ᱜᱟᱡᱟ ᱴᱚᱴᱷᱟ
ᱜᱚᱡᱟ ᱴᱚᱴᱷᱟ (/ ˈgaɑːzə/′ᱟᱨᱚᱵᱤᱠ:غَزَّةَ قِطَاعُ) ᱥᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱜᱟᱡᱟ ᱫᱚ ᱚᱛ ᱛᱟᱞᱟ ᱫᱚᱨᱮᱭᱟ ᱨᱮᱭᱟᱜ ᱥᱟᱢᱟᱝ ᱟᱲᱮ ᱨᱮ ᱢᱮᱱᱟᱜ ᱢᱤᱫᱴᱟᱝ ᱦᱩᱰᱤᱧ ᱚᱛ ᱴᱚᱴᱷᱟ ᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱥᱟᱢᱟᱝ ᱟᱨ ᱠᱚᱧᱮ ᱨᱮ ᱤᱡᱽᱨᱟᱭᱮᱞ ᱟᱨ ᱮᱛᱚᱢ-ᱯᱟᱪᱮ ᱨᱮ ᱢᱤᱥᱚᱨ ᱫᱤᱥᱚᱢ ᱨᱮᱭᱟᱜ ᱥᱤᱢᱟᱹ ᱢᱮᱱᱟᱜᱼᱟ᱾ ᱓᱖᱕ ᱪᱟᱹᱣᱠᱟᱹ ᱠᱤᱞᱳᱢᱤᱴᱟᱨ ᱜᱟᱱ ᱴᱚᱴᱷᱟ ᱨᱮ ᱒᱐ ᱞᱟᱠᱷ ᱦᱚᱲ ᱥᱟᱶ, ᱢᱤᱫᱴᱟᱝ ᱪᱮᱛᱟᱱᱼᱛᱷᱚᱠ ᱨᱮᱭᱟᱜ ᱨᱟᱡᱽᱟᱹᱨᱤ ᱤᱭᱩᱱᱤᱴ ᱢᱮᱱᱛᱮ ᱢᱚᱱᱮ ᱦᱩᱭ ᱞᱮᱱ ᱠᱷᱟᱱ, ᱜᱟᱡᱟ ᱡᱮᱜᱮᱫ ᱨᱮᱭᱟᱜ ᱛᱮᱥᱟᱨ ᱡᱚᱛᱚ ᱠᱷᱚᱱ ᱰᱷᱮᱨ ᱥᱩᱨ ᱥᱩᱨ ᱦᱚᱲᱜᱩᱱᱛᱤ ᱴᱚᱴᱷᱟ ᱨᱮ ᱞᱮᱠᱷᱟᱜᱼᱟ᱾ ᱱᱚᱶᱟ ᱫᱚ ᱳᱭᱮᱹᱥᱴ ᱵᱮᱱᱠ ᱥᱳᱨ ᱨᱮ ᱵᱟᱨᱭᱟ ᱯᱮᱞᱮᱥᱛᱟᱭᱤᱱ ᱴᱚᱴᱷᱟ ᱠᱚ ᱢᱩᱫᱽᱨᱮ ᱢᱤᱫᱴᱟᱝ ᱠᱟᱱᱟ᱾ ᱒᱐᱐᱗ ᱥᱮᱨᱢᱟ ᱠᱷᱚᱱ ᱱᱚᱶᱟ ᱴᱚᱴᱷᱟ ᱫᱚ ᱨᱟᱡᱽ ᱟᱹᱨᱤ ᱟᱨ ᱞᱚᱞᱚ ᱦᱟᱛᱟᱝᱤᱭᱟᱹ ᱜᱟᱫᱮᱞ ᱦᱟᱢᱟᱥ ᱫᱟᱨᱟᱭ ᱛᱮ ᱪᱟᱪᱟᱞᱟᱣᱚᱜ ᱠᱟᱱᱟ ᱟᱨ ᱤᱡᱽᱨᱟᱭᱮᱞ ᱟᱨ ᱢᱤᱥᱚᱨ ᱫᱟᱨᱟᱭ ᱛᱮ ᱵᱞᱚᱠᱮᱴ ᱦᱩᱭ ᱟᱠᱟᱱᱟ᱾
