Kristijonas Donelaitis
Kristijonas Donelaitis
Pruisies-Litause digter
Gebore
1 Januarie 1714
in Lasdinehnen naby Gumbinnen,
Koninkryk Pruise
Oorlede
18 Februarie 1780
in Tollingkehmen,
Koninkryk Pruise
Bekende werke
Metai (omstreeks 1765-1775)
Kristijonas Donelaitis (* 1 Januarie 1714, † 18 Februarie 1780; Latyns: Christian Donalitius) was die Evangelies-Lutherse predikant van 'n Duits-Litause kerkgemeente in Pruisies-Litaue, 'n streek in die ooste van die Koninkryk Pruise wat onder meer deur 'n minderheid etniese Litauers bewoon is. As digter het Donelaitis, wat ook Duitse poësie geskryf het, bekendheid verwerf met die eerste klassieke gedig in Litaus, Metai of "Die Seisoene".
Metai, wat steeds as een van die meesterwerke van Litause digkuns beskou word en sedert 1977 deel uitmaak van Unesco se Biblioteek van Europese Literêre Meesterwerke, beskryf die alledaagse lewe van Litause boere, hul moeilike lewe as lyfeienes en die seisoenale jaarlikse lewensiklus.
This article uses material from the Wikipedia Afrikaans article Kristijonas Donelaitis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.