நருடோ

இது நருடோ உஜுமகி என்பவனின் கதையைச் சொல்கிறது. இவன், தனது கிராமத்தில் தலைவராகவும், அனைவரிலும் மேலான வலிமை கொண்டவராகவும் அனைவரும் ஏற்றுக்கொண்ட நிஞ்ஜாவான ஹொக்கேஜ் போல விளங்க ஆசையுற்று அதற்கான முயற்சியில் ஈடுபடும் ஒரு ஒரு இளம் நிஞ்ஜா. இது கிஷிமோடோ எழுதி 1997ஆம் வருடம் அகமாரு ஜம்ப் இதழில் வெளியான ஒரு ஓரங்க சித்திரக்கதையை அடிப்படையாகக் கொண்ட தொடர். 1999ஆம் வருடம் ஜப்பானின் வீக்லி ஷோனென் ஜம்ப் பத்திரிகையின் 43வது இதழில் மேங்காவை ஷுயெஷாவால் முதன் முதலாக வெளியிடப்பட்டது. இது வரை 47 டங்கோபோன் தொகுப்புக்கள் வெளியான பிறகும் தற்சமயம் வரை மேங்கா தொடராக வெளி வந்து கொண்டிருக்கிறது. பின்னாளில், மேங்கா ஒரு அசைவூட்டுப் (anime) மாற்றப்பட்டு ஸ்டுடியோ பையிரெட் மற்றும் அனிப்ளெக்ஸ் ஆகியவற்றால தயாரிக்கப்பட்டது. முதலில் இது ஜப்பான் முழுவதும் நிலம் சார்ந்த தொலைக்காட்சியான ஜப்பான் டிவி டோக்கியா வலையமைப்பில் ஒளிபரப்பானது; பிறகு அசைவூட்டப படக்காட்சிக்கான செயற்கைக் கோள் தொலைக்காட்சியான அனிமேக்ஸ் நெட்வொர்க்கிலும் 2002வது வருடம் அக்டோபர் மாதம் மூன்றாம் தேதி ஒளிபரப்பப்பட்டது. முதலில் ஒளிபரப்பான தொடர் 220 நிகழ்வுகளை (எபிசோடுகள்) கொண்டிருந்தது. இதன் அடுத்த பாகமான நருடோ ஷிப்புடென் 2007ஆம் வருடம் பிஃப்ரவரி மாதம் 15ஆம் தேதி முதல் இன்று வரை ஒளிபரப்பாகிக் கொண்டிருக்கிறது. இந்த அசைவூட்டத் தொடர்கள் மட்டும் அல்லாமல் பையிரட் ஸ்டுடியோ ஆறு திரைப்படத் தொடர்களையும், பல ஒரிஜினல் விடியோ அனிமேஷன் (ஓவிஏக்கள்)களையும் உருவாக்கியுள்ளது. இதன் மற்ற வர்த்த வெளியீடுகளாவன: பல நிறுவனங்கள் தயாரித்துள்ள லைட் நாவல்கள், ஒளிக்காட்சி (விடியோ) விளையாட்டுக்கள் மற்றும் வர்த்தக அட்டைகள் (டிரேடிங் கார்டுகள்.

நருடோ
NARUTO - ナルト -
Genre	Action, Adventure, Fantasy
மங்கா
Naruto (pilot chapter)
Author	Masashi Kishimoto
Publisher	Shueisha
English publisher	விஸ் மீடியா
Demographic	Shōnen
Magazine	Akamaru Jump Shonen Jump
Published	1997
மங்கா
Author	மஷாஷி கிஷிமொடொ
Publisher	Shueisha
English publisher	Madman Entertainment Viz Media
Demographic	Shōnen
Magazine	Weekly Shōnen Jump Shonen Jump பன்சாய்! Weekly Comic AniWay Shonen Jump Comic Champ Shonen Jump
Original run	November 1999 – ongoing
Volumes	47 (List of volumes)
TV anime
Director	ஹயடொ டெட்
Studio	ஸ்டுடியொ பெய்ரொட்
Licensor	அனிபிலக்ஸ் Madman Entertainment Viz Media Manga Entertainment
Network	அனிமெக்ஸ், டொக்கியொ டி.வி
English network	Network Ten, Cartoon Network YTV Cartoon Network Jetix கார்ட்டூன் நெட்வொர்க்
Original run	3 October 2002 – 8 February 2007
Episodes	220 (List of episodes)
மங்கா
Naruto: Innocent Heart, Demonic Blood
Author	Masatoshi Kusakabe
Publisher	Shueisha
English publisher	Viz Media
Published	2002
Original video animation
Naruto: Find the Four-Leaf Red Clover!
Studio	ஸ்டுடியொ பெய்ரொட்
Licensor	Madman Entertainment
Released	2003
Runtime	17 minutes
Episodes	1
Original video animation
Naruto: Mission: Protect the Waterfall Village!
Studio	ஸ்டுடியொ பெய்ரொட்
Licensor	Viz Media
Released	2004
Runtime	40 minutes
Episodes	1
Original video animation
Naruto: Hidden Leaf Village Grand Sports Festival
Director	Hayato Date
Studio	ஸ்டுடியொ பெய்ரொட்
Licensor	Viz Media
Released	21 August 2004
Runtime	11 minutes
Episodes	1
Original video animation
Naruto: Finally a clash! Jonin VS Genin!! Indiscriminate grand melee tournament meeting!!
Director	Hayato Date
Studio	ஸ்டுடியொ பெய்ரொட்
Released	22 December 2005
Runtime	26 minutes
Episodes	1
TV anime
Naruto: Shippuden
Director	Hayato Date
Studio	ஸ்டுடியொ பெய்ரொட்
Licensor	Aniplex Viz Media
Network	Animax, TV Tokyo
English network	Disney XD
Original run	15 February 2007 – ongoing
Episodes	225
Related works
Naruto the Movie: Ninja Clash in the Land of Snow Naruto the Movie 2: Legend of the Stone of Gelel Naruto the Movie 3: Guardians of the Crescent Moon Kingdom Naruto: Shippūden the Movie Naruto Shippūden 2: Bonds Naruto Shippūden 3: Inheritors of the Will of Fire List of Naruto video games

மேங்கா மற்றும் அசைவூட்டம் ஆகிய இரண்டையும் வட அமெரிக்கத் தயாரிப்புக்காக விஜ் மீடியா உரிமம் வழங்கியுள்ளது. விஜ், தனது ஷோனென் ஜம்ப் பத்திரிகையிலும், தனிப்பட்ட புத்தகங்களாகவும், இந்தத் தொடரை வெளியிட்டு வருகிறது. 2005வது வருடம் அசைவூட்டத் தொடர் அமெரிக்க ஐக்கிய நாடு மற்றும் , கானடாவிலும் ஒளிரப்பாகத் துவங்கியது. பிறகு, ஐக்கிய இராச்சியம் மற்றும் ஆஸ்திரேலியாவிலும், முறையே 2006 மற்றும் 2007ம் வருடங்களில் துவங்கியது. இந்தத் தொடரிலிருந்து வெளியான திரைப்படங்கள் மற்றும் ஒவிஏக்களும் விஜ்ஜால் வெளியிடப்பட்டுள்ளன. இதில் முதலாவது திரையரங்குகளில் வெளியானது. 2009வது வருடம் செப்டம்பர் மாதம் 29ம் தேதி வட அமெரிக்காவில் நருடோ ஷிப்புடெனின் முதல் டிவிடி வால்யூம் வெளியானது. அதே வருடம் அக்டோபர் மாதம் முதல் டிஸ்னி எக்ஸ்டியில் ஒலிபரப்பாகத் துவங்கியது.

மேங்கா அதன் 44 தொகுப்பு வரையிலும், 89 மில்லியன் பிரதிகள் ஜப்பானில் விற்பனையாகியிருக்கிறது. விஜ்ஜினுடைய ஷொனென் ஜம்ப் பத்திரிகையில் தொடராக வெளிவரும் நருடோ அந்த நிறுவனத்தின் மிக அதிகமாக விற்பனையாகும் மேங்கா தொடரில் ஒன்றாக உள்ளது. இதன் ஆங்கில மொழியாக்கம் முதலில் யூஎஸ்ஏ டுடே யிலும் பிறகு புக் லிஸ்டில் பல முறையும் தோன்றியுள்ளது. இதன் 11வது தொகுப்பு 2006ம் வருடத்திய க்வில் விருது வென்றது. இந்தத் தொடரில் சாகசம் மற்றும் நகைச்சுவைக் காட்சிகளுக்கிடையே மிகவும் சிறப்பாகக் கடைப்பிடிக்கப்படும் சமன்பாடு, மற்றும் கதாபாத்திரங்களின் குண அமைப்பு ஆகியவற்றை விமர்சகர்கள் வெகுவாகப் புக்ழ்ந்திருக்கிறார்கள். இருப்பினும் வழக்கமான ஷோனென் கதை தனிமங்களையே இது பயன்படுத்துவதாக விமர்சனமும் செய்துள்ளனர்.

