Republiek Van Kliprivier
Die Republiek van Kliprivier was 'n Boererepubliek met 'n kortstondige bestaan wat in 1847 in die Ladysmith-omgewing gestig is deur Andreas Theodorus Spies.
Teen Januarie 1847 het slegs 40 van die oorspronklike Voortrekkergesinne steeds in Natal gewoon. Meeste het weggetrek na die anneksasie van die Natalia Republiek deur die Verenigde Koninkryk in 1843.
'n Formele verdrag is op 7 Januarie 1847 met die Zoeloekoning Mpande geteken waarvolgens die republiek tussen die Tugela en Buffelsriviere vir 'n prys van 1 000 Riksdaalders bekom is.
Die Republiek is 'n paar maande later deur Brittanje geannekseer. Die goewerneur van die Kaapkolonie, Sir Harry Smith, het die burgers van beskerming verseker en in 1848 is die dorp Ladysmith gestig.
Verwysings
This article uses material from the Wikipedia Afrikaans article Republiek van Kliprivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.