Kappa Crucis (ook onder meer κ Cru of HD 111973) is ’n spektroskopiese dubbelster in die oop sterreswerm NGC 4755, wat ook as die Kappa Crucis- of Juweelkis-sterreswerm bekend is.
Dit is in die sterrebeeld Suiderkruis (Crux).
Kappa Crucis | ||||
Die middel van NGC 4755, met κ Cru links. Foto: Nasa/ESA en Jesús Maíz Apellániz (Instituto de Astrofísica de Andalucía, Spanje). | ||||
Sterrebeeld | Suiderkruis | |||
Spektraaltipe | B3 Ia | |||
Soort | Dubbelster | |||
Waarnemingsdata (Epog J2000) | ||||
Regte klimming | 12h 53m 48.91920s | |||
Deklinasie | -60° 22′ 34.4808″ | |||
Skynmagnitude (m) | 5,98 | |||
Absolute magnitude (M) | -7,1 | |||
B-V-kleurindeks | +0,22 | |||
U-B-kleurindeks | -0,58 | |||
Besonderhede | ||||
Massa (M☉) | 23 | |||
Ligsterkte (L☉) | 151 000 | |||
Temperatuur (K) | 16 300 | |||
Afstand (ligjaar) | 8 500 | |||
Rotasiespoed (km/s) | 70 | |||
Ander name | ||||
CD−59°4460, HD 111973, HIP 62931, HR 4890, SAO 252077, 2MASS J12534890-6022344 | ||||
|
κ Crucis is een van die helderste sterre in die sterreswerm. Dit vorm een been, regs onder, of suid, van die prominente asterisme "A" in die middel van die swerm. Dit is deel van die Centaurus OB1-assosiasie en is sowat 8 500 ligjare van die Son af.
Die swerm, en dus κ Cru self, lê net suidoos van β Crucis, die linkerkantste ster van die bekende Suiderkruis-asterisme.
κ Crucis is ’n helder superreus met ’n sterreklassifikasie van B3 Ia. Wisselings in die radiale snelheid dui op die teenwoordigheid van ’n metgesel-ster. Vanweë κ Crucis se grootte en temperatuur is sy ligsterkte meer as 150 000 keer dié van die Son. Die swerm waarin die ster voorkom se ouderdom word op 11,2 miljoen jaar geraam.
This article uses material from the Wikipedia Afrikaans article Kappa Crucis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.