Stomptandbaber
Die Stomptandbaber (Clarias ngamensis) is 'n varswater vis wat voorkom in die Kunenerivier, Okavangorivier, die boonste gedeelte van die Zambezirivier, Kafuerivier, Saverivier, onderste gedeelte van Shirerivier, Limpoporivier en Pongolarivier.
In Engels staan die vis bekend as Blunttooth catfish.
| Stomptandbaber | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | (Bonaparte, 1846) |
| Genus: | (Scopoli, 1777) |
| Spesie: | C. ngamensis |
| Binomiale naam | |
| Clarias ngamensis (Castelnau, 1861) | |
Voorkoms
Die Stomptandbaber het ‘n plat kop met 4 pare snorbaarde, wat ongeveer 'n kwart van sy lyflengte lank is. Hy het ‘n tandplaat met ‘n tweede halfmaanvormige (wit) plaat daaragter, in die bokaak.
Die rugvin is lank, begin amper net agter die kop, maar hou heelwat voor die stertvin op. Die stertvin is rond en baie goed ontwikkel. ‘n Vetvin is aanwesig tussen die rugvin en die stertvin, maar nie baie duidelik nie. Sy anale vin is lank en hou net voor die stertvin op. Die buikvin is gepaard terwyl die borsvin gepaard en goed ontwikkel is.
Sy liggaamsvorm is lomp, iewat plomper as ‘n skerptandbaber. Hy het mikroskopiese klein skubbe in slym.
Die vis is grys tot donker bruin, swart, van kleur met 'n wit tot room kleurige onderkant. Die vis word 730 mm groot en kan tot 4 kg weeg.
Habitat
Die vis verkies diep, stil poele met goeie en volop skuilplek, verkieslik waterplante. Hy is baie aktief tussen 16h00, regdeur die nag, tot 10h00.
Hy vreet vleis, vis, insekte en wurms, maar aan die klein kant. Hengelaars gebruik ook stadige klein kunsaas en donker loodkoppe.
Algemeen
Hy is baie volop waar hy voorkom maar die meeste hengelaars sien hom aan as ‘n gewone baber (skerptandbaber). Hy is egter baie sterker, meer veglustig, en baklei soos ‘n gewone baber twee maal sy grootte.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.
Verwysings
Eksterne skakel
This article uses material from the Wikipedia Afrikaans article Stomptandbaber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.