Die Malebo-poel (tot 1972 bekend as die Stanley-poel) is 'n groot meer met 'n hawe in die Kongorivier.
Malebo-poel | |
---|---|
Nasa-Satellietbeeld van Brazzaville, Kinshasa en die Malebo-poel in die Kongorivier | |
Kaart van die Malebo-poel | |
Koördinate: | 4°16′55″S 15°29′19″O / 4.28194°S 15.48861°O 15°29′19″O / 4.28194°S 15.48861°O |
Ligging: | Demokratiese Republiek die Kongo, Republiek die Kongo |
Soort: | Rivierverbreding |
Oppervlakte: | 400 km² |
Maksimum diepte: | 16 meter |
Lengte: | 30 km |
Breedte: | 21 km |
Invloei: | Kongorivier |
Uitvloei: | Kongorivier |
Eiland/e: | Ile M’Bamou |
Nedersettings: | Brazzaville en Kinshasa |
Op die noordwestelike oewer van die meer lê Brazzaville en op die suidwestelike oewer Kinshasa. Die meer is nagenoeg 400 km² groot, het 'n maksimum diepte van 16 m, lê 274 m bo seevlak en is 560 km van die rivier se mond. In die meer lê die Ile M’Bamou (Mbamu, Mbamou) van 180 km².
Die Kongoriver is uit die binneland van Afrika vanaf hawens by Mbandaka, Kisangani en Bangui tot by die Malebo-poel bevaarbaar. Stroomversnellings bekend as die Livingstone-watervalle deur die Kristalberge (Monts de Cristal, 'n reeks laeheuwels wat strek van Ekwatoriaal-Guinee tot Angola en ewewydig aan die Atlantiese Oseaan) verhoed verdere skeepvaart na die see. By die Malebo-poel word goedere oorgelaai op die Matadi-Kinshasa-trein (gebou in 1890–1898) en verder vervoer na die rivierhawens Matadi, Boma en Banana.
Die Stanley-poel is vernoem na Henry Morton Stanley.
Brazzaville en Kinshasa is blykbaar van alle hoofstede in die wêreld die wat die naaste aanmekaar lê.
This article uses material from the Wikipedia Afrikaans article Malebo-poel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.