1856-1929 Groothertog Nikolaas Nikolajewitsj Van Rusland
Hierdie naam is volgens die Oos-Slawiese gebruik; die patroniem is Nikolajewitsj en die van is Romanof.
| Nikolaas Nikolajewitsj | |
|---|---|
| Groothertog | |
 | |
| Huis | Romanof |
| Vader | Groothertog Nikolaas Nikolajewitsj van Rusland |
| Moeder | Hertogin Alexandra van Oldenburg |
| Gebore | 18 November 1856, Sint Petersburg, Russiese Ryk |
| Oorlede | 5 Januarie 1929 (op 72), Antibes, Frankryk |
| Eggenote | Prinses Anastasia van Montenegro |
Groothertog Nikolaas Nikolajewitsj van Rusland (Russies: Николай Николаевич (младший – junior); 18 November 1856 - 5 Januarie 1929) was die seun van groothertog Nikolaas Nikolajewitsj senior en ’n Russiese generaal gedurende die Eerste Wêreldoorlog.
Lewe
.jpg)
Nikolaas was ’n kleinseun van tsaar Nikolaas I en bevelvoerder van die Russiese keiserlike weermag aan die hoofgrens in die eerste jaar van die Eerste Wêreldoorlog, tydens die bewind van sy kleinneef, Nikolaas II. Hy het gesukkel met die enorme taak om Rusland teen Duitsland te lei, insluitende wat betref strategie, taktieke, logistiek en koördinasie met die regering. In 1915 het tsaar Nikolaas II hom as bevelvoerder vervang.
Die groothertog was later ’n suksesvolle bevelvoerder in die Kaukasus. In 1922 is hy vir ’n kort rukkie as keiser erken in gebiede in die Russiese Verre Ooste wat deur die Wit Leër beheer is.
Op 29 April 1907 is Nikolaas getroud met prinses Anastasia van Montenegro, die dogter van koning Nikolaas I en die suster van prinses Milica, wat met Nikolaas se broer groothertog Pieter getroud was. Hulle het geen kinders gehad het.
Met die Februarie-rewolusie was Nikolaas in die Kaukasus, en hy en sy vrou het daarna op die Krim gewoon. Hulle het in April 1919 betyds van die Rooi Leër ontsnap aan boord van ’n Britse oorlogskip. Hulle het hulle eindelik in Choigny, 32 km buite Parys, Frankryk, gevestig. Hy is op 5 Januarie 1929 aan natuurlike oorsake dood aan die Franse Riviera, waarheen hy is om aan die koue winter te ontsnap.
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie Groothertog Nikolaas Nikolajewitsj van Rusland (1856-1929).
Hierdie artikel is in sy geheel of gedeeltelik uit die Engelse Wiki vertaal.
This article uses material from the Wikipedia Afrikaans article Groothertog Nikolaas Nikolajewitsj van Rusland (1856-1929), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.