اسم ضمیر اسم معرفہ کی ایک قسم ہے
ایسے الفاظ جو کسی دوسرے اسم کی جگہ استعمال کیے جائیں اسمائے ضمیر کہلاتے ہیں۔
یا
وہ اسم جو کسی چیز شخص یا نام کی بجائے بولا جائے اسم ضمیر کہلاتا ہے۔
یا
ایسے تمام الفاظ جو کسی اسم کی جگہ بولے جائیں یا انھیں زبان سے بول کردل میں کسی شخص یا چیز کی طرف اشارہ کیا جائے اسم ضمیر کہلاتے ہیں۔
اِس مثال میں وہ اسم ضمیر ہے اور خدا مرجع ہے۔
انور ایک محنتی لڑکا ہے۔ وہ صبح سویرے اُٹھتاہے۔ اُس نے کبھی غیر حاضری نہیں کی۔ اُسے تمام اساتذہ پیار کرتے ہیں۔
اِس مثال میں وہ، اُس نے، اُسے اسمائے ضمیر ہیں جبکہ انور مرجع ہے۔
اسم ضمیر اسم معرفہ کی ایک قسم ہے
اسم ضمیر جس اسم کی بجائے بولا جائے اسے مرجع کہتے ہیں، اوپر دی گئی مثالوں میں خدا اور انور مرجع ہیں۔
اسم ضمیر اسم معرفہ کی ایک قسم ہے
اسم ضمیر جب کسی شخص کے لیے استعمال ہو تو اسے ضمیر شخصی کہتے ہیں۔
یا
وہ اسم ضمیر جو کسی شخص کے لیے بولا جائے ضمیر شخصی کہلاتا ہے۔
عرفان آیا اور وہ کرسی پر بیٹھ گیا۔
اس جملے میں وہ کا لفظ ضمیرشخصی ہے۔
ضمیر شخصی کی تین صورتیں ہیں۔
یہ ضمیر اُس شخص کے لیے استعمال ہوتا ہے جو ہمارے سامنے موجود نہ ہو یعنی غائب ہو۔
یا
یہ ضمیر ایسے شخص کے لیے بولا جاتا ہے جو ہمارے سامنے حاضر نہ ہو یعنی غائب ہو۔
وہ، اُس، اُن، انھوں وغیرہ
یہ ضمیر اُس شخص کے لیے استعمال ہوتا ہے جس سے بات کی جائے اِس ضمیر میں ہمارا مخاطب ہمارے سامنے موجود ہوتا ہے اِس لیے اِس ضمیر کو ضمیر مخاطب بھی کہتے ہیں۔
یا
یہ ضمیر اُس شخص کے لیے استعمال ہوتا ہے جس کے ساتھ بات کی جائے اِس ضمیر میں چونکہ ہم بات کرنے والا مخاطب ہمارے سامنے موجود ہوتا ہے یعنی حاضر ہوتا ہے اِس لیے ا،س ضمیر کو ضمیر حاضر یا ضمیر مخاطب کہتے ہیں۔
تُو، تُم، آپ وغیرہ
یہ ضمیر ہے جس میں بات کرنے والا شخص (متکلم) اپنے لیے استعمال کرتا ہے۔
یا
ضمیر متکلم اُس ضمیر کو کہتے ہیں جس میں بات کرنے والا شخص یعنی متکلم اپنی ذات کے لیے کرتا ہے۔
میں، ہم وغیرہ.
اسم ضمیر شخصی کی مندرجہ ذیل تین شخصی حالتیں ہیں۔
جب کوئی ضمیر اپنے فاعل کی جگہ استعمال کیا جائے تو ضمیر کی ااِس حالت کو حالتِ فاعلی کہتے ہیں۔
یا
جب کوئی ضمیر اپنے بجائے فاعل کی جگہ پر استعمال ہوتا ہو تو ضمیر کی اِس حالت کو ضمیر کی فاعلی حالت کہتے ہیں۔
وہ، اُس نے، میں، ہم وغیرہ
اکبر کہتا ہے ”میں کراچی جائوں گا“
اِس جملے میں ”میں “ ضمیر کی فاعلی حالت ہے۔
طاہربہت نیک ہے وہ بزرگوں کا ادب کرتا ہے۔
اِس جملے میں ”وہ“ ضمیر کی فاعلی حالت ہے۔
واحد غائب | جمع غائب | واحد حاضر | جمع حاضر | واحد متکلم | جمع متکلم |
---|---|---|---|---|---|
وہ، اُس | وہ، اُن، انھوں نے | تو | آپ، تُم | میں | ہم |
جب کوئی ضمیر اپنے مفعول کی جگہ استعمال ہوتویہ ضمیر کی حالت مفعولی کہلاتی ہے۔
یا
جب کوئی ضمیر مفعول کی جگہ استعمال ہو تو ضمیر کی اِس حالت کو حالتِ مفعولی کہا جاتا ہے۔
حالت مفعولی کی مثالوں کے چند نمونے ملاحطہ فرمائیں
اِن جملوں میں ”اُسے “ اور ”مجھے “ ایسے اسمائے ضمیر ہیں جو مفعول کی جگہ پر استعمال ہوئے ہیں۔ اِس لیے انھیں ضمیر کی حالت مفعولی کہتے ہیں۔
واحد غائب | جمع غائب | واحد حاضر | جمع حاضر | واحد متکلم | جمع متکلم |
---|---|---|---|---|---|
اُسے | انھیں | تجھے | تُمھیں | مجھے | ہمیں |
اُس کو | اُن کو | تُجھ کو | تُم کو، آپ کو | مجھ کو | ہم کو |
جب کوئی کسی اسم کا کسی شخص یا چیزسے تعلق ظاہر کرے اُسے ضمیر کی حالتِ اضافی کہتے ہیں۔
یا
جو ضمیر کسی شخص یا چیز کا تعلق کسی اسم سے ظاہر کرے اُسے ضمیر کی حالِتِ اضافی کہتے ہیں۔
حالت اضافی کی مثالوں کے چند نمونے ملاحظہ فرمائیں۔
اِن تینوں مثالوں میں ”اس کا“ ”اُن کے “ ”میرا“ ایسے ضمیر ہیں جو مرجع سے اپنا تعلق ظاہر کر رہے ہیں۔ انھیں ضمیر کی اضافی حالت کہتے ہیں۔
واحد غائب | جمع غائب | واحد حاضر | جمع حاضر | واحد متکلم | جمع متکلم |
---|---|---|---|---|---|
اُس کا | اُن کا | تیرا | تمھارا، آپ کا | میرا، | ہمارا |
اُس کے | اُن کے | تیرے | آپ کے | میرے | ہمارے |
اُس کی | اُن کی | تیری | آپ کی | میری | ہماری |
This article uses material from the Wikipedia اردو article اسم ضمیر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.