| ᱜᱟᱡᱟ ᱴᱚᱴᱷᱟ قطاع غزة | ||||
|---|---|---|---|---|
| ||||
 | ||||
| ᱨᱟᱡᱽᱜᱟᱲ | ᱜᱟᱡᱟ ᱥᱚᱦᱚᱨ | |||
| Largest city | ᱜᱟᱡᱟ ᱥᱚᱦᱚᱨ | |||
| ᱨᱟᱡᱽ ᱯᱟᱹᱨᱥᱤ | ᱟᱨᱚᱵᱤᱠ ᱯᱟᱹᱨᱥᱤ | |||
| ᱡᱟᱹᱛ | ᱯᱮᱞᱮᱥᱛᱤᱱᱤᱛᱟᱱ | |||
| ᱢᱤᱫ ᱢᱮᱱᱮᱫ | ᱜᱟᱡᱟᱱ ᱯᱮᱞᱮᱥᱛᱤᱱᱤᱛᱟᱱ | |||
| ᱮᱨᱤᱭᱟ | ||||
| - | ᱞᱮᱠᱷᱟᱜᱩᱴ | ᱓᱖᱕ km2 ᱑᱔᱑ m² | ||
| ᱦᱚᱲᱮᱞ | ||||
| - | ᱒᱐᱒᱒ ᱞᱮᱠᱷᱟ ᱡᱚᱠᱷᱟ | ᱒,᱒᱗᱕,᱒᱕᱙ | ||
| - | ᱥᱟᱝᱜᱮ | 6507/ᱠᱤᱹᱢᱤᱹ୨ ᱑᱖,᱘᱕᱓.᱑/ᱜᱟᱺᱴ ᱢᱤᱹ | ||
| ᱠᱟᱹᱣᱰᱤ | ᱤᱡᱽᱨᱟᱭᱮᱞᱤ ᱱᱟᱣᱟ ᱥᱮᱠᱮᱞ | |||
| ᱛᱟᱹᱨᱤ ᱚᱠᱛᱚ | ᱯᱮᱞᱮᱥᱛᱟᱭᱤᱱ ᱢᱟᱱᱚᱠ ᱚᱠᱛᱚ (ᱭᱩᱴᱤᱥᱤ+2) | |||
| - | ᱥᱤᱛᱩᱝ ᱫᱤᱱ (ᱰᱤᱹᱮᱥᱹᱴᱤ) | ᱯᱮᱞᱮᱥᱛᱟᱭᱤᱱ ᱥᱤᱛᱩᱝ ᱚᱠᱛᱚ (ᱭᱩᱴᱤᱥᱤ+3) | ||
| ᱯᱷᱚᱱ ᱠᱳᱰ | +970 | |||
