Die 78ste Golden Globe-toekenningsaand vir die beste rolprente en televisieprogramme van 2020 en vroeg in 2021, soos deur die Hollywood Foreign Press Association gekies, is op 28 Februarie 2021 in The Rainbow Room, Manhattan, New York, en The Beverly Hilton Beverly Hills, Kalifornië, gehou – byna twee maande later as wat aanvanklik beplan is weens die uitwerking van Covid-19.
Daarmee is die tydperk waarin rolprente in aanmerking kon kom tot 28 Februarie uitgestel. Tina Fey en Amy Poehler was die aanbieders.
78ste Golden Globe-aand
| ||
Datum | 28 Februarie 2021 | |
Plek | The Beverly Hilton in Beverly Hills, Kalifornië; The Rainbow Room, Manhattan, New York | |
Aanbieder | Tina Fey Amy Poehler | |
Beste rolprente en reekse | ||
Rolprent | Nomadland (drama); Borat Subsequent Moviefilm (komedie of musiekspel) | |
TV-reeks | The Crown (drama); Schitt's Creek (musiek of komedie) | |
Minireeks of TV-prent | The Queen's Gambit | |
Meeste pryse | The Crown (4) | |
Meeste benoemings | The Crown, Mank (6) |
Die benoemdes is op 3 Februarie 2021 aangekondig. Jane Fonda en Norman Lear is aangekondig as die wenners van onderskeidelik die Cecil B. DeMille-prys en die Carol Burnett-prys.
The Crown het die meeste pryse (vier) gewen, insluitende vir beste TV-dramareeks. Schitt's Creek en The Queen's Gambit het twee pryse elk gewen, met Schitt's Creek wat die beste komedie- of musiekspelreeks en The Queen's Gambit wat die beste minireeks of TV-prent was. Die rolprente Borat Subsequent Moviefilm, Nomadland en Soul het twee pryse elk ontvang, met Nomadland wat die beste drama en Borat Subsequent Moviefilm wat die beste komedie of musiekspel was.
Die wenners word eerste en in vet druk genoem, gevolg deur die ander benoemdes.
This article uses material from the Wikipedia Afrikaans article 78ste Golden Globe-toekenningsaand, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.