Sint På ou På d' Tarse a skepyî diviè l' an 4 (après Djezus-Cri), ey a morou viè l' an 64.
C' est l' ome k' a candjî li såme des pretchmints da Djezu-Cri, et spåde li novele rilidjon mon les nén-Djwifs (les "djintis", did la li lomaedje "l' Apoisse des djintis").
Sacwants rcwereus diynut ki l' pwès da sint På dins li spårdaedje do crustinnisse, (et k' il est ådjourdu li rlidjon di pus d' on miyård di djins) est co pus consecant ki l' ci da Djezus (ki vleut djusse fé candjî les Djwifs).
Eto, i s' ritrouve rindjî å l° 6 des djins les pus inflouwinnes di l' Istwere dins l' djivêye Michael Hart (la k' Djezus est 3inme).
I vna å monde e l' Ciliceye (asteure li Tourkeye), d' ene famile djwive, mins k' aveut l' nåcionålité rominne. Il a stî aclevé el rilidjon djwive, foirt sitraegnmint. Il a eto aprins l' mestî di toetlî (fijheu d' toeteas d' toeles).
Estant djonnea, il ala studyî a Djeruzalem el sicole da Rabbi Gamayel, on fel prof di rlidjon del doctrene des Farizins.
Come militant djwif, i va traker les crustins, waitîs come des eretikes. Sint Stiene a stî touwé a côps d' pires dvant ses ouys (i wårdéve les mousmints des touweus, ki s' avént disboté, peu k' il årént yeu stî spités d' sonk).
Portant, sol voye di Damasse, il ourit ene vuzion : Djezus-Cri ki lyi aparexheut et lyi dire : «På, På, pocwè m' trakez vs ?» A dater d' adon, i divna onk des pus grands pretcheus do crustinnisse.
I voyaedja tocosté el Pitite Azeye, el Grece, el Macedwene, el Sireye ey el Palestene. I s' adressive aprume ås cminåltés djwives, mins î fourit sovint rbouté, et manca d' esse touwé pus d' ene feye. Adon, il ourit ptchî di pretchî ås nén-Djwifs k' acceptît pus voltî si catrucimaedje (lomé li "boune novele").
Al fén d' ses voyaedjes, i rivna a Djeruzalem, al Céncweme, diviè l' an 60. Mins la, i fourit ramassé pås Romins et rclamés pås Djwifs, k' avént djuré d' el touwer. I dmanda lu-minme d' esse djudjî e-n apel a Rome. Après on long voyaedje la ki l' batea fornaivia so Male, il ariva a Rome. On l' leya e sorwoeyeye dimorance deus ans å lon, la k' i pleut rçure les djins et lzès catrucimer. Tote si veye, disk' adon, est bén racontêye dins les Ouves des Apoisses.
Al fén, i fourit touwé, do costé d' Rome, diviè l' an 64, mins on n' sait nén trop kimint et pa kî.
Li nouzome inflouwince da sint På sol rilidjon crustinne, c' est a cåze di :
Hårdêye difoûtrinne
This article uses material from the Wikipedia Walon article Sint På, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.