Anthony Hopkins

 

Na sy studie in musiek en drama in die middel 1950's het hy aan die Royal Academy of Dramatic Art in Londen studeer, waar hy deur Laurence Olivier raakgesien is. Olivier het hom genooi om by die Royal National Theatre aan te sluit. In 1968 het hy sy deurbraakrol in The Lion in Winter gekry as Richard I van Engeland.

Hopkins word beskou as een van die grootste lewende akteurs. Hy is veral bekend vir sy vertolking van Hannibal Lecter in The Silence of the Lambs, waarvoor hy ’n Oscar vir beste akteur gewen het, asook die opvolg, Hannibal, en die voorvolg, Red Dragon.

Ander noemenswaardige rolle sluit in Magic (1978), The Elephant Man (1980), The Bounty (1984), 84 Charing Cross Road (1987), Bram Stoker's Dracula (1992), The Remains of the Day (1993), The Innocent (1993), Legends of the Fall (1994), Nixon (1995), Amistad (1997), The Mask of Zorro (1998), Meet Joe Black (1998), Instinct (1999), The World's Fastest Indian (2005), Fracture (2007) en Thor (2011).

Benewens sy Oscar het Hopkins drie Baftas, twee Emmys en die Golden Globes se Cecil B. DeMille-prys gewen. In 1993 is hy tot ridder geslaan vir sy diens aan die kunste. Hy het ook in 2003 ’n ster op die Hollywood Walk of Fame gekry en het in 2008 ’n Bafta-fellow geword.

Hopkins het in 2021 sy vierde Bafta vir beste akteur in 'n hoofrol en 'n tweede Oscar vir beste akteur in 'n hoofrol vir die 2020-film The Father gewen. Hy het hiermee die oudste wenner van 'n Oscar tot op datum geword.

• Anthony Hopkins by AllMovie
• Anthony Hopkins by Box Office Mojo
• Anthony Hopkins in die Internet-rolprentdatabasis
• Anthony Hopkins in die TCM-rolprentdatabasis
• Wiki Afrikaans  Wiki Commons het meer media in die kategorie Anthony Hopkins.
•   Hierdie artikel is vertaal uit die Engelse Wiki