Konkordaat
'n Konkordaat is 'n bilaterale ooreenkoms tussen 'n soewereine staat en die sogenaamde Heilige Stoel.
Die Heilige Stoel is die sentrale bestuur van die Rooms-Katolieke Kerk, nl. die pous en die Roomse Kurie (die pous se bestuursapparaat). Verskeie lande het konkordate met die Heilige Stoel in plek, onder andere: Frankryk, Italië, Spanje, Pole en Oostenryk.
'n Konkordaat verleen tipies erkenning en voorregte aan die Rooms-Katolieke Kerk in 'n spesifieke land met betrekking tot sekulêre aangeleenthede wat 'n impak op die kerk se belange het. Onder andere oor belastings en die reg van 'n staat om die keuse van biskoppe binne sy gebied te beïnvloed.
Van die belangrike konkordate was:
- die Konkordaat van Worms (1122)
- die Konkordaat van Wene (1448) tussen pous Nicolaas V en die Duitse koning Frederik III van Habsburg
- die Konkordaat van 15 Julie 1801
- die Lateraanse Verdrag (1929)
- die Konkordaat van Rome (1933)
- die Konkordaat van 1953 met Francisco Franco in Spanje wat katolisisme tot staatsgodsdiens verhef
This article uses material from the Wikipedia Afrikaans article Konkordaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.