ᱨᱟᱡᱽᱟᱹᱨᱤ

 

ᱱᱚᱣᱟ ᱟᱹᱲᱟᱹ ᱜᱨᱤᱠ ᱟᱹᱲᱟᱹ Politics (Πολιτικά, Polis) ᱠᱷᱚᱱ ᱦᱮᱡ ᱦᱟᱠᱟᱱᱟ ᱾ ᱚᱱᱟ ᱜᱨᱤᱠ ᱟᱹᱲᱟᱹ ᱠᱷᱚᱱᱜᱮ ᱟᱨᱤᱥᱴᱳᱴᱚᱞᱼᱟ ᱯᱚᱛᱚᱵ Politics ᱦᱚᱸ ᱦᱮᱡ ᱦᱟᱠᱟᱱᱟ ᱾ ᱛᱟᱞᱟ᱑᱕ ᱥᱟᱭᱟᱝ ᱨᱮᱱᱟᱜ ᱟᱬᱜᱟᱛ ᱱᱟᱦᱟᱜ ᱤᱸᱞᱤᱥ ᱛᱮ "Polettiques" ᱧᱩᱛᱩᱢ ᱞᱮᱱᱟ ᱾ ᱱᱟᱦᱟᱜ ᱤᱸᱞᱤᱥ ᱛᱮ ᱚᱱᱟ "politics" ᱮᱱᱟ. ᱑᱔᱓᱐ ᱥᱟᱞ ᱨᱮ ᱜᱨᱤᱠ ᱟᱹᱲᱟᱹ πολιτικός (politikos) ᱟᱨ ᱵᱟᱝ ᱚᱱᱟ ᱨᱮᱱᱟᱜ ᱞᱟᱴᱤᱼᱱᱟᱭᱡᱮᱥᱚᱱ ᱟᱹᱲᱟᱹ politicus ᱟᱨ ᱵᱟᱝ ᱯᱷᱨᱮᱪ ᱟᱹᱲᱟᱹ politique ᱠᱷᱚᱱ ᱦᱮᱡ ᱦᱟᱠᱟᱱ ᱢᱤᱫᱜᱚᱴᱟᱝ politicᱟᱹᱲᱟᱹ ᱯᱩᱭᱞᱩ ᱤᱸᱞᱤᱥ ᱛᱮ ᱥᱟᱹᱠᱷᱤ ᱞᱮᱱᱟ ᱡᱟᱦᱟᱸᱭᱟᱼᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ "ᱱᱟᱜᱟᱨᱤᱭᱟᱹ ᱦᱟᱜ , ᱞᱟᱹᱜᱤᱫ,ᱥᱟᱹᱜᱟᱹᱭᱟᱱ) ᱾

