ჩხოლარეფი
სისტემატიკავიკინერობეფს
| ჩხოლარეფი | ||
|---|---|---|
 ედუარდ ჰიქსი, ნოეშ კიდობანი | ||
| მენცარული კლასიფიკაცია | ||
| ||
| ლათინური ჯოხო | ||
| Animalia | ||
| თხილუაშ სტატუსი | ||
ჩხოლარეფი (ქორთ. ცხოველები) — ჩხოლარული ორგანიზმეფი, შურდგჷმილ სქჷლედეფიშ ართ-ართი ჯინჯიერი ომაფე (მაჟირა ომაფე ჩანარეფი რე). ჩხოლარეფი ჰეტეროტროფული ორგანიზმეფი რე. უუკაჭულაში ნამთინე ბუნა (ევგლენა) ეთმიჯუმუაფუ მუჭოთ ჰეტეროტროფულო, თეშ ავტოტროფულო. ალმახანურ ფარანს ხე 1,5-იშე 2 მლნ-შახ ბუნაშ ჩხოლარი (მენცარეფიშ უზურით თე რიცხუ შილებე 10 მილიონს ოჭირინუანდასჷნ), თაშ ნამდა 1 მლნ-შე უმოსი კუჩხორსხუამეფი. შხვადოშხვა სისტემატიკოსი ჩხოლარეფს გოშხვანერელი მუდანობაშ ტიპეფო რთუნს. უმოსო ეჭოფილიე გეჸვენჯი ტიპეფი: უუკაჭულაშეფი (ნამთინე თე ტიპის 5 ტიპო რთჷნს), მუნაფეფი, ჭჷქოქამეფი, ბირტყა ღვენკეფი, ნემერტინეფი, კვარკვალია ღვენწკეფი, დუდქაცუამი ღვენწკეფი, რულეამი ღვენწკეფი, კუჩხორსხუამეფი, ფუთქურალეფი, ხუჯკუჩხამეფი, ლიბტანამეფი, კანქაცუამეფი, პოგონოფორეფი, ძაგვარღვანწკამეფი, გვერდოქორდამეფი დო ქორდამეფი. ჩხოლარეფს გურაფულენს ზოოლოგია დო ანდა სპეციალური ზოოლოგიური დისციპლინა: პროტისტოლოგია, ენტომოლოგია, იქთიოლოგია, ჰერპეტოლოგია, ორნითოლოგია, თერიოლოგია, მალაკოლოგია დო შხვა.
შანულობა
ჩხოლარეფს დიდი შანულობა უღუ ადამიერიშ რინას. თინეფს ირინუანა ოჭკომალო, აწმაკინალი ნძალათ, ორეწუალე ლადირონო დო შხვა. ნამთინე ჩხოლარს ფორა (გავალი), მოუღუ ოკათე მეურნეობაშ თენა დო ვარ თი დარგიშა. გჷშაკერძაფილო ოშინალი რე თინეფიშ როლი აკანიშ თი სახეთ ასქილიდაფაშო მუდგათ თინა ამდღარშო მუმაპალუაფუნან. თე შანულობა მახორობაშ დიდი ნორთის ვასვინჷ დო წორას თენა რე თარი ზეკი თი პრობლემეფიშ ნამუეფიშ ოწოხოლეთ გერე ჩხოლარეფიშ ოქიანუნ. მიარე ბუნა უდუზოგებუ მოჯილიკუაშ დო ორთაშობურ პროცესეფს ჩილათირ ჩარიაშ გეშა მისპუ ვარა მოსპუალაშ შარას გერე. თეჟამო ქიმინჯური ბიჯგეფი გჷნმიდგუმუ ჩხოლარეფიშ ბუნაშობური მუდანობაშ რეგულირაფაშო, თხილუაშო, მოშხუნებაშო (გჷშაშქუმალირიე კანონეფი, დორსხუაფილიე ტყაჩირეფი (ნაკრძალეფი), ეკვათილეფი, მიშაღალირიე „ჭითა წიგნი“ დო შხვა). მორო მოღალუეფიშ მეჯინათ ქიმუაჸუნითჷ-და, ქობძირუნთ ნამდა ჩხოლარული ოქიანუშ დეგრადაციაშ პროგრესირაფა გეომეტრიულ პროგრესირაფას ეხოლებუ. რე გოხვალამა, ნამდა ორთაშ გჷნოგვარაფაშ პროცესი ნამუთ თეშნერი არგამა რენ, წჷმარინუანს ევოლუციური გოვითარაფაშ ართ-ართი ეტაპის დო ოსქვებურო ბუნეფიშ დო ვარ ედომუშამო ეკოსისტემეფიშ ნქირაფა ვა რე შანი თიში ნამდა მოსპუალა ედომუშამო შურდგჷმილ ორთას ორცქინუნ. მორო სოიშახ თეშნერი უზურეფი თეორიაშ სახეს ვეჭოფუნჷნ (მორო შილებე დღას ვართ მოხვადასჷნ ), თეიშახ კოჩიშობა დიდ რისკიშა მეურს. თაშ ნამდა, თითო კაკალია ადამიერი ვალდვალირიე მუთხილუას დო მუკულუას შურდგჷმილი ორთასჷნ.
ლიტერატურა
- ჯანაშვილი ა., ქსე, ტ. 11, ხს. 255, ქთ., 1987 წანა.
რესურსეფი ინტერნეტის
- ჯალეფი
- ჩხოლარეფიშ მიარეფერუანობა
- ARKive Archived 2016-04-26 ვებ-ხასჷლას archive.ph Error: unknown archive URLCategory:Webarchive თანგი უჩინებუ არქივეფი - გჷნოლაფაშ პიც მერნელ ჩხოლარეფი, მოსოფელიშ მაშტაბით.
- ომენცარე ამერიკული ჟურნალი.
This article uses material from the Wikipedia მარგალური (Margaluri) article ჩხოლარეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.