動物: 生物分類

動物界 化石年代：Ediacaran - 而家
物種分類
域(Domain): Eukaryota 界 動物界 Linnaeus, 1758

動物身體嘅基本形態，會喺佢哋發育嗰陣變得固定，通常係早響胚胎發育嗰陣時。但亦有啲會響日後嘅生命裏面，有個形態轉變嘅過程，稱為「變態」。大多數動物係識喐嘅——能夠自發性咁自己移動。響生態上，動物係「消費者」——意思係話，佢哋需要食其他生物（好似植物）嚟生存。

通常動物有幾種特徵，係同其他生物唔同嘅：

• 通常係多細胞嘅，即係話動物身體係由好多細胞所組成。
• 通常係消費者，身體有器官消化嘢食，唔同植物要靠光合作用生存。
• 動物冇細胞壁。呢種係植物獨有嘅。
• 動物識郁。
• 胚胎會有形成囊胚嘅時期。

結構

一般嚟講，動物會有唔同功能嘅組織系統。呢啲組織包括肌肉（能夠收縮，控制身體移動）同神經組織（傳遞同接收訊號）。一般動物都會有個消化系統，同表皮連接一個或者兩個開口。有呢啲組織嘅動物，會稱之為「真後生動物」。

所有動物都會有真核細胞，形成甲殼、骨頭同針骨等等嘅結構。響發育嗰陣架構可以變化，令到細胞能夠進行組織，變得複雜。相對地，植物細胞會俾細胞壁固定住，發育會嚟得漸進。

繁殖

幾乎所有動物都係靠「有性繁殖」嚟繁殖——有公同乸兩種。公產生精子，乸產生卵子。精子同卵子會結合，成為受精卵，之後發育成新嘅個體，亦有靠「無性繁殖」，即係細胞分裂。

根據唔同嘅準則，動物會有唔同嘅劃分。

按形態劃分

根據18s rRNA比對結果劃分