Wise-Teleskoop

Dit is in 2013 gereaktiveer. WISE het duisende kleinplanete en verskeie sterreswerms ontdek. Sy waarnemings het ook die ontdekking ondersteun van die eerste Y-bruindwerg en aardtrojaan-asteroïde.

Wide-field Infrared Survey Explorer
’n Kunstenaar se voorstelling van die WISE-ruimtetuig.
Ander naam	MIDEX/WISE, Explorer 92
Tipe	Infrarooiteleskoop
Organisasie	Nasa \ Jet Propulsion Laboratory
Webtuiste	http://www.nasa.gov/wise
Ligging
Hoogte	Laeaardewentelbaan
Tegniese besonderhede
Deursnee	0,4 m
Golflengte	3,4, 4,6, 12 en 22 μm
Portaal    Sterrekunde

WISE het oor 10 maande ’n sterrekundige opname van die hele lugruim gedoen met foto's in 3,4, 4,6, 12 en 22 μm-golflengtebande met behulp van ’n infrarooiteleskoop met ’n deursnee van 40 cm terwyl hy in ’n wentelbaan om die Aarde was. Nadat sy waterstofkoelmiddel opgeraak het, is met ’n sendinguitbreiding vir vier maande, bekend as NEOWISE, begin sodat dit met sy oorblywende vermoëns kan soek na naby-aarde-voorwerpe (NAV's) soos komete en asteroïdes.

WISE se lugruimdata, insluitende ontwikkelde foto's, bronkatalogusse en rou data, in op 14 Maart 2012 aan die publiek beskikbaar gestel en is in ’n argief met infrarooi data beskikbaar. In Augustus 2013 het Nasa aangekondig hy gaan WISE reaktiveer vir ’n nuwe drie jaar lange sending om na asteroïdes te soek wat met die Aarde kan bots.

•  
  ’n Foto van die hele lugruim met infrarooi golflengtes wat in sigbare lig omgeskakel is.
•  
  Dieselfde foto wat warm sterrestelsels uitlig wat agter stof verberg word.

• Wiki Afrikaans  Wiki Commons het meer media in die kategorie WISE-teleskoop.

•   Hierdie artikel is in sy geheel of gedeeltelik uit die Engelse Wiki vertaal.