Reese Witherspoon
Laura Jeanne Reese Witherspoon (gebore op 22 Maart 1976) is ’n Amerikaanse aktrise en rolprentvervaardiger.
| Reese Witherspoon | |
 | |
Witherspoon in 2014 by die Toronto-rolprentfees. | |
| Geboortenaam | Laura Jeanne Reese Witherspoon |
|---|---|
| Geboorte | 22 Maart 1976 New Orleans, Louisiana, Verenigde State |
| Nasionaliteit | Amerikaanse |
| Beroep(e) | Aktrise |
| Aktiewe jare | 1991-tans |
Loopbaan
Sy het haar loopbaan in 1991 as ’n kinderaktrise in The Man in the Moon begin. In 1996 het sy in die onafhanklike swart komedie Freeway verskyn en in 1998 in Pleasantville. In 2000 is sy vir ’n Golden Globe benoem vir haar spel in Election.
Witherspoon se deurbraakrol was in 2001 as Elle Woods in Legally Blonde, en in 2002 was sy in die romantiese komedie Sweet Home Alabama. In 2005 het sy wêreldwyd aandag getrek in die rol van June Carter Cash in Walk the Line, waarvoor sy die Oscar, Golden Globe, Bafta, Screen Actors Guild Award en die Broadcast Film Critics Association Award vir beste aktrise gewen het. Haar ander prente sluit in Legally Blonde 2: Red, White & Blonde (2003), Monsters vs. Aliens (2009) en Water for Elephants (2011).
In 2014 was sy die vervaardiger van die riller Gone Girl en in die rol van Cheryl Strayed in Wild, waarvoor sy vir ’n tweede Oscar benoem is. Witherspoon het in 2010 ’n ster op die Hollywood Walk of Fame gekry.
Verwysings
This article uses material from the Wikipedia Afrikaans article Reese Witherspoon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.