ᱪᱤᱱ (en: China, officially the People's Republic of China (PRC) ᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱᱟᱜ ᱫᱤᱥᱚᱢ ᱠᱟᱱᱟ᱾ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚᱠᱷᱚᱱ ᱡᱟᱹᱥᱛᱤ ᱦᱚᱲ ᱪᱤᱱ ᱨᱮᱠᱚ ᱛᱟᱸᱦᱮᱸᱱᱟ᱾ ᱑᱓᱘ ᱠᱩᱴᱤ ᱦᱚᱲ ᱱᱚᱸᱰᱮ ᱢᱮᱱᱟᱜ ᱠᱩᱣᱟ᱾ ᱪᱤᱱ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱵᱮᱭᱡᱤᱝ ᱠᱟᱱᱟ᱾
ᱥᱮᱫᱟᱭ ᱨᱮ ᱪᱤᱱ ᱫᱚ ᱯᱩᱨᱩᱵᱽ ᱮᱥᱤᱭᱟ ᱨᱮᱱ ᱟᱹᱰᱤ influential ᱫᱤᱥᱚᱢᱮ ᱛᱟᱸᱦᱮᱸᱠᱟᱱᱟ᱾ ᱪᱤᱱ civilization ᱦᱚᱸ ᱟᱹᱰᱤ ᱞᱟᱦᱟ ᱪᱟᱞᱟᱣ ᱞᱮᱱᱟ᱾ ᱠᱟᱜᱚᱡᱽ, ᱪᱷᱟᱯᱟᱠᱷᱟᱱᱟ, ᱵᱟᱹᱨᱩᱫᱽ, ᱪᱤᱱᱟᱹᱢᱟᱹᱴᱤ, ᱨᱮᱥᱚᱢ, ᱠᱚᱢᱯᱟᱥ ᱮᱢᱟᱱᱛᱮᱛ ᱠᱳ ᱪᱤᱱ ᱨᱮᱜᱮ ᱯᱩᱭᱞᱩᱨᱮ ᱵᱮᱱᱟᱣ ᱦᱩᱭ ᱞᱮᱱᱟ᱾ ᱚᱸᱰᱮ ᱠᱷᱚᱱ ᱜᱮ ᱜᱚᱴᱟ ᱫᱷᱟᱹᱨᱛᱤ ᱯᱟᱥᱱᱟᱣ ᱟᱠᱟᱱᱟ᱾
ᱤᱣᱨᱳᱯ ᱨᱮᱱᱟᱜ ᱫᱟᱲᱮ ᱯᱩᱨᱩᱵᱽ ᱮᱥᱤᱭᱟ ᱨᱮ ᱦᱮᱡ ᱛᱟᱭᱚᱢ ᱪᱤᱱᱟ ᱫᱟᱲᱮ ᱱᱟᱥᱮᱭᱟᱜ ᱠᱚᱢᱟᱣ ᱮᱱ ᱛᱟᱭᱟ᱾ ᱑᱖ ᱥᱟᱭ ᱥᱮᱨᱢᱟ ᱨᱮ ᱢᱟᱠᱟᱣ ᱧᱩᱛᱩᱢᱟᱱ ᱡᱟᱜᱟ ᱯᱳᱨᱛᱩᱜᱤᱡᱽ ᱠᱩ ᱫᱚᱠᱷᱚᱞ ᱠᱮᱫᱟ ᱟᱨ ᱵᱨᱤᱴᱤᱥ ᱫᱚ ᱦᱚᱝᱠᱚᱝ ᱠᱩ ᱫᱚᱠᱷᱚᱞ ᱠᱮᱫᱟ᱾ ᱑᱙ ᱥᱟᱭ ᱥᱮᱨᱢᱟ ᱥᱮᱡ ᱪᱤᱱ ᱨᱟᱡᱽ ᱜᱷᱟᱨᱚᱡᱽ ᱨᱮᱱ ᱦᱚᱲ ᱠᱩᱣᱟ ᱫᱟᱲᱮ ᱠᱚᱢᱟᱣ ᱮᱱᱛᱮ ᱑᱙᱒᱘ ᱥᱮᱨᱢᱟ ᱨᱮ ᱜᱚᱱᱚ ᱪᱤᱱ ᱠᱩ ᱛᱮᱭᱟᱨ ᱠᱮᱫᱟ᱾