᱑᱙᱔᱘ ᱥᱮᱨᱢᱟ ᱨᱮᱭᱟᱜ ᱟᱨᱚᱵᱽᱼᱤᱡᱽᱨᱟᱭᱮᱞ ᱞᱟᱹᱲᱦᱟᱹᱭ ᱛᱟᱭᱚᱢ ᱜᱟᱡᱟ ᱥᱴᱨᱤᱯ ᱮᱛᱚᱦᱚᱵ ᱞᱮᱠᱟᱛᱮ ᱢᱤᱫᱴᱟᱝ ᱢᱤᱥᱚᱨᱤᱭᱟᱹ ᱥᱟᱥᱚᱱ ᱴᱚᱴᱷᱟ ᱞᱮᱠᱟᱛᱮ ᱥᱚᱫᱚᱨ ᱞᱮᱱᱟ᱾ ᱑᱙᱖᱗ ᱥᱮᱨᱢᱟ ᱨᱮᱭᱟᱜ ᱞᱟᱹᱲᱦᱟᱹᱭ ᱛᱟᱭᱚᱢ ᱱᱚᱶᱟ ᱴᱚᱴᱷᱟ ᱫᱚ ᱤᱡᱽᱨᱟᱭᱮᱞ ᱟᱜ ᱜᱚᱵᱚᱞ ᱨᱮ ᱦᱮᱡ ᱞᱮᱱᱟ᱾ ᱑᱙᱙᱐ ᱜᱮᱞᱟᱝ ᱨᱮ ᱳᱥᱚᱞᱳ ᱮᱠᱳᱰ ᱨᱮᱭᱟᱜ ᱦᱤᱸᱥ ᱞᱮᱠᱟᱛᱮ, ᱜᱚᱴᱟᱵᱩᱴᱟᱹ ᱴᱚᱴᱷᱟ ᱨᱮ ᱤᱡᱽᱨᱟᱭᱮᱞ ᱠᱚᱣᱟᱜ ᱛᱷᱟᱭᱤ ᱛᱟᱦᱮᱸᱱ ᱥᱟᱶ ᱥᱟᱶᱛᱮ ᱡᱟᱹᱥᱛᱤ ᱴᱚᱴᱷᱟ ᱨᱮ ᱥᱟᱥᱚᱱ ᱫᱚ ᱯᱮᱞᱮᱥᱛᱟᱭᱤᱱ ᱡᱟᱹᱛᱤᱭᱟᱹᱨᱤ ᱚᱛᱷᱚᱨᱤᱴᱤ ᱴᱷᱮᱱ ᱮᱢ ᱪᱟᱞ ᱦᱩᱭ ᱞᱮᱱᱟ᱾ 2006 ᱥᱟᱹᱦᱤᱛᱨᱮ ᱦᱟᱢᱟᱥ ᱢᱩᱪᱟᱹᱫ ᱨᱮ ᱯᱟᱞᱮᱥᱴᱤᱱᱤ ᱟᱹᱱ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱟᱨ ᱜᱚᱡᱟ ᱥᱟᱥᱚᱱ ᱮᱦᱚᱵ ᱠᱮᱫᱟ , ᱡᱟᱦᱟᱸ ᱠᱷᱟᱹᱛᱤᱨ ᱛᱮ ᱤᱡᱚᱨᱮᱞ ᱾ ᱢᱚᱫᱚᱞ ᱯᱩᱨᱵᱚ ᱪᱳᱨᱮᱴᱮᱴ ᱠᱷᱚᱱ ᱵᱚᱱᱫᱷᱩᱠ ᱦᱩᱭ ᱞᱮᱱᱟ ᱾ 2007 ᱥᱟᱹᱦᱤᱛ ᱨᱮ ᱦᱟᱢᱟᱥ ᱜᱚᱴᱟ ᱥᱟᱢᱲᱟᱣᱮ ᱦᱟᱛᱟᱣ ᱞᱮᱫᱟ ᱾ ᱚᱱᱟ ᱥᱮᱨᱢᱟ ᱜᱮ ᱤᱡᱚᱨᱮᱞ ᱟᱨ ᱢᱤᱡᱯᱛᱚ ᱢᱤᱫᱴᱟᱝ ᱚᱛᱼᱫᱩᱱᱩᱞ ᱟᱨ ᱦᱚᱭ ᱵᱚᱱᱫᱮᱡ ᱠᱚ ᱛᱷᱟᱯᱚᱱ ᱞᱮᱫᱟ , ᱡᱟᱦᱟᱸᱛᱮ ᱦᱚᱲ ᱟᱨ ᱫᱩᱨᱤᱵ ᱠᱚ ᱵᱮᱼᱲᱤᱪᱟᱹᱲ ᱛᱮ ᱪᱟᱞᱟᱣ ᱵᱚᱱᱫᱮᱡ ᱦᱩᱭ ᱞᱮᱱᱟ , ᱡᱟᱦᱟᱸ ᱫᱚ ᱜᱚᱡᱟ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱠᱚ ᱵᱟᱹᱲᱤᱡ ᱞᱮᱫ ᱠᱚᱣᱟ ᱟᱨ ᱟᱹᱰᱤ ᱰᱷᱮᱨ ᱫᱟᱨᱤ ᱟᱨ ᱵᱮᱼᱵᱟᱹᱨᱡᱟᱹᱨᱤ ᱦᱟᱨ ᱨᱮᱭᱟᱜ ᱚᱡᱮ ᱦᱩᱭ ᱞᱮᱱᱟ ᱾
ᱜᱚᱡᱟ ᱚᱛᱛᱚᱨ ᱨᱮᱭᱟᱜ ᱡᱟᱹᱥᱛᱤ ᱦᱚᱲᱜᱮ ᱩᱱᱠᱚ ᱥᱟᱡᱚᱠ ᱠᱚᱣᱟᱜ ᱵᱤᱨᱟᱹᱫᱟᱹᱞᱤ ᱡᱟᱦᱟᱸᱭ 1948 ᱥᱟᱹᱦᱤᱛ ᱨᱮᱭᱟᱜ ᱟᱨᱚᱵᱼᱤᱥᱨᱟᱭᱮᱞ ᱞᱟᱹᱲᱦᱟᱹᱭ ᱛᱟᱭᱚᱢ ᱤᱡᱚᱨᱮᱞ ᱵᱮᱱᱟᱣ ᱴᱚᱴᱷᱟ ᱠᱷᱚᱱ ᱠᱚ ᱫᱟᱹᱲ ᱞᱮᱫᱟ ᱥᱮ ᱠᱚ ᱪᱷᱟᱹᱲ ᱠᱚ ᱧᱟᱢ ᱞᱮᱫᱟ ᱾ ᱜᱚᱡᱟ ᱨᱮᱭᱟᱜ 8 ᱜᱚᱴᱟᱝ ᱥᱟᱡᱚᱠ ᱠᱮᱢᱯ ᱨᱮ ᱯᱨᱟᱭ 6,00,000 ᱦᱚᱲ ᱜᱚᱡᱟ ᱨᱮᱱ ᱠᱚ ᱛᱟᱦᱮᱸᱱᱟ ᱾ ᱜᱚᱡᱟ ᱨᱮᱱ ᱡᱟᱹᱥᱛᱤ ᱦᱚᱲ ᱜᱮ ᱥᱩᱱᱱᱤ ᱢᱩᱥᱞᱟᱹ ᱟᱨ ᱯᱮᱥᱴᱮᱞᱤᱱᱤᱭᱚ ᱠᱷᱤᱥᱴᱟᱱ ᱠᱚᱢ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱜᱚᱡᱟ ᱨᱮᱭᱟᱜ ᱥᱮᱨᱢᱟᱠᱤᱭᱟᱹ ᱦᱚᱲ ᱞᱮᱠᱷᱟ ᱵᱟᱹᱲᱛᱤ ᱨᱮᱭᱟᱜ ᱦᱟᱨ 2ᱹ91% (2014 ᱥᱟᱹᱦᱤᱛ ᱨᱮ ᱡᱮᱜᱮᱫ ᱨᱮᱭᱟᱜ 13 ᱟᱱᱟᱜ ᱡᱚᱛᱚᱠᱷᱚᱱ ᱡᱟᱹᱥᱛᱤ) ᱟᱨ ᱡᱟᱣᱜᱮ ᱱᱚᱶᱟ ᱫᱚ ᱡᱟᱹᱥᱛᱤ ᱦᱚᱲ ᱠᱚ ᱥᱮᱞᱮᱫ ᱟᱠᱟᱱ ᱞᱮᱠᱟᱛᱮ ᱞᱟᱹᱭ ᱥᱚᱫᱚᱨᱚᱜᱼᱟ ᱾
