Articulu in logudoresu
Su nomene sou fut Saulo. Est naschidu a Tarso, in Cilicia, in sa Turchia de oe, discipulu de Gamaliele, e fut unu rabbinu de su gruppu de sos Fariseos. At connottu sos cristianos e los at cumbattidos comente ebreos arrennegados. Andende a Damasco, càpitat unu incontru cun Gesu Cristu, chi cambiat sa vida de custu persecutore de sos cristianos. Retzit su batijimu, e divèntat cristianu, e preigadore de sa fide cristiana. Paulu at lassadu una istiga manna in sa fide cristiana. Si consìderat unu apostolu, mandadu a preigare e a cunvertire a sa fide in Gesu Cristu prima sos ebreos e a poi sos paganos, dedichendesi propiu a custos: “apostolu de sos gentiles” est a narrere de sos paganos. Custa est istada una decisione fundamentale po sa creja cristiana. A Paulu si devet chi no esserat obbligatoria sa circoncisione po diventare cristianu. Omine attivu, faghet tres viaggios missionarios e fundat comunidades cristianas in Greghia, e in Asia Minore, sa Turchia de oe, chi poi sighit iscrinde Litteras, importantes po sa connoschentzia de Paulu e de sa fide cristiana, e po sa ricchesa de contenutos. At iscrittu 13 Litteras. Importantes sa Littera a sos Romanos, sa Prima e-i sa Segunda a sos Corintzios, sa Littera a sos Gàlatas, a sos Efesinos, sa Prima e-i sa Segunda a sos cristianos de Tessalonica e ateras. Arrestadu a Gerusalemme, e accusadu dae sos ebreos de eresia, sigomente fut tzittadinu romanu, est giuttu a Roma po essere giudicadu, e poi de unu viaggiu avventurosu, cun naufragiu a Malta, arrivat a Roma. Inoghe podet incontrare personas e faeddare de Gesù Cristu, e paret chi epada fundadu o contribuidu a fundare una comunidade de cristianos, e a custa imbiat sa Littera a sos Romanos. Morit a Roma decapitadu su 67 ca. Sa festa su 29 de lampadas. Sa fregura e-i sa vida de Paulu at ispiradu sos artistas, pintores e iscultores ( po esempiu Caravaggio).
This article uses material from the Wikipedia Sardu article Paulu de Tarsu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.