Апостал Павал: апостал
Апо́стал Па́вал, Павал з Та́рсу, Сьвяты́ Павал (па-старажытнагрэцку: Σαούλ, Σαῦλος ці Παῦλος; па-лацінску: Paulus ці Paullus; па-габрэйску: שאול התרסי; каля 10, Тарс — каля 65, Рым) — адзін зь лідэраў раньняга хрысьціянства.
Ягонаму пяру належаць трынаццаць пасланьняў з Новага Запавету. «Апостал усіх народаў», сам сябе называў «апосталам паганцаў». Прылічаны да ліку сьвятых. Зь сярэдзіны 30-х да сярэдзіны 50-х гадоў Павел заснаваў некалькі цэркваў у Малой Азіі і Эўропе. Чатырнаццаць з дваццаці сямі кнігаў Новага Запавету традыцыйна прыпісваюцца Паўлу і прыкладна палова тэксту Дзеяў апосталаў зьвязана з жыцьцём і творчасьцю Паўла. Як мінімум сем пасланьняў бясспрэчна лічацца за аўтарствам Паўла.
| Апостал Павал | |
| Павал з Тарсы | |
 Апостал Павал | |
| Сьвяты | |
|---|---|
| Сьвецкае імя | Саўл |
| Нарадзіўся | каля 10 году Тарс(tr) |
| Памёр | 64—67 год Рым |
| Шануецца | Хрысьціянства |
| Галоўная сьвятыня | Базыліка Сьвятога Паўла за мурамі |
| Дзень памяці | 29 чэрвеня [ст. ст. 12 ліпеня] (Сьв. Пятра й Паўла) |
| Атрыбуты | меч |
На сёньня Паўлавы пасланьні працягваюць заставацца важнымі тэалягічнымі і пастаральнымі творамі для каталіцкай царквы, пратэстантаў і праваслаўных. Сярод многіх іншых апосталаў і місіянэраў, якія ўдзельнічалі ў распаўсюджваньні хрысьціянскай веры, ягоны ўплыў на хрысьціянскую думку і практыку характарызуецца як вельмі глыбокі. Інтэрпрэтацыя Мартына Лютэра некаторых ідэяў пасланьняў Паўла паўплывала на стварэньне нямецкім тэолягам дактрыны Sola fide.
Жыцьцяпіс
Паходзіў з кілікійскага(en) гораду Тарсу (на тэрыторыі сучаснай Турэччыны), дзе ён нарадзіўся каля 10 году ў фарысэйскай сям’і.
Быў непрымірымым ворагам хрысьціянаў, бо лічыў іх адступнікамі ад веры Майсея, і ўдзельнічаў у іхным перасьледзе.
У 34-гадовым узросьце па дарозе ў Дамаск спаткаўся з Хрыстом, што сталася прычынай ягонага навяртаньня ў хрысьціянства. Пасьля гэтага стаўся апантаным прапаведнікам-місіянэрам. Стварыў хрысьціянскія супольнасьці ў Арабіі, Сырыі, Малой Азіі, Македоніі, Грэцыі, Турэччыны і іншых краінах.
Прыняў у Рыме мучаніцкую сьмерць праз адсячэньне галавы. Яго называюць Апосталам народаў і лічаць першым хрысьціянскім тэолягам.
У мастацтве
Верагодных выяваў не існуе, а іканаграфічная традыцыя пачынаецца каля IV стагодзьдзя. Напрыклад, на мэдальёне з пазалочанага шкла, дзе Павал выяўлены разам зь Пятром, ён паказаны з доўгай барадой і вялікай лысінай.
.jpg)
Пасланьні
- Асноўны артыкул: Пасланьні Паўла
- Пасланьне да рымлянаў
- Першае пасланьне да карынцянаў
- Другое пасланьне да карынцянаў
- Пасланьне да галятаў
- Пасланьне да эфэсянаў
- Пасланьне да піліпянаў
- Пасланьне да каласянаў
- Першае пасланьне да тэсалёнікійцаў
- Другое пасланьне да тэсалёнікійцаў
- Першае пасланьне да Цімафея
- Другое пасланьне да Цімафея
- Пасланьне да Тытуса
- Пасланьне да Філімона
- Пасланьне да габрэяў (аўтарства спрэчнае)
Крыніцы
Літаратура
- Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А.Ф. Коршунава, паказальнікі А.Ф. Коршунава, В.А. Чамярыцкага. — Мн.: Навука і тэхніка, 1990. — 207 с. — ISBN 5-343-00151-3
Вонкавыя спасылкі
- Сьвяты Павел у перадачы In Our Time на BBC
- Сьвяты Павел. Каталіцкая энцыкляпэдыя
- Дакумэнтальны фільм пра апостала Паўла
- Павел. Энцыкляпэдыя Брытаніка
This article uses material from the Wikipedia Беларуская (тарашкевіца) article Павал (апостал), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.