Victoria Beckham: Britse sangeres, modeontwerpster en sakevrou

Sy was 'n lid van die Spice Girls gewees, waar sy die bynaam “Posh Spice" gehad het. In 1999 is sy is met die sokkerheld David Beckham getroud en het as gevolg daarvan wye mediadekking geniet. Die egpaar is een van die wêreld se bekendste glanspare en verskyn dikwels in koerante en tydskrifte in duur, modieuse klere.

Victoria Beckham
Victoria Beckham tydens 'n konsert.
Agtergrondinligting
Geboortenaam	Victoria Caroline Adams
Ook bekend as	Posh Spice
Gebore	17 April 1974 (1974-04-17) (50 jaar oud) Harlow, Essex in Engeland
Genres	Popmusiek
Beroep(e)	Sanger, mode-ontwerper
Instrumente	Stem
Assosiasies	Spice Girls

Victoria Caroline Adams is op 17 April 1974 in Harlow, Essex in Engeland gebore.

In 1994 stig sy en vier ander dames die popgroep Spice Girls. Hulle stel hulle eerste enkelsnit, Wannabe, in 1996 vry. Die snit is 'n oornag sukses en bereik die nommer een-posisie in 37 lande.

Sy is in Junie 1999 met David Beckham getroud. Hulle het drie seuns en een dogter: Brooklyn Joseph (gebore Maart 1999), Romeo James (gebore September 2002), Cruz David (gebore Februarie 2005) en Harper Seven (gebore Julie 2011).

In 2001, ná die Spice Girls, het Beckham 'n kort solo-loopbaan gevolg. In teenstelling met haar mede-orkeslede, kon sy nie die nommer een-posisie op die treffersparade haal nie. Daarna het sy saam met haar man begin om klere en parfuum te skep.

In 2007 het sy saam met die Spice Girls vir 'n wêreldtoer byeengekom.

• Victoria Beckham, 2001

• Spice World, 1997 (rolprent, hoofrol)
• Victoria's Secrets, 2000 (dokumentêr)
• Being Victoria Beckham, 2002 (dokumentêr)
• The Real Beckhams, 2003 (dokumentêr)
• Full Length & Fabulous, 2006 (dokumentêr)
• Victoria Beckham: Coming to America, 2007 (dokumentêr)
• Ugly Betty, 2007 (dokumentêr)

• Wiki Afrikaans  Wiki Commons het meer media in die kategorie Victoria Beckham.