நருடோ உஜுமகி ஒரு இளைஞன். இவனுக்குள் ஒன்பது வால் கொண்ட வேதாள ஓநாய் அடக்கி வைக்கப்பட்டுள்ளது. தொடர் தொடங்குவதற்குப் 12 வருடங்களுக்கு முன்னால் இந்த ஒன்பது வால் கொண்ட வேதாள ஓநாய் கொனொஹாகுரே என்னும் நிஞ்ஜா கிராமத்தைத் தாக்கி பலரைக் கொன்றது. இதற்குப் பதிலாக கொனொஹாகுரே கிராமம் மற்றும் அதன் நிஞ்ஜா ராணுவத்தின் தலைவனுமான நாலாவது ஹொகேஜ் தனது உயிரைத் தியாகம் செய்து, நருடோ பிறந்த குழந்தையாக இருந்தபோது அவன் உடலுக்குள் அந்த வேதாளத்தைப் பூட்டி வைத்து விட்டார். ஆனால், கொனொஹாகுரேவோ, நருடோவே அந்த வேதாள ஓநாய் என்பது போலத் தவறாகக் கருதி அவனது குழந்தைப் பருவம் முழுதும் அவனைத் தவறாகவே நடத்தியது. நாலாம் ஹோக்கேஜ் இறந்த பிறகு அவருக்குப் பதிலாக வரும் மூன்றாம் ஹோக்கேஜ் இட்ட ஒரு கட்டளை, ஓநாயின் தாக்குதலை யாரும் எவரிடத்தும் கூறக் கூடாதென விதிக்கிறது. பல வருடங்களுக்குப்பிறகு, ஓடிப்போன ஒரு துரோகி நிஞ்ஜாவான முஜுகி என்பவன் தடைசெய்யப்பட்ட சுருள் ஒன்றை திருடுமாறு நருடோவைத் தந்திரத்தால் வளைக்கிறான். ஆனால், அவன் ஆசிரியர் இருகோ யுமினோ அதைத் தடுத்து விடுகிறார். முஜுகியிடமிருந்து நருடோவைக் காப்பாற்றும் முயற்சியில் இருகோ கிட்டத்தட்ட இறந்தே விடும்போது, சுருளில் இருக்கும் சக்தியை உபயோகித்து நருடோ மிஜூகியைத் தோற்கடிக்கிறான். இது சக்தி நிழல் உருவெடுக்கும் உத்தி யான அமானுஷ்ய ஜுட்ஸு சக்தி யாக உருவெடுக்கிறது. இதன் மூலம் அவன் தன்னிடமிருந்தே பல உருவங்களை உருவாக்குகிறான். இந்தச் சண்டையின்போதுதான் நருடோ தனக்குள் வேதாள் ஓநாய் இருப்பதை உணர்கிறான்.

இதில் பிரதானமான கதை நருடோ மற்றும் அவனது நண்பர்களின் வளர்ச்சியைப் பின் தொடர்கிறது. நருடோ சசுகே உசிஹா மற்றும் சகுரோ ஹருனோ என்னும் இருவரிடம் நட்பு கொள்கிறான். இவர்கள் ககாஷி ஹடாகே என்னும் பெயர் கொண்ட அனுபவம் வாய்ந்த சென்செய் தலைமையில் குழு ஏழு என்ற பெயரில் ஒரு மூவர் குழுவை அமைக்கிறார்கள். ஒவ்வொரு கிராமத்திலும் உள்ள நிஞ்ஜா குழுக்களைப் போலவே, குழு ஏழும் கிராமத்தார்கள் வேண்டிக் கொள்வதன் பேரில் மெய்க்காப்பாளர்களாக இருப்பதைப் போன்ற பல கோரிக்கைகளை நிறைவேற்றுவதில் ஈடுபடுகிறது. இவற்றில் ஒரு முக்கியப் பணியாற்றும்போது, இந்தத் தொடரில் தான் சந்திக்கும் பிற கதாபாத்திரங்களையும் நருடோ தனக்கு நண்பர்களாக்கிக் கொள்கிறான். அவர்கள் புதிய ஆற்றல்களைப் பெறுகிறார்கள். ஒருவரை ஒருவரும் மற்றும் கிராமத்தாரையும் நன்கு அறிந்து கொள்கிறார்கள். இந்த அனுபவங்களினால், கொனொஹாகுரே கிராமத்தில் ஹொக்கேஜ் ஆக வேண்டும் என்ற நருடோவின் கனவும் கனியும் காலம் நோக்கிப் பயணம் தொடர்கிறது. இதைப் போல பல சாகசங்களை ஆற்றிய பிறகு, குழு ஏழின் உறுப்பினர்களை ஒரு நிஞ்ஜா தேர்வில் கலந்து கொள்ள ககாஷி அனுமதி அளிக்கிறார். இதன் மூலம், அவர்கள் தங்கள் நிலையை உயர்த்திக் கொண்டு, மேலும் கடினமான சாகசங்களில் ஈடுபடலாம். இந்தத் தேர்வின்போது, கொனாஹாகுரேவில் மிகவும் தேடப்படும் தீயவனான ஒரொகிமரு கொனாஹோவைத் தாக்கி மூன்றாம் ஹோக்கேஜை கொன்று பழி தீர்த்துக் கொள்கிறான். இதன் காரணமாக மிகவும் புகழ் பெற்ற நிஞ்ஜாவான ஜிரையா தன் பங்காளியான சுனாடேவை ஐந்தாவது ஹொக்கேஜ் ஆவதற்காகத் தேடுகிறார். அவ்வாறு தேடும்போது, ஒரோகிமருவும் சசுகே உசிஹாவை, அவன் பரம்பரையான சக்திப் பாராம்பரியத்திற்காக அடைய விரும்புகிறான் என்று தெரிய வருகிறது. தன் இனம் முழுவதையுமே அழித்த தன் சகோதரன் இடாசி யை அழிக்க ஒரோகிமரு சக்தி அளிப்பான் என்று நம்பி, சசுகே அவனிடம் செல்கிறான். சசுகேவைக் கொனாஹாவுக்குத் திரும்பக் கொண்டு வருவதற்காக நருடோ உள்ளிட்ட ஒரு குழுவை சுனாடே அனுப்புகிறார். ஆனால், நருடோவால், அவனை வீழ்த்த முடிவதில்லை. நருடோ சசுகேவை விடுவதில்லை; அடுத்த முறை சசுகேவுடன் போரிடும்போது தேவையான சக்தி பெற தன்னைத் தயார் செய்து கொள்ளும் முயற்சியில், கொனாஹாவை விட்டு வெளியேறி ஜிரையாவிடம் இரண்டரை வருடங்கள் பயிற்சி பெறச் செல்கிறான்.

பயிற்சிக் காலத்திற்குப் பிறகு, அகாட்சுகி என்னும் ஒரு மர்மமான நிறுவனம் சக்தி வாய்ந்த, ஒன்பது வால் மிருகங்களைக் கைப்பற்ற முயல்கிறது; இவற்றுள் நருடோவிற்குள் அடைபட்டிருக்கும் ஒன்பது வால் கொண்ட வேதாள ஓநாயும் அடக்கம். கொனாஹாகாகுரேவிலிருந்து, குழு ஏழு உள்ளிட்டு பல நிஞ்ஜாக்களும் அகாட்சுகியின் அங்கத்தினர்களை எதிர்த்துப் போராடி தங்கள் குழுவின் உறுப்பினனான சசுகேயையும் தேடுகிறார்கள். காரா என்னும் ஒரு வால் கொண்ட மிருகத்திடமிருந்து அவர்கள் தங்கள் புரவலரைக் காப்பாற்றியபோதும், அவற்றில் ஏழு மிருகங்களை அகாட்சுகி கைப்பற்றி விடுகிறான். இதனிடையில் சசுகே ஒரோகிமருவிற்கு துரோகமிழைத்துப் பழி வாங்க இடாசியை எதிர் கொள்கிறான். இந்தப் போரில் இடாசி இறந்து விட்டாலும், கொனாஹாகாகுரேவின் தலைமையால் அவன் இனம் முழுவதையும் அழிக்கும்படி இடாசி ஆணையிடப்பட்டதாகப் பிற்பாடு அகாட்சுகியின் நிறுவனர் மதரா உசிஹா சசுகேவிடம் கூறுகிறார். இதைக் கேட்டு மிகவும் வருத்தமடையும் சசுகே கொனாஹாகாகுரேவை அழிக்க அகாட்சுகியுடன் இணைந்து கொள்கிறான். இதனிடையே, பல அகாட்சுகி அங்கத்தினர்கள் கொனாஹாகாகுரே நிஞ்ஜாக்களால் தோற்கடிக்கப்படவே, அதன் தலைவனான பெயின் நருடோவைக் கைப்பற்ற கிராமத்திற்குப் படையெடுக்கிறான். இருப்பினும் நருடோ பெயினின் அனைத்து உருவங்களையும் தோற்கடிக்கிறான்; நிஜமான பெயினிடம் போய்விடுமாறு கூறி அவனைச் சம்மதிக்க வைக்கிறான். கொனாஹாகாகுரே மீண்டும் அமைக்கப்படுகிறது. கிராமத்தார்களை பெயினிடமிருந்து காப்பதற்காக தன் சக்தி அனைத்தையும் செலவழித்து விட்டதால், சுனுடே மீளா உறக்கத்தில் ஆழ்ந்து விடவே அந்த கிராமத்தின் ஹொக்கேஜ் பதவியிலிருந்து விலக்கப்படுகிறாள். இதனால், முதியவரான டான்சோ விரைந்து அந்தப் பதவியைக் கைப்பற்றுகிறார்.

