მუჭო იბკითხათ ორგანიზმიშ ინფოდაფა

მოჩამილი სტატია სხუნუნს, მუჭო იბკითხათ ორგანიზმიშ ინფოდაფა "თინილო". თუ თქვა ორგანიზმიშ ინფოდაფაშ (ტაქსოდაფა) აკოქიმინუა ვარდა რედაქტირაფა გოკონა-და, ქოძირით გჷნართა ბიოლოგიური სტატიეფი.

(ბიოლოგია) ტაქსოდაფას შილებე გჷშერთას მუსხირენ უციო დო მუსხირენ ოპციური გჷნართა:

• დაჭყაფუ,
• ტაქსონიშ კლასიფიკაცია დო სისტემატური დგომარობა,
• რსხუეფი ტაქსონომიურ წყუეფშა.

მარძგვანი კუნთხუს წჷმორინელი რე ორგანიზმიშ ბარათიშ სურათი სტატიაშე კოლორადოშ ხოჭოშენი .

დაჭყაფშა მიშმურს ჯოხოდვალა დო ილუსტრაციეფი.

1. ბარათიშ ჯოხოდვალა რე ორგანიზმიშ ფართოთ გოფაჩილი მარგალური/ქორთული ჯოხო, თუ თეჯგურა ვაარსებენს-და, ინწკჷმა მენცარული ჯოხო ლათინურო გჷმირინუაფუ. შანი "†" ოძირანს ტაქსონეფს, ნამუშ არძო წჷმმარინაფალი, მოჩამილ მომენტის ეშალაფირო იკოროცხუ.
2. კანკალე გვარობაშე შილებე მეძირაფილი ორდას თხილუაშ სტატუსი (უმოსი სხუნელო ქოძირით ინგლისურო en:Wikipedia:Conservation status).
3. ორგანიზმეფიშ მოჩამილი ბუნაშ ტიპიური წჷმმარინაფლიშ სურათი.

4. ორგანიზმიშ ბარათიშ მოჩამილი გჷნართა, ასეინი ბორჯიშო მეღებული თი ორგანიზმეფიშ ბუნაშ მენცარულ კლასიფიკაციას წჷმარინუანს, ნამუთ ეჭარილი რე სტატიას. თენა ბუნეფიშ იერარქიული სისტემა რე, ნამუსჷთ ტაქსონეფი ჯოხო დო ნამუსჷთ ორხველჷ მოჩამილი ორგანიზმი. თიმ შვანეფს, მუჟამსჷთ ტაქსონომია ზუსტას ვარე დოდგინილინ, ისხუნუაფუ ვარდა მოჩამილ მომენტშო ითირუ, თე სექცია ცადენს თი ალმახანური დგომარეობაშ ძირაფას, ნამუთ საარძოთ მეღებული კლასიფიკაცია რე.
5. კლასიფიკაციაშ სექციაშ კვარჩხანი კუნთხუს ეკოროცხილი რე ტაქსონეფიშ დონეეფი, ნამუშ ჯოხოდვალეფი მარძგვანი ნორთის რე მოჩამილი. [ბიოლოგიური გვარობა|გვარობა]] მოჯგირე ინდივიდუუმეფიშ პოპულაციაშ ბუნა რე, ნამუთ თაშ რე თუ თეშ თხილერი ფორმეფიშ ართობურობას წჷმარინუანს გვარობეფი აკმადგინანა გვარობეფს (მოჯგირე გვარობეფიშ ბუნეფი), ნამუთ მუშჸურე ფანიეფშა მიშმულა (არხო გვარობეფიშ ბუნეფი) დო თაშ უკული. რჩქვანელობურო წჷმორინელი რე შქვითი თარი დონე, მარა თიმ შვანეფს, მუჟამსჷთ ხემიოჭირინაფალი რე უმოსი დეტალიზაცია, შილებე თიჯგურა გიმენბუნეფქ გჷშერთას მუჭოთ რე, სამანგათ, გიმენფანია, ნამუთ ფანიას დო გავრობას შქას შქაფონს წჷმარნუანს.
6. ლათინური ჯოხოდვალა — ალმახანაშო მეღებული ტაქსონიშ (ორგანიზმიშ ლათინური ჯოხოდვალაშო) ომენცარე ჯოხოდვალა. გვარობაშ ეჭარუაშ ბორჯის, თე ჯოხოდვალა გეჸვენჯი გვარობეფიშ სპეციფიკატორიშ გვარობაშ ჯოხოდვალაშე აკმოდირთუ.
7. ლათინური ჯოხოდვალაშ მარძგვანშე შილებე მეწურაფილი ორდას ავტორი, ნამუქჷთ მაართათ გაბჟინუ თე ჯოხოდვალა ორგანიზმიშ ეჭარუაწკჷმა ართო (ვარდა იწურუანს ორგანიზმიშ ეჭარუას). მოჩამილ შვანს ჯოხოდვალა Leptinotarsa decemlineata მაართათ გჷმირინუ ამერიკალ ნატურალისტიქ ტომას სეიქ (Thomas Say) (1787—1843) თიშ ნახანდიქ "ამერიკაშ ეთნოლოგია"-შ მაართა ნორთის გჷმიბჟინუ 1824 წანას.
8. კოლორადოშ ხოჭო — გვარობაშ ჯოხოდვალა მარგალურ ვარიანტის, ქორენ-და, ვარდა ლათინურო.
9. Leptinotarsa — გვარობაშ ჯოხოდვალა მარგალურ ვარიანტის, თეჯგურა ჯოხოდვალა ქორენ-და ვარდა ლათინური ჯოხოდვალა, ათე შვანს მუჭო რენ თეშ.
10. ფურცელჭკომეფი (Chrysomelidae) — ხოჭოეფიშ ფანია, ნამუთ ჩანარეფიშ ფურცელს ჭკომუნს. რჩქინელი რე ფურცელმაჭკომალეფიშ დოხოლაფირო 35 000 გვარობა.
11. ხოჭოეფი (Coleoptera) — თენა რე რანწკი, ნამუშათ 350 000 უმოსი ეჭარილი გვარობა მიშმურს.
12. ჭანდეფი (Insecta) — კლასი, ნამუშათ 800 000 ეჭარილი გვარობა მიშმურს. ჭანდეფს სუმი სეგმენტი (დუდი, რსხული დო კუდელი) დო ამშვი განთხი (კუჩხეფი) უღუნა.
13. კუჩსახსარამეფი (Arthropoda) — ორგანიზმეფიშ ტიპი, ნამუსჷთ სეგმეტირაფილი რსხული, მანგარი ჯაშთანი დო სახსარამი განთხეფი უღუნა.
14. ჩხოლარეფი (Animalia) — ომაფე, ნამუშათ არძო მიარეფერამი ჩხოლარი ორგანიზმი მიშმურს.

ტაქსოდაფას, თარი ტაქსონომიური რანგეფიშ მოხ, შილებე მეწურაფილი ორდას მუსხირენ შქაფონი: ჟილენფანია, გიმენგვარობა დო თ.უ.

გჷნართა ვარე უციო დო თინა ჩინებარიშ ხასიათის ატარენს

• ტაქსონომია