ᱦᱟᱹᱴᱤᱧ

ᱥᱚᱨᱠᱟᱨ ᱟᱜ ᱥᱟᱢᱵᱤᱫᱷᱟᱱᱤᱠ ᱵᱮᱵᱚᱥᱛᱟ ᱥᱟᱶ ᱟᱡᱟᱜ ᱮᱴᱟᱜ ᱫᱤᱥᱣᱟᱹ ᱪᱟᱸᱜᱟ ᱠᱚᱣᱟᱜ ᱠᱟᱹᱢᱤ ᱨᱮᱱᱟᱜ ᱦᱚᱨ ᱰᱟᱦᱟᱨ ᱜᱮ ᱪᱟᱹᱞᱩ ᱦᱟᱠᱟᱱ ᱨᱟᱡᱽᱟᱹᱨᱤ ᱫᱚ ᱾ ᱱᱚᱣᱟ ᱠᱚ ᱢᱩᱫ ᱨᱮ ᱨᱟᱡᱽᱟᱹᱨᱤ ᱫᱚᱲ, ᱫᱤᱥᱩᱣᱟᱹ ᱨᱟᱭᱨᱤᱛ, ᱞᱟᱹᱰᱷᱟᱹᱭ ᱟᱨ ᱵᱟᱦᱨᱮ ᱫᱤᱥᱚᱢ ᱵᱮᱯᱟᱨ ᱠᱚᱦᱚᱸ ᱨᱟᱡᱽᱟᱹᱨᱤ ᱛᱷᱚᱠ ᱨᱮ ᱦᱟᱹᱡᱩᱜᱼᱟ ᱾ᱛᱤᱱᱟᱹᱜ ᱦᱚᱲ ᱠᱚ ᱵᱷᱟᱹᱵᱤᱭᱟ ᱪᱟᱹᱞᱩ ᱦᱟᱠᱟᱱ ᱨᱟᱡᱽᱟᱹᱨᱤ ᱫᱚ ᱟᱠᱚᱴᱷᱮᱱ ᱠᱷᱚᱱ ᱡᱩᱫᱟᱹ ᱵᱟᱦᱨᱮ ᱵᱷᱮᱜᱟᱨ ᱥᱟᱛᱟᱢ ᱠᱟᱱᱟ, ᱤᱠᱷᱟᱹᱱ ᱱᱚᱣᱟᱜᱮ ᱟᱵᱚ ᱫᱤᱱᱟᱹᱢ ᱡᱤᱭᱚᱱ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱾ ᱟᱨᱟ ᱵᱟᱨ ᱞᱮᱠᱟᱱᱟᱜ ᱨᱟᱡᱽᱟᱹᱨᱤ ᱢᱮᱱᱟᱜᱼᱟ ᱡᱟᱦᱟᱸᱞᱮᱠᱟ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱜᱟᱶᱛᱟ,ᱦᱚᱲ ᱠᱚᱣᱟᱜ ᱜᱟᱶᱛᱟ,ᱪᱟᱹᱥᱤ ᱠᱚᱣᱟᱜ ᱜᱟᱶᱛᱟ ᱿ ᱱᱚᱣᱟ ᱠᱚᱦᱚᱸ ᱟᱹᱰᱤ ᱫᱟᱲᱮᱭᱟᱱ ᱨᱟᱡᱽᱟᱹᱨᱤ ᱵᱷᱟᱹᱜᱤᱫᱟᱨ ᱠᱟᱱᱟᱠᱚ ᱾ ᱟᱨ ᱢᱤᱫ ᱞᱮᱠᱟᱛᱮ ᱢᱮᱱ ᱞᱮᱠᱷᱟᱱ ᱟᱵᱚᱣᱟᱜ ᱡᱤᱭᱚᱱ ᱰᱟᱦᱟᱨ ᱨᱮ ᱡᱟᱦᱟᱸ ᱜᱮ ᱵᱩᱜᱤ ᱵᱟᱹᱲᱤᱡ,ᱚᱲᱟᱜ ᱵᱟᱝ ᱚᱯᱷᱤᱥ ᱥᱟᱢᱵᱷᱲᱟᱣ,ᱢᱤᱫ ᱦᱚᱲ ᱟᱨ ᱵᱟᱝ ᱢᱤᱫ ᱜᱟᱫᱮᱞ ᱟᱨ ᱢᱤᱫ ᱪᱮᱛᱟᱱ ᱨᱮ ᱪᱮᱫᱞᱮᱠᱟᱨᱮ ᱚᱨᱥᱚᱝ ᱮ ᱧᱩᱨ ᱫᱟᱲᱮᱭᱟᱜ ᱠᱟᱱᱟ , ᱜᱟᱫᱮᱞ ᱵᱮᱨᱮᱫ ᱟᱨ ᱚᱱᱟ ᱨᱮᱱᱟᱜ ᱩᱭᱦᱟᱹᱨ ᱟᱨ ᱡᱚᱥ ᱦᱟᱥᱚᱞ ᱞᱟᱹᱜᱤᱫ ᱫᱟᱲᱮ ᱵᱮᱵᱷᱟᱨ ᱟᱨ ᱚᱱᱟ ᱵᱟᱧᱪᱟᱣ ᱫᱚᱦᱚ ᱠᱚᱜᱮ ᱨᱟᱡᱽᱟᱹᱨᱤ ᱠᱚ ᱢᱮᱛᱟᱦᱟᱜᱼᱟ ᱾ ᱢᱮᱱ ᱞᱮᱠᱷᱟᱱ ᱥᱟᱱᱟᱢᱼᱟ ᱜᱮ ᱨᱟᱡᱽᱟᱹᱨᱤ ᱠᱟᱱᱟ, ᱨᱟᱡᱽᱟᱹᱨᱤ ᱵᱟᱝ ᱠᱷᱟᱱ ᱪᱮᱫ ᱦᱚᱸ ᱵᱟᱝ ᱠᱟᱱᱟ ᱾

ᱥᱚᱨᱠᱟᱨᱼᱟᱜ ᱚᱱᱩᱥᱴᱷᱟᱱ ᱠᱚᱨᱮᱱᱟᱜ ᱮᱛᱚᱦᱚᱵ ᱞᱟᱦᱟᱱᱛᱤ ᱟᱨ ᱠᱟᱹᱣᱰᱤᱟᱹᱨᱤ ᱠᱚᱨᱮ ᱨᱟᱡᱽᱟᱹᱨᱤ ᱨᱮᱱᱟᱜ ᱱᱟᱜᱟᱢ ᱧᱮᱞ ᱧᱟᱢᱚᱜᱼᱟ ᱾

ᱯᱚᱱᱚᱛ

ᱯᱚᱱᱚᱛ ᱨᱮᱱᱟᱜ ᱨᱮᱦᱮᱫ ᱫᱚ ᱞᱟᱹᱲᱦᱟᱹᱭ ᱵᱮᱯᱟᱨ ᱵᱤᱨᱫᱟᱹ ᱨᱮᱱᱟᱜ ᱞᱟᱦᱟᱱᱛᱤ ᱨᱮ ᱧᱮᱞ ᱧᱟᱢᱚᱜᱼᱟ ᱾ᱱᱟᱜᱟᱢ ᱨᱮ ᱧᱮᱞ ᱞᱮᱠᱷᱟᱱ ᱱᱟᱦᱟᱜ ᱡᱩᱜ ᱨᱮ ᱡᱟᱦᱟᱸᱛᱤᱱᱟᱹᱜ ᱨᱟᱡᱽᱟᱹᱨᱤ ᱢᱟᱰᱣᱟ ᱢᱮᱱᱟᱜᱼᱟ ᱚᱱᱟ ᱠᱚᱫᱚ ᱞᱟᱹᱲᱦᱟᱹᱭ ᱨᱮ ᱡᱤᱛᱠᱟᱹᱨ ᱦᱟᱥᱚᱞ ᱠᱮᱫ ᱛᱟᱭᱚᱢ ᱵᱮᱨᱮᱫ ᱦᱟᱠᱟᱱᱟ ᱾
ᱪᱟᱭᱱᱟ ᱟᱨ ᱡᱟᱯᱟᱱ ᱥᱟᱶ ᱟᱭᱢᱟ ᱫᱤᱥᱚᱢ ᱠᱚᱨᱮ ᱨᱟᱡᱽ ᱟᱨ ᱥᱟᱥᱮᱛᱤᱭᱟᱹ ᱠᱚᱫᱚ ᱵᱚᱸᱜᱟ ᱵᱟᱨᱟᱵᱟᱹᱨᱤ ᱠᱚ ᱢᱟᱱᱟᱣ ᱞᱮᱫ ᱠᱚᱣᱟ ᱾ᱯᱚᱱᱚᱛ ᱥᱟᱥᱚᱱ ᱨᱮᱱᱟᱜ ᱡᱟᱦᱟᱸᱛᱤᱱᱟᱹᱜ ᱚᱱᱩᱥᱴᱷᱟᱱ ᱛᱟᱦᱮᱸᱠᱟᱱᱟ ᱨᱟᱡᱽ ᱥᱟᱥᱚᱱ ᱡᱷᱚᱛᱚᱠᱷᱚᱱ ᱡᱤᱞᱤᱧ ᱚᱠᱛᱚ ᱯᱚᱱᱚᱛᱠᱚᱭ ᱥᱟᱥᱚᱱ ᱞᱮᱫᱼᱟ ᱾ᱟᱢᱮᱨᱤᱠᱟᱱ ᱦᱩᱲ ᱛᱟᱭᱚᱢ ᱨᱟᱡᱽᱼᱟ ᱞᱟᱥᱟᱬ ᱦᱚᱠ ("divine right of kings") ᱠᱮᱪᱮᱫ ᱮᱱᱟ ᱾ ᱨᱟᱡᱽᱠᱚᱣᱟᱜ ᱥᱟᱥᱚᱱ ᱫᱚ ᱥᱩᱢᱮᱨᱤᱭᱟ ᱨᱮ ᱒᱑᱐᱐ ᱤᱥᱟᱹᱭ ᱢᱟᱬᱟᱝ ᱠᱷᱚᱱ ᱮᱛᱚᱦᱚᱵ ᱠᱟᱛᱮᱫ ᱒᱑᱐᱐ A.D ᱫᱷᱟᱹᱵᱤᱡ ᱵᱨᱤᱴᱤᱥ ᱨᱟᱡᱽᱼᱟ ᱥᱟᱥᱚᱱ ᱪᱟᱹᱞᱩ ᱦᱮᱡ ᱞᱮᱱᱟ ᱾ ᱱᱤᱛ ᱦᱚᱸ ᱛᱤᱱᱟᱹᱜ ᱜᱟᱱ ᱫᱤᱥᱚᱢ ᱨᱮ ᱨᱟᱡᱽ ᱫᱚ ᱧᱩᱛᱩᱢ ᱥᱩᱢᱩᱝ ᱢᱮᱱᱟᱜᱼᱟ ᱡᱮᱢᱚᱱ ᱭᱩᱹᱠᱮ, ᱵᱷᱩᱴᱟᱱ, ᱡᱳᱨᱰᱟᱱ ᱾
