Hans-Ulrich Rudel
Hans-Ulrich Rudel (2 Julie 1916 - 18 Desember 1982) was 'n Duitse Bobaasvlieënier tydens die Tweede Wêreldoorlog.
Rudel is die mees gedekoreerde Duitse soldaat van die Tweede Wêreldoorlog en was in Januarie 1945 die enigste ontvanger van die Ridderkruis met goue eike blare, swaarde en diamante. Na die oorlog was hy 'n prominente neo-Nazi-aktivis in Latyns-Amerika en in Wes-Duitsland.
Tydens die oorlog is Rudel gekrediteer met die vernietiging van 519 tenks, sowel as een slagskip, een kruiser, 70 landingstuie en 150 artillerie-stellings. Hy het 51 lug seges en die vernietiging van meer as 800 voertuie van alle soorte geëis. Hy het 2 530 grondaanvalmissies eksklusief aan die Oosfront gevlieg, gewoonlik met die Junkers Ju 87 "Stuka" duikbomwerper.
Rudel het hom op 8 Mei 1945 aan Amerikaanse magte oorgegee en in 1948 na Argentinië geëmigreer. Hy was 'n toegewyde en onberouvolle Nasionaal-Sosialis. Hy stig die "Kameradenwerk", 'n hulporganisasie vir Nazi-vlugtelinge wat vlugtelinge gehelp het om na Latyns-Amerika en die Midde-Ooste te ontsnap. Saam met Willem Sassen het Rudel gehelp om Josef Mengele, die berugte voormalige SS-dokter in Auschwitz, te beskerm. Hy het as wapenhandelaar en militêre adviseur gewerk vir die regimes van Juan Perón in Argentinië, van Augusto Pinochet in Chili en van Alfredo Stroessner in Paraguay. As gevolg van hierdie aktiwiteite is hy deur die Amerikaanse Central Intelligence Agency onder waarneming geplaas.
Tydens die Wes-Duitse federale verkiesing van 1953 was Rudel, wat na Wes-Duitsland teruggekeer het, die topkandidaat vir die regse Deutsche Reichspartei, maar is nie tot die Bundestag verkies nie. Na die Revolución Libertadora in 1955, die opstand wat die tweede presidensiële termyn van Perón beëindig het, verhuis Rudel na Paraguay, waar hy as buitelandse verteenwoordiger vir verskeie Duitse maatskappye opgetree het. In 1977 word hy 'n woordvoerder van die German People's Union, 'n neo-Nazi-politieke party wat gestig is deur die ekstremistiese politikus Gerhard Frey. Rudel is in 1982 in Wes-Duitsland oorlede.
Eksterne skakels
- Wiki Afrikaans
Wiki Commons het meer media in die kategorie Hans-Ulrich Rudel.
This article uses material from the Wikipedia Afrikaans article Hans-Ulrich Rudel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.