Salmonidae
Salmonidae (forelle en salms) is 'n familie van visse in die orde Salmoniformes.
Die familie is 'n belangrike bron van voedsel vir die mens en kom natuurlik voor in die gematigde areas van die noordelike halfrond. Die familie bevat medium tot groot visse met klein skubbe op die lyf maar niks oor die kop nie en het ook 'n groot bek.
| Salmonidae | |
|---|---|
 | |
| Oncorhynchus tschawytscha/nerka | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | Protacanthopterygii |
| Orde: | Bleeker, 1859 |
| Familie: | Salmonidae G. Cuvier, 1816 |
| Genera | |
| | |
Forelle in Suid-Afrika
Britse koloniste in die Kaap en Natal het gou besef dat daar min inheemse hengelspesies in Suid-Afrika se riviere is maar dat die bergstrome geskik sal wees vir forel. Die eerste bevrugte eiers van die bruinforel is reeds in 1890 na Suid-Afrika gebring en die forel is suksesvol in Natal geteel. Die jong vissies was toe in die Mooi-, Boesmans- en Umgeniriviere vrygelaat. In 1892 was die bruinforel ook suksesvol in Kaapstad geteel. Teelplase is toe by Jonkershoek by Stellenbosch en Pirie naby King William's Town in die Oos-Kaap gebou. Teen 1897 was die Bruinforel-teelstasies suksesvol gevestig en is die eerste reënboogforel se bevrugte eiers na Suid-Afrika gebring. Hierna word albei spesies suksesvol gevestig in ‘n verskeidenheid riviere en die reënboogforel het plaaslik meer bekend geraak. In 1950 is daar ook begin om die beekforel – afkomstig van die VSA - in Kaapstad te teel. Tot in die 1980’s is forelle slegs deur bewaringsinstansies geteel, maar daarna het dit 'n groot bedryf geword wat die sport- en kommersiële mark bedien.
Genera
Die volgende genera en gepaardgaande spesies is deel van die familie:
- Oncorhynchus mykiss — Reënboogforel (ingevoer in Suider-Afrika)
- Salmo trutta — Bruinforel (ingevoer in Suider-Afrika)
- Salmo salar — Atlantiese salm
- Salvelinus fontinalis — Beekforel (ingevoer in Suider-Afrika)
Sien ook
| Wiki Commons bevat media in verband met Salmonidae. |
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
This article uses material from the Wikipedia Afrikaans article Salmonidae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.