ᱛᱟᱞᱟᱨᱮ ᱢᱤᱫ ᱚᱠᱛᱚ ᱛᱟᱦᱮᱸᱠᱟᱱᱟ ᱨᱟᱡᱽ ᱠᱚ ᱟᱠᱚᱣᱟᱜ ᱯᱚᱱᱚᱛ ᱛᱤᱱᱟᱹᱜ ᱜᱟᱱ ᱫᱤᱥ ᱦᱩᱫᱤᱥ ᱮᱢᱚᱜ ᱠᱩᱜ ᱤᱫᱤ ᱠᱟᱛᱮᱫ ᱠᱚ ᱥᱟᱥᱚᱱ ᱛᱟᱦᱮᱸᱫ ᱾ ᱩᱱᱠᱩ ᱫᱤᱥ ᱦᱩᱫᱤᱥ ᱠᱚᱫᱚ ᱟᱡᱟᱜ ᱥᱟᱥᱚᱱ ᱨᱤᱱ ᱯᱚᱨᱤᱥᱚᱫ ᱵᱟᱝ ᱠᱟᱣᱱᱥᱤᱞ ᱠᱚ ᱢᱮᱛᱟ ᱦᱟᱠᱚ ᱠᱟᱱ ᱛᱟᱦᱮᱸᱫ ᱾ ᱱᱚᱸᱰᱮ ᱠᱷᱚᱱ ᱜᱮ ᱨᱟᱡᱽ ᱠᱚᱣᱟᱜ ᱦᱚᱠᱤᱛ ᱟᱨ ᱵᱟᱝ ᱥᱟᱢᱵᱤᱫᱷᱟᱱᱤᱠ ᱥᱟᱥᱚᱱ ᱮᱛᱚᱦᱚᱵ ᱮᱱᱟ ᱾
ᱤᱸᱜᱞᱚᱸᱰ ᱟᱨ ᱥᱠᱚᱴᱞᱟᱸᱫ ᱨᱟᱡᱽ ᱚᱨᱞᱥ ᱟᱨ ᱰᱭᱩᱠ ᱠᱟᱱᱟ ᱨᱟᱡᱽ ᱯᱟᱨᱤᱥᱚᱫ ᱨᱮᱱᱟᱜ ᱨᱟᱡᱽ ᱞᱟᱛᱟᱨ ᱵᱟᱨᱭᱟ ᱢᱟᱹᱪᱤ ᱡᱟᱦᱟᱸᱭ ᱨᱟᱡᱽ ᱫᱳᱨᱵᱟᱨ ᱨᱮ ᱞᱮᱛᱟᱲ ᱡᱚᱡᱚᱢ ᱯᱟᱦᱟᱴᱟ ᱨᱮᱠᱤᱱ ᱫᱩᱲᱩᱵ ᱛᱟᱦᱮᱸᱫ ᱾ ᱱᱚᱣᱟ ᱯᱚᱨᱤᱥᱚᱫ ᱼᱟ ᱢᱤᱫ ᱥᱮᱬᱟ ᱠᱟᱹᱢᱤ ᱦᱩᱭᱩᱜ ᱠᱟᱱᱟ ᱨᱟᱡᱽᱼᱟ ᱠᱟᱣᱰᱤ ᱜᱟᱫᱟ ᱯᱮᱨᱮᱡ ᱜᱮ ᱛᱟᱦᱮᱸᱱ ᱢᱟ ᱟᱨ ᱯᱷᱟᱫᱽ ᱠᱚᱣᱟᱜ ᱠᱟᱹᱢᱤ ᱥᱩᱥᱟᱹᱨ ᱜᱮ ᱛᱟᱦᱮᱸᱱ ᱢᱟ , ᱠᱷᱟᱡᱱᱟ ᱡᱟᱥᱛᱤ ᱟᱫᱟᱭᱚᱜ ᱢᱟ ᱾ ᱯᱚᱨᱤᱥᱚᱫ ᱱᱟᱣᱟᱠᱚ ᱠᱟᱹᱢᱤ ᱛᱩᱸᱠᱷᱤ ᱠᱟᱛᱮᱫ ᱨᱟᱡᱽ ᱠᱚ ᱨᱟᱹᱥᱠᱟᱹ ᱦᱚᱪᱚᱭᱮ ᱛᱟᱦᱮᱸᱫ ᱾