மசாஷி கிஷிமோடோ முதலில் நருடோ வைஅகமாரு ஜம்ப் 1997ஆம் ஆண்டு ஆகஸ்ட் மாத ஒரிதழுக்காக உருவாக்கினார். அதற்கு மிக நேர்மறையான விளைவுகளும், வாசகர்களின் ஆதரவான ஓட்டெடுப்பும் இருந்தபோதிலு, கிஷிமோடோ, "(அந்த) ஓவியம் மோசமாக இருக்கிறது; கதை கந்தல்!" என்றுதான் நினைத்தார். முதலில் ஹாப் ஸ்டெப் விருது க்காக கிஷிமோடோ கராகுரி யைத்தான் தயார் செய்து கொண்டிருந்தார். அதன் ஆரம்ப வரைவுகளில் திருப்தி அடையாத அவர் வித்தியாசமாக ஏதாவது செய்து பார்க்க விரும்பி, பிறகு மேங்கா தொடராக நருடோ வை உருவாக்கினார். சக்கரங்கள் மற்றும் கைக்குறிகள் ஆகியவற்றை பயன்படுத்துவது நருடோ வுக்கு மிகவும் ஜப்பானிய சாயல் அளித்து விடும் என்று கிஷிமோடோ கருத்து தெரிவித்துள்ளார். இருப்பினும், அது நன்கு அனுபவிக்கும் வகையில் படிக்கத் தகுந்ததாக இருக்கும் என்றும் நம்பிக்கை தெரிவித்தார்.

முதலில் நருடோ வை உருவாக்கும்போது மற்ற ஷோனென் மேங்காக்களையும் அவற்றின் செல்வாக்கு சிறிது தமது படிமத்தில் பெறுவதற்காக பார்த்தார். ஆயினும், அவர் தனது கதாபாத்திரங்களை முடிந்தவரை தனித்துவம் கொண்டவைகளாகவே வடிக்க முயன்றார். கதாபாத்திரங்களை வெவ்வேறு குழுக்களாக அவர் பிரித்தது, அவை ஒவ்வொன்றுக்கும் குறிப்பிட்ட ஒரு சுவையூட்டுவதற்காகத்தான். கிஷிமோடோ குழுவின் ஒவ்வொரு உறுப்பினரும் "தீவிரமாக" ஒரு குறிப்பிட்ட குண நலனில் மிக அதிகமான ஆர்வமும், இருப்பினும் மற்றொன்றில் கொஞ்சம் கூடத் திறமையின்றியும் இருப்பது போல அமைக்க விரும்பினார். கதையில் வில்லன்களைப் புகுத்தியது, கதாபாத்திரங்களின் ஒழுக்க மதிப்புகளுக்கு மாற்றான ஒன்றாக இருக்க வேண்டும் என்பதற்காகத்தான். இவ்வாறு மதிப்பீடுகளில் இருக்கும் வேற்றுமையே கதையின் வில்லன்கள் உருவாக்கப்பட்டதற்கு பிரதான காரணம் என்று கிஷிமோடோ ஒப்புக் கொள்கிறார். "போராட்டத்தின் போது நான் அவர்களைப் பற்றி நினைப்பதே இல்லை" என்று கிஷிமோடோ கூறும் அளவு இந்த வேறுபாடு உள்ளது. ஒரு கதாபாத்திரத்தை படமாக வடிக்கும்போது, கிஷிமோடோ மிகக் கச்சிதமாக ஐந்து அம்சம் கொண்ட ஒரு செயற்பாட்டைப் பின்பற்றுகிறார்: கருத்து, ஆரம்பக் கோட்டு வரைவுகள், பட வரைவுகள், மசியிடுவது, ஒளி பேதம் காட்டுவது, நிறம் அளிப்பது. அவர் பொதுவாக டாங்கோபான் அட்டையையும். வீக்லி ஷோனென் ஜம்ப் அட்டையையும் மற்றும் இதர ஊடகங்களையும் அலங்கரிக்கும் அசலான மேங்கா படங்களை வரையும்போதும் இந்த வழிமுறைகளைத்தான் கடைப்பிடிக்கிறார். ஆனால் இதற்காக அவர் பயன்படுத்தும் கருவிப் பெட்டி அவ்வப்போது மாறுகிறது. உதாரணமாக, வீக்லி ஷோனென் ஜம்ப் அட்டைப் படத்திற்கு ஒரு படம் வரைவதற்காக ஒரு காற்றுத் தூரிகை பயன்படுத்தினார்.. ஆனால், அதை மிகுந்த அளவில் சுத்தம் செய்யத் தேவைப்பட்டதால், பிறகு அதை உபயோகிக்க வேண்டாம் என்று முடிவு செய்து விட்டார். 28வது வால்யூமுடன் தொடங்கும் மேங்காவின் பாகம் IIவிற்காக, "மிக அதிக அளவில் உருக்குலைப்பை" கடைப்பிடித்து "உதாரணமான மேங்கோ பாணியை மிகைப்படுத்தி விடக் கூடாது" என்று தான் முயன்றதாக கிஷிமோடோ குறிப்பிட்டார். மேலும், வாசகர்கள் தங்கு தடையின்றிப் படிப்பதற்கு வசதியாக புத்தக அமைப்புகளை அவர் அமைத்தார். தான் வரையும் முறைமை, "பழமையான மேங்கோ பாணியிலிருந்து" வேறுபட்டு "மேலும் இயற்கையாக" மாறியதாக கிஷிமோடோ கூறினார்.

நருடோ ஒரு "ஜப்பானிய மாய உலகில்" நடைபெறுவதால், கதையை "எளிதில் எடுத்துச் செல்வதற்கு" அதற்கென்று ஒரு முறைப்படுத்தப்பட்ட வகையில் சில விதிகளை தான் வைத்ததாக கிஷிமோடோ கூறினார். ஜப்பானில் மிகுந்த காலமாக அறிமுகம் பெற்றிருந்த சீன ராசிச் சக்கரக் குறியீடுகள் பாணியில் வரைவதற்கு கிஷிமோடோ விரும்பினார்; ராசிச் சக்கர கைக்குறிகள் இதிலிருந்து வந்தவைதாம். நருடோ வுக்கான பின்புலத்தை அமைக்கும்போது, கிஷிமோடோ தொடக்கத்தில் தொடரின் முதன்மையான வடிவமைப்பான, கொனொஹாகாகுரே கிராமத்திற்கான வடிவமைப்பில் கவனம் செலுத்தினார் இந்த கொனொஹாகாகுரேவுக்கான வடிவமைப்பை "மிகவும் தன்னிச்சையாக, அதிகம் யோசிக்காமல்" வடித்ததாக கிஷிமோடோ அடித்துக் கூறுகிறார்; ஆனால், இயற்கைக் காட்சிகள் ஜப்பான் ஒகயமா ப்ரிஃபெக்சர் பகுதியில் உள்ள தன் வீட்டின் அடிப்படையிலேயே உருவாக்கியதாக ஒப்புக் கொள்கிறார். கிஷிமோடோ ஒரு குறிப்பிட்ட காலகட்டத்திற்குட்பட்டு இதை வரையறுக்காது நவீன தனிமங்களையும் இந்தத் தொடரில் புகுத்தினார், உதாரணமாக பெரும் அங்காடிகள். ஆனால், குண்டு வீசும் ஆயுதங்களையும் வாகனங்களையும் கதையிலிருந்து ஒதுக்கி வைத்து விட்டார். இதற்காக மேற்கோள் நூல்களுக்கு, ஜப்பானிய கலாசாரம் மற்றும் அவற்றின் உட்பொருள் ஆகியவற்றில் கிஷிமோடோ தாமே ஆராய்ச்சி மேற்கொள்கிறார். தொழில் நுட்பத்தைப் பொறுத்த வரையில் நருடோ வில் சுடுகலன்கள் ஏதும் இருக்காது என்று கிஷிமோடோ கூறினார். தானியங்கி வாகனங்கள், விமான ஊர்திகள் மற்றும் "குறைந்த வேகத்தில் செயல்படும்" , அதாவது எட்டு-பிட் கொண்ட, ஆனால் "நிச்சயமாக 16-பிட்" அல்லாத கணினிகளைத் தாம் பயன்படுத்தலாம் என்று அவர் கூறினார். மேலும், இந்தத் தொடரின் கடைசி அத்தியாயத்தின் வரைவுப் படம் மற்றும் உரை தமது மனக் கண்ணில் ஒரு காட்சியாக இருப்பதாகவும் கூறியுள்ளார். இருப்பினும், இந்தத் தொடரை முடிப்பதற்கு நீண்ட காலமாகலாம் என்றும் அவர் கூறுகிறா, காரணம், "இன்னும் தீர்க்கப்பட வேண்டிய பல விஷயங்கள் இதில் உள்ளன."