ᱚᱛᱱᱚᱜ ᱟᱨ ᱦᱚᱭᱼᱦᱤᱸᱥᱤᱫ
ᱜᱟᱡᱟ ᱴᱚᱴᱷᱟ 41 km (25 mi) ᱢᱟᱭᱤᱞ) ᱡᱮᱞᱮᱧ ᱖ ᱠᱷᱚᱱ ᱑᱒ ᱠᱤᱞᱳᱢᱤᱴᱟᱨ (᱓ᱹ᱗ ᱠᱷᱚᱱ ᱗.᱕ ᱢᱟᱭᱤᱞ) ᱚᱥᱟᱨ ᱟᱨ ᱱᱚᱶᱟ ᱨᱮᱭᱟᱜ ᱜᱩᱴ ᱴᱚᱴᱷᱟ 365 km2 (141 sq mi) ᱠᱤᱞᱳᱢᱤᱴᱟᱨ ᱪᱟᱹᱣᱠᱟᱹ ᱢᱟᱭᱤᱞ) ᱯᱟᱥᱱᱟᱣ ᱢᱮᱱᱟᱜᱼᱟ᱾ ᱱᱚᱶᱟ ᱨᱮᱭᱟᱜ ᱤᱡᱽᱨᱟᱭᱮᱞ ᱥᱟᱶᱛᱮ 51 km (32 mi) ᱢᱟᱭᱤᱞ) ᱥᱤᱢᱟᱹ ᱟᱨ ᱨᱚᱯᱟᱦ ᱥᱟᱦᱟᱨ ᱥᱳᱨ ᱨᱮ ᱢᱤᱥᱚᱨ ᱥᱟᱶᱛᱮ 11 km (7 mi) ᱢᱟᱭᱤᱞ) ᱥᱤᱢᱟᱹ ᱢᱮᱱᱟᱜᱼᱟ᱾
ᱠᱷᱟᱱ ᱤᱭᱩᱱᱤᱥ ᱨᱚᱯᱟᱦ ᱠᱷᱚᱱ 7 km (4.3 mi) ᱢᱟᱭᱤᱞ) ᱠᱚᱧᱮᱼᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱟᱨ ᱫᱟᱭᱤᱨ ᱮᱞᱼᱵᱟᱞᱟᱦ ᱥᱩᱨ ᱨᱮ ᱟᱭᱢᱟ ᱥᱟᱦᱟᱨ ᱱᱚᱶᱟ ᱟᱨ ᱜᱟᱡᱟ ᱥᱟᱦᱟᱨ ᱨᱮᱭᱟᱜ ᱛᱟᱞᱟ ᱨᱮ ᱫᱚᱨᱮᱭᱟ ᱟᱲᱮ ᱨᱮ ᱢᱮᱱᱟᱜᱼᱟ᱾ ᱵᱮᱭᱤᱛ ᱞᱟᱦᱤᱭᱟ ᱟᱨ ᱵᱮᱭᱤᱛ ᱦᱟᱱᱩᱱ ᱫᱚ ᱛᱟᱭᱚᱢ ᱫᱟᱨᱟᱢ ᱞᱮᱠᱟᱛᱮ ᱜᱟᱡᱟ ᱥᱟᱦᱟᱨ ᱨᱮᱭᱟᱜ ᱠᱚᱧᱮ ᱟᱨ ᱠᱚᱧᱮᱼᱥᱟᱢᱟᱝ ᱨᱮ ᱢᱮᱱᱟᱜᱼᱟ᱾ ᱟᱞ ᱫᱟᱭᱨᱟ ᱥᱟᱹᱢᱩᱫ ᱫᱷᱟᱨᱮ ᱥᱚᱨᱯᱷᱟᱨ ᱠᱚ ᱞᱟᱹᱜᱤᱫ ᱢᱤᱫᱴᱟᱝ ᱦᱚᱲᱠᱩᱥᱤ ᱴᱷᱟᱶ ᱠᱟᱱᱟ᱾
