Die Reitz-aalwyn (Aloe reitzii) is 'n skaars en bedreigde Suider-Afrikaanse aalwyn.
Twee variëteite word erken: var. reitzii wat slegs in die Tonteldoos-vallei, tussen Roossenekal en Dullstroom in die natuur groei en var. vernalis wat in die noordelike deel van KwaZulu-Natal aangetref word. Hulle kom vermoedelik ook in Eswatini voor.
Reitz-aalwyn | |
---|---|
Wetenskaplike klassifikasie | |
Koninkryk: | |
Subkoninkryk: | Tracheobionta |
Divisie: | |
Klas: | Liliopsida |
Subklas: | Liliidae |
Orde: | |
Familie: | |
Subfamilie: | Asphodeloideae |
Genus: | |
Spesie: | A. reitzii |
Binomiale naam | |
Aloe reitzii Reynolds, 1937 |
Die spesie is vernoem na F.W. Reitz, die voormalige president van die Oranje-Vrystaat en staatssekretaris van die Zuid-Afrikaansche Republiek.
Die Reitz-aalwyn is gewoonlik 'n stamlose, kort plant met 'n enkele roset wat nie hoër as 1,5 meter word nie. Die blare is seegroen en met 'n waslaag bedek. Hulle groei gewoonlik opwaarts. Beide oppervlaktes van jong plante se blare is gewoonlik met doring bedek, maar hulle verdwyn soos die plante ouer word, behalwe dat 'n enkele ry dorinkies gewoonlik op die agterkant van jong blare te sien is. Laasgenoemde eienskap help om die spesie uit te ken, selfs as dit nie blom nie.
This article uses material from the Wikipedia Afrikaans article Reitz-aalwyn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.