நருடோவின் பாகம் I அளிக்கும் பிரதான கருத்து என்னவென்று அவரிடம் வினவியபோது, நருடோ அதில் மேம்படும் நிலையைச் சுட்டிக் காட்டி, மக்கள் ஒருவரை ஒருவர் எவ்வாறு ஏற்றுக் கொள்கிறார்கள் என்பதுதான் மையக் கருத்து என்று கூறினார். முதலாம் பாகத்தில், காதலில் மிகுந்த கவனம் செலுத்த முடியாததால், இரண்டாம் பாகத்தில், மிகுந்த கடினமாக இருப்பினும், இந்தக் கருத்தை வலியுறுத்த நேர்ந்தது.

மேங்கா

ஷுயெஷாவின் வீக்லி ஷொனென் ஜம்ப் பத்திரிகையில் 1999வது வருடம் நருடோ முதன் முதலாக வெளியானது. இதன் முதல் 238 அத்தியாயங்கள் பாகம் I என்று அறியப்படுகின்றன. இவை நருடோ கதையின் முதற்பகுதியாக அமைந்துள்ளன. மேங்காவின் அத்தியாயங்கள் 239 தொடங்கி 244 வரை கெய்டன் தொடரை உள்ளடக்கியுள்ளன. இதில் ககாஷி ஹடாகேயின் கதாபாத்திரத்தில் கவனம் செலுத்தப்படுகிறது. இதையடுத்து வரும் அத்தியாயங்கள் அனைத்தும் பாகம் II பகுதியைச் சேர்ந்துள்ளன. இது, முதலாம் பாகத்தில் இருந்த கதையை இரண்டரை வருட கால இடைவெளிக்குப் பிறகு தொடர்ந்து கொண்டு செல்கிறது. வட அமெரிக்கா வில் விஜ் மீடியா தங்களது மேங்கா திரட்டு பத்திரிகையான ஷொனென் ஜம்ப் பத்திரிகையில் 2003ஆம் ஆண்டு ஜனவரி இதழில் ஆங்கில வடிவில் அளிக்கப்பட்ட முதல் அத்தியாயத்துடன் நருடோ வைத் தொடராக்கினார்கள். ஆங்கிலம் மற்றும் ஜப்பானிய மொழிகளின் வெளியீடுகளுக்கான இடைவெளியைக் குறைப்பதற்காக, விஜ் "நருடோ நேஷன்" என்ற திட்டத்தைத் துவக்கியது. இதில் ஒரு மாதத்தில் மூன்று தொகுப்புக்கள் என்று 2007ஆம் வருடம் கடைசி நாலு மாதங்களும் வெளியிட்டது. இதற்கான முக்கிய காரணம், ஜப்பானிய பதிப்பு வெளியாகும் நேரத்தில் உள்ள இடைவெளியைக் குறைத்து அதனுடன் சேர்ந்து கொள்வதன் மூலம், தமது வாசகர்களும் ஜப்பானிய வாசகர்கள் பெறும் அனுபவத்தைப் போன்றே பெறலாம் என்பதுதான் என்று விஜ்ஜின் பொருள் மேலாளர் காமி ஆலென் கூறினார். 2009வது ஆண்டிற்கும் இதையொத்த ஒரு திட்டம் தீட்டப்பட்டது. இதில் இரண்டாம் பாகத்திலிருந்து பதினொரு தொகுப்புக்கள் பிஃப்ரவரி முதல் ஏப்ரல் வரை வெளியிடப்பட்டு, ஜப்பானிய தொடர் வெளியீட்டின் கால அளவை எட்டிப்பிடித்து விடலாம் என்று திட்டமிடப்பட்டது. ஜீலை மாதம் நாற்பத்தைந்தாவது தொகுப்பு வெளியாவதைத் தொடர்ந்து நருடோ காலாண்டு அடிப்படையில் வெளியாகும்.

As of ஆகத்து 2009^[update]47 டங்கோபோன் ஜப்பானில் உள்ள ஷெயிஷாவால் முதல் இருபத்தேழு டங்கோபோன் முதலாம் பாகம் எனவும் ஆகவும், மீதமுள்ள பத்தொன்பது இரண்டாம் பாகம் எனவும் வெளியாகி உள்ளன. முதல் டாங்கோபோன் 2000 ஆம் ஆண்டு மார்ச் மூன்றாம் நாள் வெளியானது.. மேலும், நருடோ திரைப்படங்களில் ஒன்றின் அடிப்படையில் "மேங்காவுக்கு எதிரான" பல டாங்கோபோன் ஷெயிஷாவால் வெளியிடப்பட்டுள்ளன. ஷெயிஷா காப்ஸ்யூல் என்னும் தங்களது வலைத்தளத்தில் ஜப்பானிய மொழியில் இந்தத் தொடரை அலைபேசியில் இறக்கிக் கொள்ளும் வசதியுடன் ஷெயிஷா வெளியிட்டுள்ளது. மேங்காவின் ஆங்கில வடிவத்தின் 45 தொகுப்புக்களை விஜ் வெளியிட்டுள்ளது. இதில் முதலாவது 2003ஆம் ஆண்டு ஆகஸ்ட் மாதம் 16ஆம் தேதி வெளியானது. மேலும், விஜ் மீடியா இருபத்தேழு தொகுப்புக்கள், இதில் இரண்டாம் பாகத்திற்கு முன்னால் உள்ள நருடோ வின் கதை முழுதுமாக இருக்குமாறு, 2007ஆம் ஆண்டு நவம்பர் மாதம் 13ஆம் நாள் ஒரு பெட்டியில் வைத்து வெளியிட்டுள்ளது.

அசைவூட்டத் தொடர்கள்

நருடோ

ஹயாடோ டேட் இயக்கி, ஸ்டுடியோ பையிரெட் மற்றும் டிவி டோக்கியோ தயாரிப்பில் உருவான நருடோ வின் அசைவூட்ட வடிவம், முதலில் 2002ஆம் ஆண்டு அக்டோபர் மூன்றாம் நாளன்று ஜப்பானின் டிவி டோக்கியோவில் வெளியாகி 220 நிகழ்வுகள் வரை தொடர்ந்து 2007ஆம் ஆண்டு பிஃப்ரவரி மாதம் எட்டாம் தேதி முடிவடைந்தது. இதன் முதல் 135 நிகழ்வுகள் மேங்காவின் முதல் 27 தொகுப்புக்களில் இருந்து தழுவப்பட்டது. மீதமுள்ள 80 நிகழ்வுகள் மூல மேங்காவில் இல்லாத புதிதாக எழுதப்பட்டவை.

இந்த தொடரின் நிகழ்வுகள் ஒளிப்பேழைகளாகவும் வெளியாகியுள்ளன. முதல் ஒளிப்பேழைத் தொடர் மட்டுமே விஹெச்எஸ் வடிவில் சேகரிக்கப்பட்டுள்ளது. மொத்தம் ஐந்து தொடர்கள் உள்ளன. இதில் ஒவ்வொரு தொகுப்பிலும் நான்கு நிகழ்வுகள் உள்ளன. 2009 வருடம் இந்தத் தொடர்கள் 3 டிவிடி பெட்டிகளிலும் தொடராக சேகரிக்கப்பட்டுள்ளன. இதில் புதியதாக வந்திருக்கும் ஒளிக்காட்சித் தொடர், நருடோ, தி பெஸ்ட் சீன் . இது அசைவூட்ட முறையில் வந்திருக்கும் முதல் 135 நிகழ்வுகளிலிருந்து சிறந்தனவற்றை தேர்ந்தெடுத்ததாகும்.