ᱱᱟᱜᱟᱢ
ᱜᱟᱡᱟ ᱫᱚ ᱳᱴᱳᱢᱟᱱ ᱨᱟᱡᱽ ᱨᱮᱭᱟᱜ ᱦᱤᱸᱥ ᱛᱟᱦᱮᱸᱠᱟᱱᱟ ᱱᱚᱣᱟ ᱞᱟᱦᱟ ᱠᱷᱚᱱ ᱤᱭᱩᱱᱤᱠᱮᱴ ᱠᱤᱝᱰᱚᱢ (᱑᱙᱑᱘-᱑᱙᱔᱘), ᱢᱤᱥᱚᱨ (᱑᱙᱔᱘-᱑᱙᱖᱗), ᱟᱨ ᱚᱱᱟ ᱛᱟᱭᱚᱢ ᱤᱡᱽᱨᱟᱭᱮᱞ, ᱡᱟᱦᱟᱸ ᱑᱙᱙᱓ ᱥᱮᱨᱢᱟ ᱨᱮ ᱳᱥᱞᱳ ᱪᱩᱠᱛᱤ ᱛᱟᱞᱟᱛᱮ ᱜᱟᱡᱟ ᱨᱮ ᱯᱮᱞᱮᱥᱛᱟᱭᱤᱱ ᱟᱯᱱᱟᱨ ᱛᱮ ᱥᱟᱥᱚᱱᱚᱜ ᱨᱮᱭᱟᱜ ᱯᱷᱩᱨᱜᱟᱹᱞ ᱮᱢ ᱦᱩᱭ ᱞᱮᱱᱟ᱾ ᱒᱐᱗ ᱥᱮᱨᱢᱟ ᱠᱷᱚᱱ ᱜᱟᱡᱟ ᱴᱚᱴᱷᱟ ᱫᱚ ᱦᱟᱢᱟᱥ ᱦᱚᱛᱮᱛᱮ ᱥᱟᱥᱚᱱᱚᱜ ᱠᱟᱱᱟ, ᱡᱟᱦᱟ ᱫᱚ ᱯᱮᱞᱮᱥᱴᱟᱭᱤᱱ ᱯᱚᱱᱚᱛ ᱟᱨ ᱯᱮᱞᱮᱥᱴᱟᱭᱤᱱ ᱦᱚᱲ ᱠᱚᱣᱟᱜ ᱥᱚᱫᱚᱨ ᱨᱮᱭᱟᱜ ᱫᱟᱹᱵᱤ ᱠᱚ ᱮᱢ ᱟᱠᱟᱫᱟ᱾
᱑᱙᱒᱓ ᱥᱮᱨᱢᱟ ᱞᱟᱦᱟ
᱑᱙᱒᱓-᱑᱙᱔᱘ ᱵᱨᱤᱴᱤᱥ ᱢᱮᱱᱰᱮᱴ
ᱯᱞᱟᱥᱮᱴᱤᱱ ᱞᱟᱹᱜᱤᱫ ᱵᱨᱤᱴᱤᱥ ᱢᱮᱱᱰᱮᱴ ᱯᱳᱭᱞᱳ ᱡᱮᱜᱮᱫ ᱞᱟᱹᱲᱦᱟᱹᱭ ᱛᱟᱭᱚᱢ ᱢᱩᱲᱩᱫ ᱜᱟᱛᱮ ᱟᱨ ᱥᱮᱞᱮᱫᱟᱱ ᱫᱟᱲᱮᱠᱚ ᱫᱟᱨᱟᱭ ᱛᱮ ᱒᱕ ᱮᱯᱨᱤᱞ ᱑᱙᱒᱐ ᱥᱟᱞ ᱨᱮ ᱞᱤᱜᱽ ᱚᱯᱷ ᱱᱮᱥᱟᱱ ᱨᱮᱭᱟᱜ ᱰᱨᱟᱯᱷᱚᱴ ᱠᱳᱵᱷᱮᱱᱮᱱᱴ ᱨᱮᱭᱟᱜ ᱒᱒ ᱟᱱ ᱚᱱᱚᱞ ᱟᱨ ᱥᱟᱱ ᱨᱮᱢᱳ ᱨᱮᱡᱩᱞᱮᱥᱚᱱ ᱨᱮ ᱥᱮᱞᱮᱫᱟᱱ ᱟᱹᱨᱤ ᱪᱮᱛᱟᱱ ᱴᱮᱦᱟᱴ ᱠᱟᱛᱮ ᱵᱮᱱᱟᱣ ᱞᱮᱱᱟ᱾ ᱱᱚᱣᱟ ᱢᱟᱱᱰᱮᱴ ᱫᱚ ᱑᱙᱒᱓ ᱠᱷᱚᱱ ᱑᱙᱔᱘ ᱥᱮᱨᱢᱟ ᱦᱟᱹᱵᱤᱡ ᱳᱴᱳᱢᱟᱱ ᱥᱤᱨᱤᱭᱟ ᱨᱮᱭᱟᱜ ᱮᱛᱚᱢ ᱦᱤᱸᱥ ᱨᱮ ᱵᱨᱤᱴᱤᱥ ᱥᱟᱥᱚᱱ ᱟᱹᱨᱤ ᱞᱮᱠᱟᱛᱮ ᱛᱷᱟᱯᱚᱱ ᱞᱮᱱᱟ᱾
᱑᱙᱔᱘ ᱥᱟᱱᱟᱢᱼᱯᱟᱞᱮᱥᱴᱤᱱ ᱥᱚᱨᱠᱟᱨ
᱑᱙᱓᱘ ᱥᱮᱨᱢᱟ ᱨᱮᱭᱟᱜ ᱒᱒ ᱥᱮᱯᱴᱮᱢᱵᱚᱨ ᱑᱙᱔᱘ ᱥᱮᱨᱢᱟ ᱨᱮᱭᱟᱜ ᱟᱨᱚᱵᱽᱼᱤᱡᱽᱨᱟᱭᱮᱞ ᱞᱟᱹᱲᱦᱟᱹᱭ ᱢᱩᱪᱟᱹᱫ ᱥᱮᱫ ᱟᱨᱵᱚ ᱞᱤᱜᱽ ᱫᱟᱨᱟᱭ ᱛᱮ ᱢᱤᱥᱚᱨᱤᱭᱟᱹ ᱜᱚᱵᱚᱞ ᱟᱠᱟᱱ ᱜᱟᱡᱟ ᱥᱟᱦᱟᱨ ᱨᱮ ᱥᱟᱱᱟᱢᱼᱯᱟᱞᱮᱥᱴᱤᱱ ᱥᱚᱨᱠᱟᱨ ᱠᱚ ᱩᱪᱷᱟᱹᱱ ᱞᱮᱫᱟ᱾
ᱠᱟᱹᱣᱰᱤ ᱟᱹᱨᱤ
ᱦᱚᱲ ᱞᱮᱠᱷᱟ
᱒᱐᱑᱐ ᱨᱮ ᱟᱢᱫᱟᱡᱽ ᱑᱖.᱖ ᱞᱟᱠᱷ ᱦᱚᱲ ᱜᱟᱡᱟ ᱴᱚᱴᱷᱟ ᱨᱮᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟ ᱢᱩᱫᱨᱮ ᱯᱨᱟᱭ ᱑᱐ ᱞᱟᱠᱷ ᱦᱚᱲ ᱫᱚ ᱡᱟᱹᱛᱤ ᱜᱟᱫᱮᱞ ᱟᱜ ᱨᱮᱡᱤᱥᱴ ᱟᱠᱟᱱ ᱨᱮᱯᱷᱤᱣᱡᱤ ᱠᱟᱱᱟ ᱠᱚ᱾ ᱟᱭᱢᱟᱜᱟᱱ ᱨᱮᱯᱷᱤᱣᱡᱤ ᱠᱚᱣᱟᱜ ᱵᱤᱨᱟᱹᱫᱟᱹᱞᱤ ᱡᱟᱦᱟᱸᱭ ᱠᱚ ᱑᱙᱔᱘ ᱥᱮᱨᱢᱟ ᱨᱮᱭᱟᱜ ᱥᱟᱵᱽᱥᱠᱨᱟᱭᱤᱵᱽ ᱞᱟᱹᱲᱦᱟᱹᱭ ᱚᱠᱛᱮ ᱚᱲᱟᱜ ᱠᱷᱚᱱ ᱠᱚ ᱫᱟᱹᱲ ᱞᱮᱫ ᱞ ᱥᱮ ᱚᱲᱟᱜ ᱠᱷᱚᱱ ᱠᱚ ᱞᱟᱜᱟ ᱞᱮᱫ ᱠᱚ ᱛᱟᱦᱮᱸᱫ᱾ ᱚᱱᱟ ᱚᱠᱛᱚ ᱠᱷᱚᱱ ᱴᱚᱴᱷᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱵᱟᱹᱲᱛᱤ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱩᱲᱩᱫ ᱚᱡᱮ ᱫᱚ ᱑᱙᱙᱑ ᱥᱮᱨᱢᱟ ᱨᱮ ᱡᱚᱛᱚ ᱛᱤᱨᱞᱟᱹ ᱠᱚ ᱢᱩᱫᱨᱮ ᱘ᱹ᱓ ᱜᱚᱴᱟᱝ ᱜᱤᱫᱽᱨᱟᱹ ᱡᱟᱱᱟᱢ ᱨᱮᱭᱟᱜ ᱦᱟᱨ ᱪᱮᱛᱟᱱ ᱨᱮ ᱥᱮᱴᱮᱨ ᱞᱮᱱᱟ᱾ ᱒᱐᱑᱓ ᱥᱮᱨᱢᱟ ᱨᱮ ᱱᱚᱶᱟ ᱫᱚ ᱡᱚᱛᱚ ᱛᱤᱨᱞᱟᱹ ᱨᱮ ᱔.᱔ ᱜᱚᱴᱟᱝ ᱜᱤᱫᱽᱨᱟᱹ ᱨᱮ ᱠᱚᱢ ᱟᱠᱟᱱᱟ ᱡᱟᱦᱟᱸ ᱱᱤᱛᱦᱚᱸ ᱡᱮᱜᱮᱫ ᱨᱮᱭᱟᱜ ᱡᱚᱛᱚᱠᱷᱚᱱ ᱡᱟᱹᱥᱛᱤ ᱨᱮ ᱞᱮᱠᱷᱟᱜᱼᱟ᱾
ᱜᱟᱡᱟ ᱴᱚᱴᱷᱟ ᱨᱮ ᱙᱙.᱘ ᱥᱟᱭᱦᱤᱸᱥ ᱦᱚᱲ ᱥᱩᱱᱤ ᱢᱩᱥᱞᱟᱹ, ᱡᱟᱦᱟᱸ ᱢᱩᱫᱨᱮ ᱒,᱐᱐᱐ ᱠᱷᱚᱱ ᱓,᱐᱐᱐ ᱦᱚᱲ (0ᱹ᱒ ᱥᱟᱭᱦᱤᱸᱥ) ᱟᱨᱚᱵᱽ ᱠᱷᱨᱤᱥᱴᱟᱱ ᱠᱟᱱᱟ ᱠᱚ᱾
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱜᱟᱡᱟ ᱴᱚᱴᱷᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.