John Constable
John Constable (* 11 Junie 1776, † 31 Maart 1837) was 'n Engelse Romantiese skilder wat veral bekendheid verwerf het met sy landskapskilderye van Dedham Vale in die omgewing van sy geboorteplek East Bergholt in die graafskap Suffolk - 'n streek wat tans as Constable Country bekendstaan.
Constable het 'n rewolusie in die waterverfskilderkuns meegebring deur die manier waarop hy die weer, lug en atmosfeer uitgebeeld het. Hy was 'n voorloper van impressionisme en word saam met J.M.W. Turner aangeskryf as die een van die grootste Britse landskapskilders.
| John Constable | |
|---|---|
 Portret van John Constable deur Daniel Gardner in 1796 | |
| Gebore | 11 Junie 1776 East Bergholt, Suffolk, Oos-Anglia, Engeland |
| Sterf | 31 Maart 1837 (op 60) Hampstead, Londen, Engeland |
| Nasionaliteit | .svg){kind=small} Verenigde Koninkryk |
| Veld | Landskapskilderye |
| Beweging | Romantiek |
| Werke | Dedham Vale (1802) The Hay Wain (1821) |
Olie op doek, Victoria en Albert-museum, Londen
Olie op doek, Nasionale Galery, Londen
Dit was die groot toewyding waarmee hy die landskapstonele van sy geboortestreek op doek verewig het wat Constable se kunswerke so bekoorlik maak. "Ek dink ek moet my eie plekke op die beste manier skilder", het hy in 1821 aan sy vriend John Fisher geskryf, "skilder is niks meer as 'n ander woord vir gevoelens nie."
Constable se bekendste skilderye sluit Dedham Vale (1802) en The Way Hain (1821) in. Alhoewel sy skilderye tans onder die gewildste en kosbaarste Britse kunswerke gereken word, kon Constable in sy leeftyd min finansiële voordeel daaruit trek. Eers in die ouderdom van 52, toe hy as lid van die Koninklike Akademie (Royal Academy) verkies is, is sy reputasie as vooraanstaande skilder gevestig. Daarenteen is sy werk in Frankryk besonder gunstig ontvang. Hier kon hy meer van sy werke verkoop as in sy geboorteland en het bowendien die inspirasie vir 'n hele kunsstroming gelewer, die Barbizon-skool.
Lewe
Hy begin in 1799 te werk toe hy hom aansluit by die Koninklike Akademieskool. Hy word eers in 1829 tot 'n volle akademikus bevorder toe hy verkies word met een stem. Sy vader sterf in 1816 en dit stel hom in staat om met Maria Bicknell te trou na 'n sewejarige hofstryd en sterk opposisie van haar familie.
In 1820 het hy begin erkenning ontvang vir sy skilderye. Met die "The Hay Wain "(Nasionale Galery, Londen 1821) wen hy die goue medalje by die Parys Salon van 1824.
Sy vrou sterf in 1828.
Bronnelys
- Wiki Afrikaans
Wiki Commons het meer media in die kategorie John Constable.
This article uses material from the Wikipedia Afrikaans article John Constable, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.