இந்த அசைவூட்டத் தொடரை ரீஜன் 1 என்பதில் ஒளி பரப்பவும், பகிர்மானம் கொள்ளவும் விஜ் உரிமம் வழங்கியுள்ளது. இந்த அசைவூட்டத்தின் ஆங்கில வடிவம் 2005ஆம் ஆண்டு செப்டம்பர் மாதம் தொடங்கி, 2009ஆம் ஆண்டு ஜனவரி 31ஆம் தேதி முடிவடைந்தது. இது மொத்தம் 209 நிகழ்வுகளைக் கொண்டிருந்தது. இந்த நிகழ்வுகள், கார்டூன் நெட்வொர்க் கின், டுனாமி, (அமெரிக்க ஐக்கிய நாடு), ஒய்டிவியின் பயோனிக்ஸ் (கனடா), மற்றும் ஜெடிக்ஸ் (ஐக்கிய இராச்சியம்) ஆகியவற்றின் நிகழ்ச்சிகளில் ஒளிபரப்பானது. ஒய்டிவி இன்னமும் புதிய நிகழ்வுகளை ஞாயிறு நள்ளிரவுகளில் முதல் ஒளிபரப்பாகவும், மற்றும் செவ்வாய்- வெள்ளிக் கிழமைகளில் மறு ஒளிபரப்பாகவும் அளிக்கிறது. 2006ஆம் ஆண்டு மார்ச் மாதம் 28ஆம் நாள் தொடங்கி, தொடரை ஒளிப்பேழைகளிலும் விஜ் வெளியிட்டது. ஒளிப்பேழைத் தொகுப்புக்கள் ஐந்து எபிசோடுகளைக் கொண்டிருப்பதால், இவற்றின் முதல் 26 தொகுப்புக்களில் நான்கு நிகழ்வுகள் உள்ளன. வெட்டாத வடிவங்கள் ஒளிப்பேழைப் பெட்டித் தொடர்களில் தொகுக்கப்பட்டுள்ளன. இதில் ஒவ்வொன்றிலும் 12-15 நிகழ்வுகள் உள்ளன. கதையின் போக்கில் சற்று மாறுபாடும் காணப்படுகிறது. அமெரிக்க ஒளிபரப்பில், சில சமயங்களில் மது, ஜப்பானிய கலாசாரம், மறைமுகமான பாலியல் குறியீடுகள் மற்றும் ரத்தம் மற்றும் மரணம் போன்றவை வெட்டுக்குள்ளாயின. ஆனால், ஒளிப்பேழைப் பதிப்புக்களில் இவை இடம் பெற்றுள்ளன.

மற்ற வலைப்பின்னல்கள் கார்ட்டூன் நெட்வொர்க் செய்த தொகுப்புக்களைத் தவிர, வேறு வகையிலும் கதையை வெட்டித் தொகுத்துள்ளன. உதாரணமாக, ரத்தம், மொழி, புகைபிடித்தல் போன்றவற்றை ஜெடிக்ஸ் நிர்தாட்சண்யமாக வெட்டி விட்டதைக் குறிப்பிடலாம். இத்தொடர்களுக்கான உரிமம், ஹுலு, ஜூஸ்ட் மற்றும் க்ரன்ச்சிரோல் ஆகிய வலைத்தளங்களுக்கும் வழங்கப்பட்டுள்ளது. இவை நேரடிக் கணினி முறைமையில் நிகழ்வுகளை அவற்றின் ஜப்பானிய ஒலித் தடங்கள் மற்றும் ஆங்கில துணைத் தலைப்புக்களுடன் வெளியிடுகின்றன.

நருடோ: ஷிப்புடென்

Naruto: Shippuden (ナルト 疾風伝, Naruto Shippūden^?, lit. "Naruto: Hurricane Chronicles")இது நருடோ மூல அசைவூட்டத்தின் தொடர்ச்சியாகும். இது நருடோ மேங்காவை அதன் 28ஆம் தொகுப்பு முதல் பின்தொடர்கிறது. நருடோ: ஷிப்புடென், தொலைக்காட்சிக்காகத் தழுவப்பட்டு ஜப்பானில் 2007ஆம் ஆண்டு பிஃப்ரவரி 15 அன்று முதலில் ஒளிபரப்பானது. இதனை ஹயாடே டேட் இயக்கத்தில் பையரெட்டா ஸ்டுடியோ உருவாக்கியது.. நருடோ ஷிப்புடென் தொடரை முதன்முதல் ஜப்பானுக்கு வெளியே ஒளிபரப்பிய தொலைக்காட்சி வலைப்பின்னல் ஏபிஎஸ்-சிபிஎன். இது நருடோ:ஷிப்புடென் தொடரின் முதல் 40 நிக்ழ்வுகளை 2008ஆம் ஆண்டு மார்ச் 19ஆம் தேதி வரை ஒளிபரப்பியது. 2009ஆம் ஆண்டு ஜனவரி எட்டு முதல் டிவி டோக்கியோ புதிய நிகழ்வுகளை இணைய தள தாரை வழியாக நேரடியாகவே மாதாந்திர வாடிக்கையாளர்களுக்காக ஒளிபரப்பத் துவங்கியது. இதில் ஒவ்வொரு நிகழ்வும், அதன் இணையான ஜப்பான் நிகழ்வு வெளியான ஒரு மணி நேரத்திற்குள்ளாகவே, ஆங்கிலத் துணைத் தலைப்புக்களுடன் கிடைக்கப் பெறுகிறது. இந்த தொடருக்கான அதிகார பூர்வமான வலைத்தளத்தில், ஆங்கில துணைத்தலைப்புக்களுடனான எபிசோடுகளை 2009ஆம் ஆண்டு ஜனவரி இரண்டாம் தேதி முதல் விஜ் வழங்கத் துவங்கியது. வலைத் தளமேற்றப்படும் நிகழ்வுகளில் பழையனவும் உண்டு; ஜப்பானிலிருந்து கிடைக்கப்பெறும் புதிய நிக்ழ்வுகளும் உண்டு. 2009ஆம் வருடம் அக்டோபர் மாதம் துவங்கி நருடோ: ஷிப்புடென் தொடரின் ஆங்கில மொழியாக்கம் ஒவ்வொரு வாரமும் டிஸ்னி எக்ஸ்டியில் ஒளிபரப்பாகத் துவங்கியது.

இந்த தொடர் ரீஜன் 2 ஒளிப்பேழையாக ஜப்பானில் வெளியாகிறது. இது ஒரு தகட்டில் நாலு அல்லது ஐந்து நிகழ்வுகளைக் கொண்டுள்ளது. இதில் கதையோட்டத்தைப் பொறுத்து தற்சமயம் நாலு ஒளிப்பேழைத் தொடர் வெளியீடுகள் உள்ளன. நருடோ ஷிப்புடென் ஒளிப்பேழையின் ஏழாவது தொகுப்பில் ஒரு சிறப்பு விடயமும் உள்ளது. இது தொடரின் ஹரிகேன்! என்றழைக்கப்படும் இரண்டாவது முடிவாகும். "கொனொஹா அகாடமி" வரலாறுகள் . வழக்கமான ஒளிப்பேழைத் தொடர்கள் தவிர, ககாஷி ஹடாகேயின் குழந்தைப் பருவத்தை ஒட்டித் தயாரிக்கப்பட்ட நிகழ்வுகள் 119-120 ஆகியவை Kakashi Chronicles: Boys' Life on the Battlefield (カカシ外伝～戦場のボーイズライフ～, Kakashi Gaiden ~Senjō no Bōizu Raifu~^?) என்று பெயரிடப்பட்ட ஒரு ஒளிப்பேழையாக வெளியிடப்படும். 2009ஆம் ஆண்டு செப்டம்பர் 29 அன்று தொடரின் முதல் வட அமெரிக்க ஒளிப்பேழை வெளியானது.

குறுந்தகடுகள்

நருடோ வுக்கான இசைப்பதிவுகள் டோஷியோ மசுடாவால் உருவாக்கப்பட்டு நடத்தப்பட்டன. முதலாவதாக வந்த நருடோ அசல் ஒலித்தடம் 2003ஆம் ஆண்டு ஏப்ரல் மாதம் மூன்றாம் நாள் வெளியானது. இது அசைவூட்டத்தின் முதற்பருவத்தில் வந்த 27 தடங்களைக் கொண்டிருந்தது. நருடோ அசல் ஒலித்தடம் II என்று அழைக்கப்பட்ட இரண்டாவது ஒலித்தடம் 2004ஆம் ஆண்டு மார்ச் மாதம் 18 அன்று வெளியானது. இதில் 19 தடங்கள் இருந்தன. நருடோ அசல் ஒலித்தடம் III என்று அழைக்கப்பட்ட மூன்றாவது ஒலித்தடம், 2005ஆம் ஆண்டு ஏப்ரல் மாதம் 27 அன்று வெளியானது. இதில் இருபத்தி மூன்று தடங்கள் இருந்தன.

