A dos salmónidos (Salmonidae) é a única familia da orde dos salmoniformes (Salmoniformes), peixes teleósteos mariños, os máis deles anádromos e algúns de augas doces, que se distribúen de forma natural por todo o hemisferio Norte, pero que foron amplamente introducidos polo ser humano en augas frías de ríos de todo o mundo para a pesca.
Salmónidos Salmonidae Rango fósil: cretáceo superior - actualidade | |||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Troita (Salmo trutta fario) | |||||||||||||||||||||||
Clasificación científica | |||||||||||||||||||||||
| |||||||||||||||||||||||
Xéneros | |||||||||||||||||||||||
|
Inclúe especies como as troitas e os salmóns do Vello Mundo, os salmóns do Pacífico, as troitas do xénero Salvelinus, os salmóns do xénero Huso, os corégonos (xénero Coregonus) e os tímalos (xénero Thymallus).
Algunhas das súas especies son, ademais, extensamente criadas en acuicultura, tanto que existe unha especialidade dentro deste tipo de actividades, a acuicultura de salmónidos.
Os salmoniformes apareceron por primeira vez no rexistro fósil no cretáceo superior.
O seu nome científico, Salmoniformes deriva do latín salmo, que é como chamaban na antiga Roma ao salmón, e o elemento -iformes, co que se constrúen os nomes das ordes de peixes.
Ademais da orde, salmo dá o nome ao xénero Salmo, que é o tipo non só da orde, senón tamén da súa única familia, Salmonidae, ao que pertence o salmón propiamente dito e as troitas.
Teñen escamas pequenas tipo cicloide; non presentan espiñas nas aletas, tendo todos eles no seu lombo unha aleta adiposa; algunha especie pode acadar até 1,5 m de lonxitude máxima.
Moitos destes peixes son anádromos, pasando parte da súa vida no mar, pero retornando aos ríos que remontan até preto da súa cabeceira para desovar nos leitos de grava; tras isto moitos deles morren.
Son especies moi valoradas na pesca, tanto comercial como deportiva; tamén moitas son moi usadas na acuicultura, tendo grande importancia a súa comercialización para a alimentación humana.
Filoxenia dos Salmónidos | |||||||||||||||||||||||||||||||||||||||||||||||||||||||||
|
A familia subdivídese en 3 subfamilias que agrupan 11 xéneros que reúnen as 209 especies actualmente válidas:
Wiki Commons ten máis contidos multimedia na categoría: Salmónidos |
Wikispecies posúe unha páxina sobre: Salmónidos |
This article uses material from the Wikipedia Galego article Salmónidos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.