᱑᱙᱔᱙ ᱥᱮᱨᱢᱟ ᱨᱮ ᱪᱤᱱᱟ ᱠᱚᱢᱤᱣᱱᱤᱥᱴ ᱯᱟᱨᱴᱤ ᱚᱲᱟᱜ ᱞᱟᱹᱲᱦᱟᱹᱭ ᱨᱮ ᱡᱤᱛᱟᱹᱣ ᱠᱟᱛᱮ ᱥᱚᱨᱠᱟᱨ ᱠᱩ ᱵᱮᱨᱮᱫ ᱠᱮᱫᱟ᱾ ᱟᱨ ᱟᱥᱛᱮ ᱟᱥᱛᱮ ᱫᱚᱠᱷᱚᱞ ᱟᱠᱟᱱ ᱡᱟᱜᱟ ᱠᱩ ᱦᱚᱸ ᱪᱤᱱ ᱥᱚᱨᱠᱟᱨᱮ ᱧᱟᱢ ᱨᱩᱣᱟᱹᱲ ᱠᱮᱫᱟ᱾
ᱪᱤᱱ ᱫᱚ ᱮᱥᱤᱭᱟ ᱢᱚᱦᱟᱫᱮᱥ ᱨᱮᱱᱟᱜ ᱯᱩᱨᱩᱵᱽ ᱥᱮᱡ ᱟᱨ ᱯᱨᱚᱥᱟᱱᱛᱚ ᱢᱚᱦᱟᱫᱚᱨᱮᱭᱟ ᱯᱟᱹᱪᱷᱤᱢ ᱟᱲᱮᱨᱮ ᱢᱮᱱᱟᱜᱼᱟ᱾ ᱚᱛ ᱦᱟᱥᱟ ᱞᱮᱠᱟᱛᱮ ᱪᱤᱱ ᱫᱚ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱟᱨ ᱫᱷᱟᱹᱨᱛᱤ ᱨᱮᱱᱟᱜ ᱛᱮᱥᱟᱨ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱪᱤᱱ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 9,600,000 square kilometers (3,700,000 sq mi)᱾
ᱪᱤᱱ ᱯᱩᱨᱩᱵᱽ ᱫᱚ ᱩᱛᱟᱹᱨ ᱠᱳᱨᱤᱭᱟ, ᱩᱛᱟᱹᱨ ᱥᱮᱡ ᱢᱚᱝᱜᱚᱞᱤᱭᱟ, ᱩᱛᱟᱹᱨ ᱯᱩᱨᱩᱵᱽ ᱥᱮᱡ ᱨᱟᱥᱤᱭᱟ, ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱠᱟᱡᱟᱜᱤᱥᱛᱟᱱ, ᱠᱤᱨᱠᱤᱡᱤᱥᱛᱟᱱ ᱟᱨ ᱛᱟᱡᱤᱠᱤᱥᱛᱟᱱ, ᱯᱟᱹᱪᱷᱤᱢ ᱟᱨ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱥᱮᱡ ᱟᱯᱷᱜᱟᱱᱤᱥᱛᱟᱱ, ᱯᱟᱠᱤᱥᱛᱟᱱ, ᱥᱤᱧᱚᱛ, ᱱᱮᱯᱟᱞ ᱟᱨ ᱵᱷᱩᱴᱟᱱ, ᱫᱟᱹᱠᱷᱤᱱ ᱥᱮᱡ ᱢᱤᱭᱟᱱᱢᱟᱨ, ᱞᱟᱣᱳᱥ ᱟᱨ ᱵᱷᱤᱭᱮᱛᱱᱟᱢ, ᱯᱩᱨᱩᱵᱽ ᱟᱨ ᱫᱟᱹᱠᱷᱤᱱ ᱯᱩᱨᱩᱵᱽ ᱥᱮᱡ ᱫᱟᱹᱠᱷᱤᱱ ᱠᱳᱨᱤᱭᱟ, ᱡᱟᱯᱟᱱ, ᱯᱷᱤᱞᱤᱯᱟᱭᱤᱱ, ᱵᱨᱩᱱᱟᱭ, ᱢᱟᱞᱚᱭᱥᱤᱭᱟ ᱟᱨ ᱤᱱᱫᱚᱱᱮᱥᱤᱭᱟ ᱥᱟᱶᱛᱮ ᱪᱤᱱ ᱨᱮᱱᱟᱜ ᱫᱟᱜ ᱥᱤᱢᱟᱱᱟ ᱢᱮᱱᱟᱜᱼᱟ᱾