தொடரின் ஆரம்ப மற்றும் முடிவுப் பகுதிகளின் மையக் கருத்துக்கள் அனைத்தையும் கொண்ட இரண்டு ஒலித்தடங்கள் "நருடோ: மிகவும் பிரபலத் தொகுப்புக்கள் " மற்றும், "நருடோ: மிகவும் பிரபலத் தொகுப்புக்கள் II " எனப் பெயரிடப்பட்டு, 2004ஆம் ஆண்டு நவம்பர் மாதம் 17 மற்றும் 2006ஆம் ஆண்டு ஆகஸ்ட் இரண்டு ஆகிய தினங்களில் வெளியானது. இத்தொடரில் உள்ள அனைத்து ஒலித்தடங்களிலிருந்தும் எட்டு தடங்கள் தேர்ந்தெடுக்கப்பட்டு, நருடோ இன் ராக் - தி வெரி பெஸ்ட் கலெக்ஷன் - இன்ஸ்ட்ருமெண்டல் வர்ஷன் - என்று பெயரிடப்பட்டு 2007ஆம் ஆண்டு டிசம்பர் மாதம் 19 அன்று வெளியானது. முதல் அசைவூட்டத் தொடரின் மூன்று திரைப்படங்களும் அவை ஒவ்வொன்றும் வெளியிடப்படுவதற்கு அருகாமையில் வெளியிடப்பட்ட ஒரு ஒலித்தடத்தைக் கொண்டுள்ளன. பல நாடகக் குறுந்தகடுகளும் வெளியிடப்பட்டுள்ளன. இதில், குரல் கொடுக்கும் நடிகர்கள், மூல நிகழ்வுகளை நடிக்கிறார்கள்.

நருடோ: ஷிப்புடென் னின் ஒலித்தடங்களை யசுஹாரு டகனாஷி தயாரித்துள்ளது. இதில் முதலாவதான, நருடோ ஷிப்புடென் அசல் ஒலித்தடம் 2007ஆம் ஆண்டு டிசம்பர் ஒன்பதாம் நாள் வெளியானது. நருடோ ஆல் ஸ்டார்ஸ் 2008ஆம் ஆண்டு ஜூலை மாதம் 23 அன்றுவெளியானது. இதில் பத்து மூல நருடோ பாடல்களை மீண்டும் இசையாக்கம் செய்து தொடரின் கதாபாத்திரங்கள் பாடியுள்ளனர். இதன் இணையான இரண்டு படங்களிலும் அவற்றிற்கான ஒலித்தடங்கள் இருந்தன. இதில் முதலாவாது 2007ஆம் ஆண்டு ஆகஸ்ட் முதல் தேதி மற்றும் இரண்டாவது 2008ஆம் ஆண்டு ஜூலை 30ஆம் நாள் அன்றும் வெளியாகின.

மூல ஒளிக்காட்சி அசைவூட்டங்கள்

நருடோ நான்கு மூல ஒளிக்காட்சி அசைவூட்டங்கள் கொண்டுள்ளது. முதல் இரண்டு, ஃபைண்ட் தி க்ரிம்ஸன் ஃபோர்-லீஃப் க்ளாவர்! மற்றும் மிஷன்:ப்ரொடெக்ட் தி வாடர்ஃபால் வில்லேஜ்! , முறையே ஷோனென் ஜம்ப் ஜம்ப் ஃபியஸ்டா 2003ஆம் ஆண்டும் மற்றும் ஜம்ப் ஃபியஸ்டா 2004ஆண்டும் ஒளிபரப்பாயின. பின்னர் இவை ஒளிப்பேழைகளாகவும் வெளியாயின. இரண்டாவதன் ஆங்கில வட்டாரவழக்கு ஒளிப்பேழையை 2007ஆம் ஆண்டு மே 22 அன்று விஜ் வெளியிட்டது. மூன்றாவது ஓவிஏ, ஃபைனலி எ க்ளேஷ்! ஜோனின் வர்சஸ் ஜோனின்!! இண்டிஸ்க்ரிமினேட் க்ராண்ட் மெலீ டூர்னமென்ட் மீட்டிங், நருடோ: அல்டிமேட் நிஞ்ஜா 3 விளையாடுத் தள ஒரு ஒளிக்காட்சி விளையாட்டு என்னும் ஒரு கூடுதல் தகட்டுடன் இணைந்து வெளியானது. நான்காவது, கொனாஹா ஆன்யுவல் ஸ்போர்ட்ஸ் ஃபெஸ்டிவல் முதல் நருடோ திரைப்படத்துடன் வெளியிடப்பட்ட ஒரு சிறு ஒளிக்காட்சியாகும். வட அமெரிக்காவில், முதல் படத்திலிருந்து பெறப்பட்ட "டீலக்ஸ் எடிஷன்" ஒளிப்பேழையில் இது சேர்க்கப்பட்டது.

திரைப்படங்கள்

இந்தத் தொடர் ஆறு திரைப்படங்களையும் உருவாக்கியுள்ளது; முதல் மூன்றும் முதல் அசைவூட்டத் தொடரிலிருந்தும், மீதமுள்ளவை நருடோ: ஷிப்புடென் னிலிருந்தும் உருவாயின. முதல் திரைப்படமான நிஞ்ஜா க்ளாஷ் இன் தி லேண்ட் ஆஃப் ஸ்நோ 2004ஆம் ஆண்டு ஆகஸ்ட் 21 அன்று ஜப்பானில் வெளியானது. இதில் புதிய இளவரசி ஃபுன் திரைப்படத்தின் உருவாக்கத்தின்போது அதன் நடிகர்களைக் காப்பாற்ற எப்படி குழு ஏழு பனி நிலத்திற்குச் செல்கிறது, எப்படி நருடோ அவளது விசிறியாகிறான் என்பதை விவரிக்கிறது. ஜப்பானில் வெளியான திரைப்படத்துடன் ஒரு இலவச இணைப்பாக, ஒரு சிறு மூல அசைவூட்ட ஒளிக்காட்சியான கொனாஹா ஆன்யுவல் ஸ்போர்ட்ஸ் ஃபெஸ்டிவல் சேர்க்கப்பட்டது. இது அமெரிக்க ஐக்கிய நாட்டில் 2007ஆம் ஆண்டு செப்டம்பர் ஆறாம் நாள் திரையிடப்பட்டது.

இதைத் தொடர்ந்து 2005ஆம் ஆண்டு ஆகஸ்ட் ஆறாம் நாள் ஜப்பான் திரையரங்குகளில் லெஜண்ட் ஆஃப் தி ஸ்டோன் ஆஃப் ஜெலல் வெளியானது. முதல் படம், நருடோ, ஷிகாமரு மற்றும் சகுரா ஆகிய மூவரும் தாங்கள் ஒரு பணியின் நிமித்தமாகச் செல்லும்போது சுங்காகுரே கிராமத்தினருக்கும், ஆயுதப் படையினருக்கும் இடையில் நடக்கும் போராட்டத்தில் ஈடுபடுவதைச் சித்தரிக்கிறது. இதற்கு முந்தைய படத்தைப் போலல்லாது, லெஜண்ட் ஆஃப் தி ஸ்டோன் ஆஃப் ஜெலல் அமெரிக்க ஐக்கிய நாட்டில் திரைப்படமாக வெளியாகாது, நேரடியான ஒரு ஒளிக்காட்சியாகவே வெளியானது. கார்ட்டூன் நெட்வொர்க்கில் இது 2008ஆம் ஆண்டு ஜுலை 26 அன்று ஒளிபரப்பானது. ஒளிப்பேழையாக 2008ஆம் ஆண்டு ஜுலை 29 அன்று வெளியிடப்பட்டது.

மூன்றாவது படமான கார்டியன்ஸ் ஆஃப் தி க்ரெசெண்ட் மூன் கிங்டம் 2006ஆம் ஆண்டு ஆகஸ்ட் ஐந்தாம் நாள் வெளியானது. இது சந்திர நிலத்தின் வருங்கால இளவரசன் ஹிகாரு ட்சுகியைக் காப்பதற்கு நருடோ, சகுரா லீ மற்றும் ககாஷி ஆகியோர் பணிக்கப்படுவதை சித்தரிக்கிறது. இந்தப் படத்தின் ஆங்கில மொழியாக்கம் கார்ட்டூன் நெட்வொர்க்கில் ஒளிபரப்பாகி, ஒளிப்பேழையாக 2008ஆம் ஆண்டு நவம்பர் மாதம் 11 அன்று வெளியானது. இந்த முதல் மூன்று படங்களையும் கொண்ட ஒரு ஜப்பானிய ஒளிப்பேழைப் பெட்டியை சோனி நிறுவனம் 2008ஆம் ஆண்டு ஜூலை மூன்றாம் தேதி வெளியிட்டது.

