Die Stekelrige kurper (Ctenopoma multispine) is 'n varswatervis wat voorkom in die Okavangorivier, die boonste en onderste gedeeltes van die Zambezirivier, Kafuerivier en kusriviere in Mosambiek en noordelike KwaZulu-Natal.
Dit kom ook voor in Quanza in Angola en die suidelike sytakke van die Kongorivier. In Engels staan die vis bekend as die Manyspined climbing perch.
Stekelrige kurper | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | |
Genus: | |
Spesie: | C. multispine |
Binomiale naam | |
Ctenopoma multispine Peters, 1844 |
Die vis het 'n lang lyf en die oë is ver vorentoe. Daar is 'n goed ontwikkelde lug-asemhalingsorgaan in 'n holte bokant die kieue. Die vis het onreëlmatige donkerbruin of swart kolle en strepe oor die lyf. Die vis word tot 135 mm lank.
Die vis leef in stiller water van riviere, vloedvlaktes, panne en moerasse wat baie plantegroei bevat. Hulle vreet klein diertjies soos insekte en vissies. Die vis is goed gekamoefleer en vang die prooi deur hul stadig te bekruip. Hulle kom in groepe saam om te broei; die eiers word wyd verstrooi en word nie opgepas nie. Die vis kan warm, stilstaande water verduur en verlaat die water en beweeg oorland na alternatiewe woonplekke gedurende die nag of in nat weerstoestande.
This article uses material from the Wikipedia Afrikaans article Stekelrige kurper, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.