ᱪᱤᱱ ᱨᱮᱱᱟᱜ ᱢᱩᱞ ᱡᱟᱜᱟ ᱫᱚ ᱯᱮᱭᱟ ᱜᱟᱰᱟ ᱛᱮ ᱮᱥᱮᱫᱽ ᱢᱮᱱᱟᱜᱼᱟ᱾ ᱱᱚᱣᱠᱩ ᱜᱟᱰᱟ ᱫᱚ ᱦᱩᱭᱩᱜ ᱠᱟᱱᱟ ᱩᱛᱟᱹᱨ ᱪᱤᱱ ᱨᱮᱱᱟᱜ ᱦᱩᱣᱟᱝ ᱦᱮ, ᱛᱟᱞᱟ ᱪᱤᱱ ᱨᱮᱱᱟᱜ ᱤᱭᱟᱝ ᱪᱷᱤ ᱟᱨ ᱫᱟᱹᱠᱷᱤᱱ ᱨᱮᱱᱟᱜ ᱪᱩ ᱪᱤᱭᱟᱝ ᱜᱟᱰᱟ᱾
ᱪᱤᱱ ᱨᱮᱫᱚ ᱟᱭᱢᱟ ᱡᱟᱹᱛᱤᱠᱩ ᱢᱮᱱᱟᱜ ᱠᱳᱣᱟ᱾ ᱢᱮᱱᱟᱠᱩ ᱫᱷᱟᱹᱨᱛᱤ ᱨᱮᱱᱟᱜ ᱢᱚᱬᱮ ᱵᱷᱟᱜᱽ ᱨᱮᱱᱟᱜ ᱢᱤᱫ ᱵᱷᱟᱜᱽ ᱡᱟᱹᱛᱤ ᱪᱤᱱ ᱨᱮᱠᱚ ᱛᱟᱸᱦᱮᱸᱱᱟ᱾
ᱪᱤᱱ ᱨᱮᱫᱚ ᱟᱭᱢᱟ ᱡᱟᱹᱛᱤ ᱠᱳᱣᱟ ᱟᱭᱢᱟ ᱯᱟᱹᱨᱥᱤ ᱢᱮᱱᱟᱜᱼᱟ᱾ ᱢᱟᱱᱫᱟᱨᱤᱱ ᱪᱤᱱᱟ ᱯᱟᱹᱨᱥᱤ ᱜᱮ ᱡᱚᱛᱟ ᱠᱷᱚᱱ ᱡᱟᱹᱥᱛᱤ ᱠᱩ ᱵᱮᱵᱷᱟᱨᱟ᱾ ᱮᱴᱟᱜ ᱯᱟᱹᱨᱥᱤ ᱠᱩ ᱫᱚ ᱦᱩᱭᱩᱜ ᱠᱟᱱᱟ ᱩ ᱯᱟᱹᱨᱥᱤ, ᱤᱣᱭᱮ ᱯᱟᱹᱨᱥᱤ, ᱢᱤᱱ ᱪᱤᱱᱟ ᱯᱟᱹᱨᱥᱤ, ᱥᱤᱭᱟᱝ ᱪᱤᱱᱟ ᱯᱟᱹᱨᱥᱤ, ᱜᱟᱱ ᱪᱤᱱᱟ ᱯᱟᱹᱨᱥᱤ, ᱦᱟᱠᱠᱟ ᱪᱤᱱᱟ ᱯᱟᱹᱨᱥᱤ ᱟᱨᱦᱚᱸ ᱮᱢᱟᱱᱛᱮᱛ ᱯᱟᱹᱨᱥᱤ᱾ ᱪᱤᱱ ᱨᱮ ᱟᱭᱢᱟ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱣᱟᱜ ᱦᱚᱸ ᱟᱯᱱᱟᱨ ᱟᱯᱱᱟᱨ ᱯᱟᱹᱨᱥᱤ ᱢᱮᱱᱟᱜ ᱛᱟᱹᱠᱩᱣᱟ᱾ ᱪᱩᱣᱟᱝ, ᱢᱚᱝᱜᱚᱞᱤᱭᱟ, ᱛᱤᱵᱵᱚᱛᱤ, ᱩᱣᱜᱩᱨ, ᱦᱚᱢᱚᱝ ᱯᱟᱹᱨᱥᱤ ᱠᱚᱫᱚ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱳᱣᱟᱜ ᱯᱟᱹᱨᱥᱤ ᱠᱟᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱪᱤᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.