱚᱱᱟ ᱵᱷᱤᱛᱤᱨ ᱨᱮ ᱫᱚ ᱠᱮᱴᱮᱡ ᱡᱟᱝ ᱛᱟᱦᱮᱸᱱᱟ ᱾ ᱪᱚᱠᱟᱜ ᱚᱪᱚᱦ ᱠᱟᱛᱮ ᱠᱚ ᱡᱚᱢᱟ ᱾ ᱱᱚᱶᱟ ᱨᱮᱱᱟᱜ ᱟᱹᱰᱤ ᱜᱟᱱ ᱵᱮᱵᱷᱟᱨ ᱜᱩᱱ ᱢᱮᱱᱟᱜᱼᱟ ᱾
ᱡᱟᱹᱥᱛᱤ ᱨᱟᱛᱮ ᱱᱚᱶᱟ ᱨᱮᱱᱟᱜ ᱜᱚᱨᱚᱡᱽ ᱠᱷᱚᱴᱟ, ᱪᱟᱹᱴᱱᱤ ᱮᱢᱟᱱ ᱮᱢᱟᱱ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱜᱼᱟ ᱾ ᱡᱚᱡᱚ ᱛᱮ ᱡᱚᱡᱚ ᱦᱮᱲᱮᱢ ᱫᱟᱹᱲ ᱨᱟᱥᱮ ᱛᱮᱭᱟᱨ ᱞᱟᱹᱜᱤᱫ ᱜᱩᱲ ᱟᱨ ᱢᱟᱹᱥᱨᱤ ᱫᱟᱹᱞ ᱠᱚ ᱢᱮᱥᱟᱭᱟ ᱾ ᱡᱚᱡᱚ ᱫᱚ ᱟᱪᱟᱨ ᱟᱨ ᱪᱟᱹᱴᱱᱤ ᱵᱟᱹᱲᱛᱤ ᱠᱚ ᱛᱮᱭᱟᱨᱟ ᱾ ᱱᱚᱶᱟ ᱡᱚᱡᱚ ᱫᱚ ᱡᱚᱢᱟᱜ ᱠᱚ ᱦᱚᱡᱚᱢ ᱨᱮ ᱜᱚᱲᱚᱭ ᱮᱢᱟ ᱾ ᱡᱚᱡᱚ ᱫᱚ ᱞᱟᱡ ᱦᱚᱸᱭ ᱥᱟᱯᱷᱟᱭᱟ ᱾ ᱯᱤᱛ ᱠᱚᱜ ᱡᱚᱠᱷᱟᱜ ᱦᱚᱸ ᱡᱚᱡᱚ ᱠᱚ ᱵᱮᱵᱷᱟᱨᱟ ᱾ ᱠᱚᱧᱮ ᱥᱤᱧᱚᱛ ᱨᱮ ᱱᱚᱶᱟ ᱨᱮᱱᱟᱜ ᱜᱚᱨᱚᱡᱽ ᱟᱹᱰᱤ ᱡᱟᱹᱥᱛᱤ ᱢᱮᱱᱟᱜ ᱾ ᱱᱚᱛᱮ ᱨᱤᱱ ᱦᱚᱲ ᱫᱚ ᱡᱚᱛᱚ ᱡᱚᱢᱟᱜ ᱥᱟᱞᱟᱜ ᱡᱚᱡᱚ ᱫᱚ ᱠᱚ ᱡᱚᱢ ᱧᱚᱜᱽ ᱜᱮᱭᱟ ᱾
ᱛᱤᱢᱤᱱ ᱦᱚᱲ ᱠᱚᱣᱟᱜ ᱫᱚ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱪᱤ, ᱡᱚᱡᱚ ᱫᱟᱨᱮ ᱫᱚ ᱵᱷᱩᱛ ᱠᱚᱣᱟᱜ ᱛᱷᱟᱱ ᱠᱟᱱᱟ ᱢᱮᱱᱛᱮ ᱟᱨ ᱱᱚᱶᱟ ᱫᱟᱨᱮ ᱞᱟᱛᱟᱨ ᱨᱮ ᱪᱤᱞᱤ ᱫᱟᱨᱮ ᱦᱚᱸ ᱵᱟᱠᱚ ᱵᱟᱧᱪᱟᱣ ᱫᱟᱲᱮᱭᱟᱜᱼᱟ ᱾ ᱨᱟᱡᱟ ᱟᱠᱵᱚᱨ ᱭᱤᱡ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱛᱟᱱᱥᱮ ᱟᱜ ᱛᱚᱯᱟ ᱜᱩᱣᱟᱞᱤᱭᱚᱨ ᱨᱮ ᱟᱡᱟᱜ ᱛᱚᱯᱟ ᱪᱮᱛᱟᱱ ᱨᱮ ᱡᱚᱡᱚ ᱫᱟᱨᱮ ᱢᱮᱱᱟᱜᱼᱟ ᱾ ᱦᱚᱲ ᱠᱚ ᱨᱚᱲᱟ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱚ ᱟᱲᱟᱝ ᱥᱤᱵᱤᱞ ᱞᱟᱹᱜᱤᱫ ᱛᱮ ᱱᱚᱶᱟ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱠᱚ ᱡᱚᱢᱟ ᱾
This article uses material from the Wikipedia ᱥᱟᱱᱛᱟᱲᱤ article ᱡᱚᱡᱚ ᱡᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.