Yukonrivier
Die Yukonrivier (Engels: Yukon River, Frans: Fleuve Yukon) is 'n groot wes-vloeiende rivier in Noord-Amerika.
Dié rivier, met 'n lengte van 3 190 km (1 982 myl), is die vyfde langste rivier in Noord-Amerika en die mees westelike een. Yukonrivier beteken "Groot Rivier" of "Groot, wyd rivier" in die tale van die inheemse Amerikaanse bevolking, wat aan die stroomgebied van die rivier woon. Dus is die naam Yukon net 'n Anglisisme van die Gwich'in-woord Yu-kun-ah ("Groot Rivier"). Naburige Eerste Nasies - soos die Koyukon of die Deg Hit'an - het die rivier ook Yookkene ("Groot, wyd rivier") of Yukkhane ("Groot Rivier") genoem.
| Yukonrivier | |
|---|---|
 | |
 Die stroomgebied van die Yukonrivier | |
| Oorsprong | Rotsgebergte, Brits-Columbië (Kanada) |
| Monding | Alaska, VSA Beringsee |
| Stroomgebied | Brits-Columbië, Yukon (Kanada) en Alaska (VSA) |
| Lengte | 3 190 km (1 982 myl) |
| Oorspronghoogte | 731 m (2 192 voet) |
| Mondinghoogte | 0 m |
| Gemiddelde afloop | 6 430 m³/s (227 000 ft³/s) |
| Stroomgebiedopp. | 854 700 km² (330 000 myl²) |
 Kaart van die Yukonrivier-bekken in Noord-Amerika | |
Die Yukonrivier ontspring in die Llewellyn-gletser by die Atlinmeer in die Rotsgebergte in die Kanadese provinsie Brits-Columbië net suid van Yukon se grens. Aansluitend vloei die rivier in 'n noordwestelike rigting deur dié gebied, wat na die rivier genoem is. Net wes van Yukon se hoofstad, Whitehorse, kruis die Yukonrivier die Kanadees-Amerikaanse grens en vloei in 'n westelike rigting deur die deelstaat Alaska, voordat die rivier in 'n uitgestrekte delta in die Beringsee uitmond. Die stroomgebied van die Yukonrivier is 25% groter as die oppervlakte van die deelstate Texas of Alberta.
Verwysings
Eksterne skakels
- Wiki Afrikaans
Wiki Commons het meer media in die kategorie Yukonrivier.
This article uses material from the Wikipedia Afrikaans article Yukonrivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.