Anna Cloete: Aktrise

Sy was ses dekades lank deel van die Afrikaanse toneel-, rolprent- en televisiebedryf.

Anna Cloete
Geboorte	18 Julie 1913
Sterfte	10 Februarie 1999 Strand
Nasionaliteit	Suid-Afrika
Beroep(e)	Aktrise
Internet-rolprentdatabasis-profiel

Cloete het van die 1930's vir jare lank saam met haar man as deel van die James Norval-toergeselskap opgetree. Sy het self ook stukke geskryf, soos Ou liefde roes nie en Elke hart het sy smart. Sy het later, tot haar uittrede toe, vir die destydse Truk gespeel en was landswyd vir haar warm persoonlikheid en ingeleefde karakterrolle bekend.

Ná die instelling van TV in 1976 het sy in een van die eerste Afrikaanse TV-dramas, Die ryk weduwee, en daarna in Die koster, gespeel.

Sy is op 10 Februarie 1999 op 86 jarige ouderdom aan 'n beroerte oorlede. Haar enigste kind, Paddy Norval, is reeds in die 1980's oorlede.

As aktrise:

• Elsa se Geheim, 1979
• Night of the Puppets, 1979 as Molina da Costa
• Die Spaanse Vlieg, 1978
• Met Liefde van Adèle, 1974
• Die Kandidaat, 1968 as Sonja
• Geheim van Onderplaas, 1962
• The Hellions, 1961 as mev. Archer (nie gekrediteer nie)
• Spore in die Modder, 1961
• Paul Krüger, 1956 as Alida Malan
• Sarie Marais, 1949 as Aletta

As skrywer:

• Geheim van Onderplaas, 1962

• (af) James en Anna Norval se grafsteen in die Woltemade-begraafplaas, Maitland, Kaapstad. URL besoek op 17 November 2015.