Ons Gemeentelike Feesalbum
Ons gemeentelike feesalbum is 'n gedenkboek wat die N.G.
Kerk-uitgewers in 1952 die lig laat sien het om saam te val met die Van Riebeeck-fees, die 300-jarige herdenking van die koms van Jan van Riebeeck na die Kaap.
Ons gemeentelike feesalbum 'n Oorsig van die Ontstaan en Groei van die Gemeentes van die Ned. Geref. Kerke met geleentheid van die Van Riebeeck-fees 1952 | |
|---|---|
 | |
| Skrywer | Ds. P.L. Olivier |
| Land | Suid-Afrika |
| Taal | Afrikaans |
| Onderwerp | Geskiedenis van die Nederduitse Gereformeerde Kerk |
| Genre | Kerkgeskiedenis |
| Uitgewer | N.G. Kerk-Uitgewers van S.A. |
| Uitgegee | 1952 |
| Medium | Hardeband |
| Bladsye | 608 |
Die album vertel in gemiddeld 'n bladsy elk die verhaal van meer as 600 gemeentes van die Nederduitse Gereformeerde Kerk se ontstaan en groei. Die boek is verdeel in die indertydse vier sinodes: Kaap, Natal, Vrystaat en Transvaal. Die gemeentes in die destydse Suid-Rhodesië en Noord-Rhodesië het onder die Vrystaatse Sinode geval en is daarom onder daardie afdeling ingesluit, terwyl die drie gemeentes in Oos-Afrika (Meru, Vergenoeg en Loubser) deel was die Transvaalse Sinode en as sodanig geplaas is. Suidwes-Afrika het destyds onder die Kaapse Kerk geval en is daar ingedeel.
Talle gemeentes het nie gegewens ingestuur nie en word daarom net met stigtingsjaar en leraar(s) aan die einde van hulle onderskeie sinodes behandel. Voorin die boek is 'n reeks foto's wat die verhaal van gemeentes se ontstaan vertel en agterin talle foto's van kerkgeboue en sleutelfigure in die kerk se geskiedenis. By die meeste gemeentes se inskrywing is daar 'n foto van die leraar of medeleraars.
Ds. Phil Olivier was die samesteller van die feesalbum.
In 2010 het boekhandelaars die feesalbum teen tussen R100 en R250 verkoop, na gelang van die toestand. Die oorspronklike uitgewersprys was £2.5s.
Vir die buiteblad van die boek is 'n foto van die kerkgebou van die NG gemeente Steynsburg gebruik.
Verwysings
This article uses material from the Wikipedia Afrikaans article Ons gemeentelike feesalbum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.