Area 51: Geklassifiseerde Amerikaanse militêre basis geleë in Groom Lake, Nevada
Die Amerikaanse Lugmag se fasiliteit algemeen bekend as Area 51 is 'n afgeleë afdeling van die Edwards Lugmagbasis, in die Nevada Toets- en Opleidingsterrein.
Volgens die Sentrale Intelligensie-agentskap (CIA), is die korrekte name vir die fasiliteit "Homey Lughawe" (ICAO: KXTA) en "Groom Lake", alhoewel die naam Area 51 wel gebruik is in 'n CIA-dokument tydens die Viëtnamoorlog. Ander byname wat vir die fasiliteit gebruik word, is "Dreamland", "Paradise Ranch", "Home Base" en "Watertown". Die spesialegebruikslugruim om die veld word na verwys as 'n beperkte gebied 4808 North (R-4808N).
| Homey Airport | |||
|---|---|---|---|
 | |||
| Satellietbeeld van Area 51 | |||
| IATA: geen – ICAO: KXTA | |||
| Opsomming | |||
| Tipe lughawe | Militêr | ||
| Eienaar/Operateur | Regering van die VSA | ||
| Ligging | Suidelike Nevada, VSA | ||
| Hoogte bo seevlak | 4 462 vt / 1 360 m | ||
Die basis se huidige primêre doel is in die openbaar onbekend; maar gebaseer op historiese bewyse, ondersteun dit waarskynlik die ontwikkeling en toetsing van eksperimentele vliegtuie en wapenstelsels. Die intense geheimhouding rondom die basis het dit die gereelde onderwerp van samesweringsteorieë en 'n sentrale komponent vir Vreemde vlieënde voorwerpe (VVVs) in die volksmond gemaak. Hoewel die basis nooit as 'n geheime basis verklaar is nie, word alle navorsing en gebeure in Area 51 as hoogsgeheim (Top Secret/Sensitive Compartmented Information (TS/SCI)) geklassifiseer. In Julie 2013, na aanleiding van 'n "Freedom of Information Act"-versoek in 2005 gerig, het die CIA die bestaan van die basis vir die eerste keer in die openbaar bevestig, en dokumente waarin die geskiedenis en doel van Area 51 beskryf word, vrygestel (gedeklassifiseer).
Area 51 is geleë in die suidelike gedeelte van Nevada in die weste van die Verenigde State van Amerika, 134 km (83 myl) noord-noordwes van Las Vegas. Geleë in sy sentrum, op die suidelike oewer van Groom Lake, is 'n groot militêre vliegveld. Die perseel is in 1955 deur die VS Lugmag verkry, hoofsaaklik vir die toets van die Lockheed U-2 spioenasievliegtuie.
Die gebied rondom Area 51, insluitend die klein dorpie Rachel op die gepaste naam "Extraterrestrial Highway", is 'n gewilde toeristebestemming.
Verwysings
| Wiki Commons bevat media in verband met Area 51. |
| Hierdie artikel is in sy geheel of gedeeltelik vanuit die Engelse Wiki vertaal. |
115°48′0″W / 37.25000°N 115.80000°W
This article uses material from the Wikipedia Afrikaans article Area 51, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.