Die gouestreep-lipvis (Halichoeres zeylonicus) is 'n vis wat in die westelike Stille Oseaan, die Indiese Oseaan, die Rooisee en aan die kus van Oos-Afrika suidwaarts tot by die suide van KwaZulu-Natal voorkom.
In Engels staan die vis bekend as die Goldstripe wrasse.
Gouestreep-lipvis | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | Cuvier, 1816 |
Genus: | Halichoeres |
Spesie: | H. zeylonicus |
Binomiale naam | |
Halichoeres zeylonicus (Bennett, 1833) |
Die vis word tot 15 cm lank en het 'n lang, slanke lyf. Volwasse mannetjies is liggroen met 'n sylyn deur die middel asook 'n dun streep onder die basis van die dorsalevin. Daar is ook onreëlmatige pers strepe oor die kop en voorste gedeelte van die lyf. Soms is daar ook geel kolle onder die basis van die pektoralevinne. Tydens die aanvanklike en onvolwasse stadiums en ook by die wyfies het die boonste gedeelte van die lyf 'n pienk skakering en penskant is ligter. Daar is ook 'n breë, heldergeel streep vanaf die oë tot by die stertvinbasis.
Die vis leef in aflandige koraalriwwe in water wat 10 tot 40 m diep is. Hier leef hulle in klein groepies saam oor sand en rommel by die basis van die riwwe. Hulle vreet bodem ongewerweldes.
This article uses material from the Wikipedia Afrikaans article Gouestreep-lipvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.