 

ᱨᱟᱡᱽᱟᱹᱨᱤ ᱥᱚᱸᱜᱚᱴᱷᱚᱱ ᱨᱮᱱᱟᱜ ᱦᱟᱹᱴᱤᱧ

ᱡᱮᱜᱮᱛ ᱨᱟᱡᱽᱟᱹᱨᱤ

ᱨᱟᱡᱽᱟᱹᱨᱤ ᱨᱮ ᱵᱟᱹᱲᱤᱡᱟᱹᱨᱤ

ᱨᱟᱡᱽᱟᱹᱨᱤ ᱫᱚᱲ

ᱨᱟᱡᱽᱟᱹᱨᱤ ᱯᱚᱲᱦᱚᱱ ᱨᱮᱱᱟᱜ ᱞᱮᱜᱵᱷᱟᱜ

 

ᱞᱮᱸᱜᱟ ᱟᱨ ᱡᱚᱡᱚᱢ

ᱮᱠᱞᱟ ᱥᱟᱥᱚᱱ ᱟᱨ ᱩᱫᱟᱹᱨ ᱥᱟᱥᱚᱱ

• Book | Appearance and Reality in Politics, author:William E. Connolly , publisher: Cambridge University Press
• Book | Globalization and Politics, Vol. 1: Global Political and Legal Governance, author: Paul James (academic) https://www.academia.edu/7285675
• Ryan, Alan: On Politics: A History of Political Thought from Herodotus to the Present. London: Allen Lane, 2012. ISBN-978-0-713-99364-6