இந்தத் தொடரின் நாலாவது படம்Naruto: Shippūden the Movie 2007ஆம் ஆண்டு ஆகஸ்ட் நாலாம் தேதி வெளியானது. இது தன் மரணத்தைப் பற்றிய அகக்காட்சிகள் பெறத்துவங்கும் துறவி ஷியோனைக் காப்பதற்கு நருடோ பணிக்கப்படும் வரலாற்றைக் கூறுகிறது. ஐந்தாவது திரைப்படம்Naruto Shippūden 2: Bonds 2008ஆம் ஆண்டு ஆகஸ்ட் இரண்டாம் தேதி வெளியானது. இதில் வான நாட்டிலிருந்து ஒரு நிஞ்ஜா கொனாஹாவைத் தாக்குவதையும், அவர்களைத் தடுப்பதற்காக நருடோவும் சசுகேவும் - இதில் பின்னவர் இரண்டரை வருடம் முன்பே சென்று விட்டாலும் - எப்படி இணைகிறார்கள் என்பதும் விவரிக்கப்படுகிறது. அண்மையில் வெளிவந்த திரைப்படம்Naruto Shippūden 3: Inheritors of the Will of Fire, 2009ஆம் வருடம் ஆகஸ்ட் முதலாம் நாள் ஜப்பானில் வெளியானதாகும்.

இளஞர்களுக்கான புதினங்கள்

மசாடொஷி குசாகாபெ எழுதிய மூன்று நருடோ இளஞர்களுக்கான புதினங்கள் ஜப்பானில் ஷெயிஷாவால் வெளியிடப்பட்டுள்ளன. இவற்றில் முதல் இரண்டினை வட அமெரிக்காவில் விஜ் ஆங்கிலத்தில் வெளியிட்டுள்ளது. இதில் முதலாவதுNaruto: Innocent Heart, Demonic Blood (白の童子、血風の鬼人, Naruto: Innocent Heart, Demonic Blood^?), குழு ஏழு தாங்கள் ஒரு பணி நிமித்தமாகச் செல்லும்போது, கொலைகாரர்களான ஜபுஜா மற்றும் ஹாகு ஆகிய இருவரையும் எதிர்கொள்வதைச் சித்தரிக்கிறது. இது ஜப்பானில் 2002ஆம் ஆண்டு டிசம்பர் 16, அன்றும், வட அமெரிக்காவில் 2006ஆம் ஆண்டு நவம்பர் 21, அன்றும் வெளியானது. அசைவூட்டத்தின் இரண்டாவது அசல் ஒளிக்காட்சியை அடிப்படையாகக் கொண்ட இரண்டாவது புதினம்Naruto: Mission: Protect the Waterfall Village! (滝隠れの死闘　オレが英雄だってばよ！, Takigakure no Shitō Ore ga Eiyū dattebayo!^?, lit. The Waterfall Village's Fight to the Death I am the Hero!) 2003ஆம் ஆண்டு டிசம்பர் 15 அன்று ஜப்பானிலும், 2007ஆம் ஆண்டு அக்டோபர் 16 அன்று அமெரிக்க ஐக்கிய நாட்டிலும் பிரசுரமானது. கடைசியாக வந்துள்ள நாவல், முதல் நருடோ திரைப்படத்தின் தழுவலாகும். இது 2004ஆம் ஆண்டு ஆகஸ்ட் 23 அன்று பிரசுரமானது. இவை தவிர, டிரேசி வெஸ்ட் எழுதி, மேங்கா சித்திரங்கள் கொண்ட சேப்டர் புத்தகங்கள் என்னும் புதிய புதினங்களையும் விஜ் பிரசுரிக்கத் துவங்கியுள்ளது. இவை தொடர்களைப் போல் அல்லாமல், இப்புதினங்கள் ஏழு முதல் பத்து வயது வரை உள்ள குழந்தைகளை மனதில் கொண்டு உருவாக்கப்பட்டுள்ளன. முதல் இரண்டு நாவல்களும் 2008ஆம் ஆண்டு அக்டோபர் ஏழாம் தேதி வெளியாயின. இதுவரை ஏழு புதினங்கள் பிரசுரமாகியுள்ளன.

ஒளிக்காட்சி விளையாட்டுக்கள்.

நிண்டெண்டோ, சோனி மற்றும் மைக்ரோசாஃப்ட் போன்ற பல முனையங்களில் (கன்சோல்) நருடோ ஒளிக்காட்சி விளையாட்டுக்கள் தோன்றியுள்ளன. இவற்றில் பெரும்பான்மையானவை, சண்டை விளையாட்டு க்களே. இதில் விளையாடுபவர் நருடோ அசைவூட்டம் மற்றும் மேங்காவை நேரடி அடிப்படையாகக் கொண்டுள்ள குறிப்பிட்ட சில கதாபாத்திரங்களில் ஒன்றைக் கட்டுப்படுத்துகிறார். விளையாடுபவர் தமது விளையாட்டின் முறைமையைப் பொறுத்து, ஒரு பாத்திரத்தை, விளையாட்டின் செயற்கை அறிவு, (Artificial Intelligence), அல்லது மற்றொரு விளையாடுபவர் கட்டுப்படுத்தும் இன்னொரு பாத்திரத்திற்கு எதிராக வைக்கிறார். ஒவ்வொரு பாத்திரத்திற்கும் பிரத்தியேகமாக உள்ள- அவை நருடோ அசைவூட்டம் அல்லது மேங்காவில் பயன்படுத்திய - உத்திகளைப் பயன்படுத்தி செய்யும் அடிப்படைத் தாக்குதல்களினால் எதிராளியின் சக்தியைப் பூஜ்யமாக்குவதுதான் இந்த விளையாட்டின் குறிக்கோள். நருடோ வில் முதல் விளையாட்டு நருடோ:கொனாஹா நின்போச்சா என்பதாகும். இது 2003ஆம் ஆண்டு மார்ச் மாதம் 27 அன்று ஜப்பானில் வொண்டர்ஸ்வான் கலர் என்பதற்காக வெளியானது. பெரும்பான்மையான நருடோ ஒளிக்காட்சி விளையாட்டுக்கள் ஜப்பானில்தான் வெளியாகியுள்ளன. முதன் முறையாக ஜப்பானுக்கு வெளியில் வெளியான விளையாட்டுக்கள்: நருடோ கெகிடௌ நிஞ்ஜா டெய்சன் தொடர் மற்றும் நருடோ: சைக்யூ நிஞ்ஜா டெய்கெஷு தொடர் ஆகியவையாகும். இவை வட அமெரிக்காவில், நருடோ: க்ளாஷ் ஆஃப் நிஞ்ஜா மற்றும் நருடோ: நிஞ்ஜா கௌன்சில் போன்ற தலைப்புகளில் வெளியாகின.

வர்த்தக அட்டை விளையாட்டு

Naruto Collectible Card Game (ナルト- カードゲーム, lit. Naruto CardGame^?)என்பது நருடோ தொடர்களின் அடிப்படையில் உருவான அட்டைகள் சேகரிக்கும் விளையாட்டு. பண்டாய் என்பவரால் உருவாக்கப்பட்ட இந்த விளையாட்டு முதலில் ஜப்பானில் 2003ஆம் ஆண்டு பிஃப்ரவரி மாதம் அறிமுகமானது. 2006ஆம் ஆண்டு ஏப்ரல் மாதம் துவங்கி, இந்த விளையாட்டு வட அமெரிக்காவில் ஆங்கிலத்திலும் வெளியாகத் துவங்கியது.. இது இரண்டு பேர் விளையாடுவதற்கானது. விளையாடுபவர்கள் வடிவமைக்கப்பட்ட 15 அட்டைகளையும், ஒரு விளையாட்டுப் பாய், யாருடைய ஆட்டம் என்பதைக் குறிக்கும் ஒரு "ஆட்டக்குறியான்" மற்றும் முடிவுகளை எடுக்க சுண்டி விடப்படும் ஒரு "நிஞ்ஜா தட்டு நாணயம்" ஆகியவற்றையும் எடுத்துக் கொள்ள வேண்டும். இதில் வெல்வதற்கு, விளையாட்டில் தங்கள் செயல்பாடுகளின் மூலமாக ஒருவர் பத்து "போர் விருது"களைப் பெற வேண்டும் அல்லது, எதிராளியிடம் உள்ள அட்டைகள் தீர்ந்து விடுமாறு செய்ய வேண்டும்.

இதில் சீட்டுக்கள் "தொடர்" எனப் பெயரிட்ட பிரிவுகளில் வெளியாகின்றன. இவை நாலு விதமான முன்பே அமைக்கப்பட்ட 50 அட்டைகள் கொண்ட பெட்டிகளில் வெளியாகின்றன. ஒவ்வொரு தொகுப்பிலும் ஒரு ஆரம்ப அட்டைக்கட்டு, விளையாட்டுப் பாய், ஒரு ஆட்டக்குறியான் மற்றும் ஒரு நிஞ்ஜா தட்டு நாணயம் என்னும் ஒரு எஃகுத் தகடு ஆகியவை இருக்கும். 10 அட்டை கூடுதல் தொகுப்புக்களில், கூடுதல் அட்டைகள் கிடைக்கப்பெறுகின்றன. சில்லறை விற்பனையாளர்களிடம் கிடைக்கப்பெறும் இத்தொகுப்புக்களில் ஒவ்வொரு தொடருக்குமான நாலு தொகுப்புப் பெட்டிகளும் இருக்கும். சேகரிக்கப்படக் கூடிய உலோகச் சிறுபெட்டிகளிலும் சீட்டுக்கள் கிடைக்கின்றன. இவற்றில் பல கூடுதல் தொகுப்புக்களும் , பிரத்தியேகமான விளம்பர அட்டைகளும் ஒரு உலோகப் பெட்டியில் வைத்துக் கிடைக்கப் பெறுகின்றன. 2006ஆம் வருடம் அக்டோபர் திங்கள் வரையிலும், ஜப்பானில் 417 பிரத்யேக அட்டைகளைக் கொண்ட பதினேழு தொடர்கள் வெளியாகி விட்டன. 2008ஆம் ஆண்டு ஆகஸ்ட் வரையிலும் இவற்றில் பத்து தொடர்கள் வட அமெரிக்காவில் வெளியாகியுள்ளன.

