మానవులు త్రాగుటకు అర్హమైన స్వచ్ఛమైన నీరును తాగునీరు లేక మంచినీరు అంటారు.
ఈ వ్యాసాన్ని ఏ మూలాల నుండి సేకరించిన సమాచారాన్ని ఆధారంగా చేసుకొని వ్రాసారో తెలపలేదు. (10 సెప్టెంబరు 2020) సరయిన మూలాలను చేర్చి వ్యాసాన్ని మెరుగు పరచండి. ఈ విషయమై చర్చించేందుకు చర్చా పేజీని చూడండి. |
మానవునితో పాటు అనేక జీవులకు జీవించడానికి అత్యంత అవసరమైన పదార్థం నీరు, మానవుడు తన ఆరోగ్య సంరక్షణ కొరకు సురక్షితమైన మంచినీటిని వినియోగిస్తాడు. బాగా అభివృద్ధి చెందిన దేశాలలో గృహాలకు, వాణిజ్య, పరిశ్రమలకు తాగునీటి ప్రమాణాలు కలిగిన నీరు సరఫరా జరుగుతుంది, అయితే వాస్తవంగా వినియోగానికి లేదా ఆహార తయారీకి అవసరమయినంత నీరు అందటం లేదు. సాధారణంగా మంచినీటిని తాగటానికే కాక ఇంటిని, వంటిని కడగటానికి, బట్టలు ఉతకటానికి, వ్యవసాయ సాగుకు ఉపయోగిస్తారు. ప్రపంచంలోని పెద్ద ప్రాంతాలలో మానవుని అవసరానికి సరిపడినంత త్రాగు నీరు లభించటం లేదు, ఉన్న నీటి వనరులలో వ్యాధి గ్రాహకాలు, వ్యాధి కారకాలు ఉండి కలుషితమయి ఉన్నాయి. అనేక దేశాలలో దుర్భరమైన జీవితాన్ని గడుపుతున్న మానవులు సురక్షితమైన మంచినీటిని త్రాగేందుకు, ఆహార తయారీలో ఉపయోగించకపోవటం వలన దీర్ఘకాలిక రోగాలతో పాటు మరణానికి గురౌతున్నారు. అనేక దీర్ఘకాలిక రోగాలకు ప్రధాన కారణం స్వచ్ఛమైన మంచినీటిని ఉపయోగించకపోవటమే. నీటి ద్వారా వచ్చే వ్యాధులను అరికట్టడం అభివృద్ధి చెందిన దేశాల యొక్క ఒక ప్రధాన లక్ష్యం.
మానవ శరీరంలో సుమారు 70% నీటితో ఇమిడి ఉంది. ఇది జీవప్రక్రియలలో కీలకమైన భాగం. అనేక శారీరక ద్రావణాలకు ద్రావకంగా పనిచేస్తుంది.
స్వచ్ఛమైన నీరు త్రాగుటకు అవసరం. మనకు అందుబాటులో వున్న నీరు వివిధ రకాలుగా కలుషితమైనది. దీనిని త్రాగుటకు యోగ్యమైనదిగా చేయటానికి చాలా రకాల పద్ధతులున్నాయి.
గ్రామాలలో రక్షిత మంచినీటి కేంద్రం ద్వారా త్రాగు నీటిని తక్కువ ఖర్చుతో ప్రజలకు అందచేస్తున్నారు.
స్వచ్ఛమైన త్రాగు నీరు ఎలా ఉండాలంటే?:
ముంబయిలో ఎవరైనా తాగునీటిని వృథా చేస్తే జైలు శిక్ష అనుభవించడం లేదా జరిమానా చెల్లించాల్సి వస్తుంది. ఎవరైనా ఉద్దేశపూర్వకంగా నీటిని వృథా చేయడాన్ని క్రిమినల్ నేరంగా పరిగణిస్తారు. ఉద్యాన వనాల్లో మొక్కలకు నీరు పట్టడం, భవన నిర్మాణాల ప్రయోజనం నిమిత్తం, కార్లను శుభ్రం చేసేందుకు కొళాయి నీటిని ఉపయోగిస్తే వృథాగా పరిగణించనున్నారు. తాగునీరు అరుదైన వస్తువుగా మారింది. నగరానికి సరఫరా అవుతున్న నీటిలో 30 శాతం చౌర్యానికి గురవుతున్నది. తాగునీటిని నిత్యావసర వస్తువుల చట్టం కిందకు తీసుకురావాలని డిమాండ్ ఉంది.
This article uses material from the Wikipedia తెలుగు article తాగునీరు, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.