Gillian Anderson (gebore 9 Augustus 1968) is 'n Amerikaanse aktrise en vervaardiger.
Sy is bekend vir haar rolle in die rolprent The Last King of Scotland (2006) en in die televisiereekse The X-Files (1993) en The Fall (2013).
Gillian Anderson | |
Geboortenaam | Gillian Leigh Anderson |
---|---|
Geboorte | 9 Augustus 1968 Chicago, Illinois, Verenigde State |
Nasionaliteit | Amerikaner |
Kinders | 3 |
Beroep(e) | Aktrise en vervaardiger |
Aktiewe jare | 1986–nou |
Internet-rolprentdatabasis-profiel |
Kort ná Anderson se geboorte het die gesin vir 15 maande na Puerto Rico verhuis en daarna na Londen. Nege jaar later het die Anderson-gesin teruggetrek na die Verenigde State. Anderson was 'n rebelse tiener wat op die punktoneel was, "body piercings" (lyfkuns) gedra het en haar hare in 'n verskeidenheid kleure gekleur het. Sy is eenkeer gearresteer omdat sy by haar hoërskool ingebreek het.
Haar ontdekking van teater was 'n keerpunt in haar lewe. Sy het oudisies vir amateurteater in haar tuisdorp (Grand Rapids, Michigan) afgelê en talentvol voorgekom. Toe sy haar roeping vind, het haar skoolprestasie aansienlik verbeter.
Nadat hy in 1986 gematrikuleer het, het Anderson vier jaar lank by die dramaskool van De Paul Universiteit in Chicago studeer. Sy het toe na New York verhuis om 'n loopbaan te begin. Sy het 'n rol gespeel in die Broadway-stuk Absent Friends (1991), waarvoor sy 'n teatertoekenning ontvang het en 'n jaar later speel sy in The Philanthropist (1992). Daarbenewens het sy bygedra tot 'n lae-begroting film getiteld The Turning (1992). Sy het toe na Los Angeles verhuis om 'n rolprentloopbaan te volg.
Anderson het dit moeilik gevind om in Los Angeles werk te kry en sy het verskeie oudisies deurgemaak wat op niks uitgeloop het nie. Sy het 'n gasrol in die reeks Class of 96 gekry, wat van korte duur was weens 'n gebrek aan sukses.
Haar groot deurbraak het gekom met die rol van die FBI-agent Dana Scully in die televisiereeks The X-Files (1993-2002). Hierdie wetenskapfiksiereeks het aanvanklik 'n kultusaanhang gehad, maar het later ook gewild geraak by 'n wye, internasionale gehoor.
Anderson het talle benoemings ontvang vir haar rol in The X-Files, insluitend "Screen Actors Guild Awards", 'n Emmy en 'n Golden Globe.
This article uses material from the Wikipedia Afrikaans article Gillian Anderson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.