Ng Gemeente Van Riebeeck
Die NG gemeente Van Riebeeck was 'n gemeente van die Nederduitse Gereformeerde Kerk in die Kaapstadse voorstad Kenwyn wat in 1952 van die NG gemeente Wynberg afgestig het.
Weens die gedurige verengelsing van die suidelike voorstede van Kaapstad is die gemeente omstreeks 1995 by NG gemeente Plumstead, 'n ander dogtergemeente van Wynberg, ingelyf. Die voorlaaste leraar was ds. Thomas Lodewyk Wait van 1986 tot 1990 en daarna ds. J.F.E. Stone tot aan die einde.
In 1990 het die gemeente se lidmate tydelik tot 400 toegeneem ná 'n groot gedeelte van die ontbinde NG gemeente Die Vlakte hier ingeskakel het, maar teen 1994 het dit weer afgeneem tot 258. Die gemeente se kerkgebou was in Rockfordweg, Kenwyn, en huisves later The River International Ministeries.
Leraars
- Willem Frederick Liebenberg, 1952 - 1956 (eerste leraar)
- Leon Brand Viljoen, 1956 - 1961
- Pieter Francois de Wet, 1961 - 1969
- Rudolph Christopher Herholdt, 1969 - 7 Augustus 1976
- Zacharias Blömerus, 1977 - 23 Januarie 1981
- Schalk Willem Theart, 1981 - 19 Julie 1985
- Thomas Lodewyk Wait, 25 Januarie 1986 - 1990
- Jacobus Francois Erasmus Stone, 1990 - 1995 (sedertdien beroepbaar)
Bronne
- Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
Eksterne skakels
This article uses material from the Wikipedia Afrikaans article NG gemeente Van Riebeeck, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.