Marie Prins: Suid-Afrikaanse plantkundige met spesiale belangstelling in bome van Suider-Afrika

Prins het aan die Universiteit van Stellenbosch gestudeer en met 'n BSc in Plantkunde gegradueer. Sy het haar BSc(Hon) en MSc aan die Universiteit van Pretoria voltooi. Sy het 'n PhD in plantkunde behaal met 'n proefskrif oor spykerdoringbome van die wêreld (Gymnosporia, Celastraceae). Sy was ook betrokke by die ontwikkeling van 'n webwerf met inligting oor Suid-Afrikaanse bome wat gemik is op beide amateurs en wetenskaplikes.

Sy het die skrywers van die boek "Trees and Shrubs of Mpumalanga and the Kruger park", wat in 2002 gepubliseer is, raad met navorsing gegee. Sy het ook gevalle in die boek reggestel waar 'n plant voorheen as 'n nuwe variëteit beskryf is en later hergeklassifiseer is as 'n nuwe spesie.

Sy werk by die Suid-Afrikaanse Nasionale Biodiversiteitsinstituut en in 1999 is sy gelys as 'n wetenskaplike beampte vir die Nasionale Herbarium en betrokke is by die identifikasie van plante en die kurasie van die plant versameling, met spesiale belangstelling in bome van Suider-Afrika.

Een studie waarin Prins betrokke was, sluit in 14 van die 17 genera wat in Combretaceae aanvaar is, insluitende 101 spesies en subspesies, in 'n poging om filogenetiese verhoudings tussen lede van die Combretaceae-familie te bepaal. Monsters is van velduitstappies ingesamel na :

• Suid-Afrika (Limpopo, Mpumalanga, Gauteng, KwaZulu-Natal provinsies)
• Botswana
• Mosambiek
• Namibië
• Zimbabwe

 

Gekultiveerde monsters is ook ingesluit van:

• Laeveld Nasionale Botaniese Tuin (Nelspruit, Suid-Afrika)
• Pretoria Nasionale Botaniese Tuin (Pretoria, Suid-Afrika)
• Kirstenbosch Nasionale Botaniese Tuin (Kaapstad, Suid-Afrika)
• National Botanic Garden, Harare (Zimbabwe)
• Botanic Garden of Honolulu
• Botanic Garden of Missouri
• Royal Botanic Gardens, Kew

Sedert 2008 was Prins betrokke by die jaarlikse somerreënval vierdaagse werkswinkel van die SANBI by Umtamvuna-natuurreservaat, KwaZulu-Natal. Sy het 'n Gymnosporia identifikasie kursus vir CREW (Bewaarders van Skaars en Bedreigde Wildsblomme) vrywilligers, studente en lede van die provinsiale bewaringsagentskappe aangebied.

In 2018 het die Botaniese Vereniging van Suid-Afrika Prins befondsing vir 'n taksonomiese hersiening van deel van die genus Olea toegeken. Taksonomie verskaf kritiese basiese inligting aan ander takke van Plantkunde (insluitend bewaring, omgewingsbestuur en onderwys), maar word beskou as een van die minste gewildste dele van Plantkunde. Daarom is befondsing moeilik om te verkry. Die genus Olea is laas in 1963 hersien.

Die standaard skrywer afkorting M.Prins word gebruik om hierdie persoon as die skrywer aan te dui wanneer 'n botaniese naam aangehaal word.

• (en) Jordaan, M.; van Wyk, A.E. (1998). "Systematic studies in subfamily Celastoideae (Celastraceae) in southern Africa: the genus Putterlickia". South African Journal of Botany. 64 (6): 322-329.
• (en) SAPPI tree spotting | Lifer List (Google books) (1 uitg.). Johannesburg: Jacana Media. 2004. ISBN 1770090363. Besoek op 6 Maart 2019.
• (en) Dictionary of names for southern African trees : Scientific names of indigenous trees, shrubs and climbers with common names from 30 languages. Pretoria: Briza. Junie 2011. p. 960. ISBN 9781920146016. Besoek op 6 Maart 2019.
• (en) Marie Jordaan; Abraham E. van Wyk. "Gymnosporia swazica (Celastraceae), a new species from southern Africa". Phytotaxa. Auckland, New Zealand: Mongolia Press. 192 (4). ISSN 1179-3163. Besoek op 6 Maart 2019.

Prins het ook in die volgende joernale gepubliseer:

• Bothalia - Afrika Biodiversiteit en Bewaring
• Suid-Afrikaanse Joernaal vir Plantkunde
• Phytotaxa
• Taxon
• Kew Bulletin

• Lys van botaniste volgens outeursafkorting