فوبوس
فوبوس مریخ کے دو چاندوں میں سے بڑا چاند ہے۔ یہ مریخ کے دوسرے اور چھوٹا چاند دیموس (Deimos) کے مقابلے میں مریخ سے زیادہ نزدیک ہے۔ دونوں چاند 1877 عیسوی میں امریکی فلکیات دان آساف ھال (Asaph Hall) نے دریافت کیے.
فوبوس چھوٹا اور بے ڈھنگ شکل کا ہے۔ اس کا رداس صرف 7 میل یعنی 11 کلومیٹر ہے اور یہ مریخ کے چاند دیموس سے سات گنا بڑا ہے۔ فوبوس کا نام یونانی خدا فوبوس کے نام پر رکھا گیا ہے۔ یونانی اساطیر میں اسے ایریز یا آرس (Ares) یعنی ( مریخ) اور ایفرودیت (Aphrodite) یعنی (زہرہ) کا بیٹا اور خوف کا پتلا کہا جاتا ہے.
سطح مریخ سے اس کا اوسط فاصلہ صرف 6000 کلومیٹر ہے۔ پورے نظام شمسی میں کوئی دوسرا ایسا چاند نہیں ہے جو اپنے سیارے سے اس قدر نزدیک ہو۔ یہ مریخ سے اتنا قریب ہے کہ اس کی مریخ کے گرد مداری گردش، مریخ کی محوری گردش سے زیادہ تیز ہے۔ یہ مریخ کے گرد ایک چکر 7 گھنٹے اور 39 منٹ میں طے کرتا ہے۔ جس کے نتیجہ میں یہ مریخ کی سطح سے ہر مریخی دن میں دو مرتبہ مغرب سے طلوع اور مشرق میں غروب ہوتا نظر آتا ہے۔ اس کے طلوع اور غروب کے درمیان کا دورانیہ 4 گھنٹے اور 15 منٹ یا اس سے بھی کم ہوتا ہے۔
فوبوس نظام شمسی میں سب سے کم چمکدار اجسام میں سے ایک ہے۔ اس کی چمک کی شدت جسے البیدو (albedo) کہتے ہیں 0.071 ہے۔ اس کی روشن سطح پر سطحی درجہ حرارت − °4C- ہے اور اس کی غیر روشن سطح کا درجہ حرات °112C- ہے۔ فلکیات دانوں کا خیال ہے کہ فوبوس محض چٹانوں کا ملبہ ہے جس پر دھول کی پتلی سی تہ جمی ہوئی ہے۔
یہ مریخی چاند بہت آہستہ آہستہ مریخ کے نزدیک ہوتا جا رہا ہے۔ تقریباً سو سالوں میں مریخ سے اس کا فاصلہ لگ بھگ دو میٹر کم ہو جاتا ہے۔ اندازہ ہے کہ 3 سے 5 کروڑ سالوں میں یہ یا تو مریخ سے ٹکرا جائے گا یا پھر بکھر کر ویسا ہی ایک حلقہ بن جائے گا جیسا کہ سیارہ زحل کے گرد ہے۔ اگر مریخ کی سطح پر کھڑے ہو کر دیکھا جائے تو یہ چاند مشرق کی بجائے مغرب سے طلوع ہوتا ہے اور روزانہ دو دفعہ طلوع اور دو دفعہ غروب ہوتا ہے۔ فوبوس کے برعکس ہماری زمین کا چاند بہت آہستہ آہستہ زمین سے دور ہوتا جا رہا ہے۔ 100 سالوں میں ہماری زمین کا چاند سے فاصلہ لگ بھگ 4 میٹر بڑھ جاتا ہے۔
 فوبوس کا سہی رنگ تصویر مریخ ریکونیزنس آربٹر سے۔ آگے میں سٹکنی (کریٹر) ہے۔ (23 مارچ 2008) | |
| دریافت | |
|---|---|
| دریافت از | آساف ھال |
| تاریخ دریافت | 17 اگست 1877 |
| تعین کاری | |
متبادل نام | مریخ I |
| صفات | فوبی |
| محوری خصوصیات | |
| مفروضہ وقت J2000 | |
| Periapsis | 9234.42 کلومیٹر |
| Apoapsis | 9517.58 کلومیٹر |
Semi-major axis | 9376 کلومیٹر (2.76 Mars radii) |
| انحراف | 0.0151 |
| 0.31891023 d (7 h 39.2 min) | |
اوسط گردشی رفتار | 2.138 km/s |
| میلانیت | 1.093° (to Mars's equator) 0.046° (to local Laplace plane) 26.04° (to the دائرۃ البروج) |
| قدرتی سیارچہ | مریخ |
| طبیعی خصوصیات | |
| طول و عرض | 27 × 22 × 18 km |
اوسط رداس | 11.2667 کلومیٹر (1.76941 mEarths) |
سطحی رقبہ | 1548.3 km2 (3.03545 µEarths) |
| حجم | 5783.61 km3 (5.33933 nEarths) |
| کمیت | 1.0659×1016 کلوg (1.78477 nEarths) |
اوسط کثافت | 1.876 g/cm3 |
سطحی کششِ ثقل | 0.0057 m/s2 (581.4 µ g) |
| 11.39 m/s (41 km/h) | |
محوری گردش | Synchronous |
استوائی گردشی_رفتار | 11.0 کلومیٹر/گھنٹہ (6.8 میل فی گھنٹہ) (at longest axis) |
Axial tilt | 0° |
| Albedo | 0.071±0.012 |
| درجہ حرارت | ≈ 233 K |
مزید دیکھیے
حوالہ جات
| ویکی ذخائر پر فوبوس سے متعلق سمعی و بصری مواد ملاحظہ کریں۔ |
This article uses material from the Wikipedia اردو article فوبوس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.