கலை மற்றும் வழிகாட்டு நூல்கள்.

நருடோ தொடருக்கு பிற்சேர்க்கைகள் எனப்படும் துணைப் புத்தகங்கள் பல வெளி வந்து விட்டன. ஆர்ட் ஆஃப் நருடோ: உஜுமாகி என்னும் ஒரு கலைப்புத்தகம் முதல் பாக மேங்காவின் சித்திரங்களைக் கொண்டுள்ளது. இது ஜப்பான் மற்றும் அமெரிக்க ஐக்கிய நாடு ஆகிய இரண்டு நாடுகளிலும் வெளியாகியுள்ளது. இரண்டாம் பாகத்தைப் பொறுத்த வரையில், பெயிண்ட் ஜம்ப்: ஆர்ட் ஆஃப் நருடோ என்னும் ஒரு புத்தகத்தினை, வாசகர் ஊடாடும் வகையில் வடிவமைத்து, 2008ஆம் வருடம் ஏப்ரல் நாலாம் நாள் ஷெயிஷா வெளியிட்டது. இதில் கடைசியாக வந்துள்ள புத்தகம் 2009ஆம் ஆண்டு ஜுலை மாதம் மூன்றாம் நாள் நருடோ என்னும் பெயரில் வெளியானது. முதல் பாகத்திற்கான First Official Data Book (秘伝·臨の書キャラクターオフィシャルデータBOOK, Hiden: Rin no Sho Character Official Data Book^?) எனப்படும் மற்றும் Second Official Data Book (秘伝·闘の書キャラクターオフィシャルデータBOOK, Hiden: Tō no Sho Character Official Data Book^?) வழிகாட்டு நூல்களின் தொடர் ஒன்று ஜப்பானில் மட்டும் வெளியாயுள்ளது. மூன்றாவது தரவுப் புத்தகம் Character Official Data Book Hiden Sha no Sho (秘伝・者の書 ― キャラクターオフィシャルデータBOOK, Hiden: Sha no Sho - Kyarakutā ofisharu dēta book ^?) மற்றும் மேங்காவின் இரண்டாம் பாகத்தினைத் தழுவிய புத்தகம் ஒன்றும் 2008ஆம் ஆண்டு செப்டம்பர் மாதம் வெளியானது. இந்தப் புத்தகங்களில் கதாபாத்திரங்களின் சித்திரங்கள், ஜுட்சு வழிகாட்டு முறைமைகள் மற்றும் கிஷிமோடோ உருவாக்கிய வரை படிவங்கள் ஆகியவை உள்ளன. அசைவூட்டத்தைப் பொறுத்த வரையில், நருடோ அனைம் ப்ரொஃபைல்ஸ் என்னும் வழிகாட்டுத் தொடர் நூல்களும் வெளியாகியுள்ளன. இவற்றில் அசைவூட்ட நிகழ்வுகள் உருவான விதம் பற்றியும், கதாபாத்திரங்களின் வடிவமைப்பு பற்றிய விளக்கங்களும் உள்ளன. அக்டோபர் 4, 2004 Secret: Writtings from the Warriors Official Fanbook (秘伝・兵の書 ― オフィシャルファンBOOK, Hiden: Hei no Sho - Ofisharu fan book^?) என்னும் ஒரு மேங்கா விசிறி புத்தகம் வெளியானது. இதை விஜ் வட அமெரிக்காவில் நருடோ: தி அஃபிஷியல் ஃபேன்புக் என்ற பெயரில் 2008ஆம் ஆண்டு பிஃப்ரவரி மாதம் 19 அன்று பிரசுரித்தது.

ஜப்பான் மற்றும் அமெரிக்க ஐக்கிய நாடு ஆகிய இரண்டு நாடுகளிலுமே நருடோ நல்ல வரவேற்பைப் பெற்றது. 36ஆம் தொகுப்பு வரையில், ஜப்பானில் 71 மில்லியன் பிரதிகள் விற்றன. இதுவே, 2008ஆம் ஆண்டில் 89 மில்லியனாக உயர்ந்தது. 2008வது வருடம், 43வது தொகுப்பு 1.1 மில்லியன் பிரதிகள் விற்றது. இது ஜப்பானில் மிகுந்த அளவு விற்பனையாகும் சித்திரப் புத்தகங்களில் ஒன்பதாவது இடத்தில் இருந்தது. 41,42 மற்றும் 44 ஆகிய தொகுப்புக்கள் முதல் 20 இடங்களுக்குள் இருந்தாலும், குறைந்த அளவு பிரதிகளே விற்றன. மேங்கா, மொத்தமாக, ஜப்பானில் 2008வது வருடம் 4.2 மில்லியன் பிரதிகள் விற்று, மிகுந்த அளவில் விற்பனையாகும் தொடர்களில் இரண்டாம் இடத்தைப் பெற்றது. 2009ஆம் வருடத்தின் முதற் பகுதியில், இது 3.4 மில்லியன்கள் விற்று, ஜப்பானில் மிக அதிகமாக விற்பனையாகும் மேங்காவில் மூன்றாம் இடத்தில் இருந்தது. அந்தக் கால கட்டத்தில், 45வது தொகுப்பு, 1.1 மில்லியன் பிரதிகள் விற்று ஐந்தாவது இடத்தில் இருந்தது. 46ஆம் தொகுப்பு 864,708 பிரதிகள் விற்பனையாகி ஒன்பதாம் இடத்திலும், 44வது தொகுப்பு 40ஆம் இடத்திலும் இருந்தன.

நருடோ மேங்கா தொடர் என்பது விஜ்ஜின் முதன்மையான சொத்துகளில் ஒன்றாகி விட்டது. காரணம், 2006வது வருடத்தின் மொத்த மேங்கா விற்பனையில் இது பத்து சதமாக இருந்தது. வட அமெரிக்காவில் இதை முதன்மையான மேங்கா சொத்தாக ஐசிவி2 பல முறை பட்டியலிட்டிருக்கிறது. விஜ் வெளியிட்ட ஏழாவது தொகுப்பு, 2006ஆம் வருடம் "தலைசிறந்த வரைவியல் புதினம்" என்னும் விருதுக்காகத் தேர்வானபோது, க்வில் விருது பெறும் முதல் மேங்கா வெளியீடாக திகழ்ந்தது. மேங்கா தொடரின் மிக உயர்ந்த மதிப்பு நிலையை 11ஆம் தொகுப்பு பெற்றிருந்த வேளையில், யூஎஸ் டுடே புக்லிஸ்ட் பட்டியலிலும் மேங்கா இடம் பெற்றது. 28வது தொகுப்பு, அது வெளியான முதல் வாரத்தில் 17வது இடத்தைப் பிடித்தது. மற்ற மேங்காக்களை விட சிறப்பான ஆரம்ப கால வாரங்கள் 28வது தொகுப்புக்கு அமைந்தன. இது 2008ஆம் வருடத்தின் மிக அதிகமாக விற்பனையான மேங்கா புத்தகமாகவும், வட அமெரிக்காவில் மிக அதிகமாக விற்பனையான புத்தக வரிசையில் இரண்டாவதாகவும் திகழ்ந்தது. 29வது தொகுப்பு வெளியானதும் அது 57வது இடம் பெற்றது. அச்சமயம் 28வது தொகுப்பு 139வது இடத்திற்கு இறங்கி விட்டது. 2007ஆம் ஆண்டு ஏப்ரல் மாதம், டயமண்ட் காமிக்ஸ் டிஸ்ட்ரிப்யூட்டர்ஸ் அளித்த "மேங்கா டிரேட் பேபர்பேக் ஆஃப் தி இயர்" என்னும் விருதை 14வது தொகுப்பு பெற்றது. அமெரிக்க ஐக்கிய நாட்டில் 31 தொகுப்புக்கள் பிரசுரமாகி மேங்கா தொடர் 2008ஆம் வருடம் முதல், முதன்மையான மேங்கா சொத்தாகவும் பட்டியலில் இடம் பெற்றன. வலைத் தளத் தேடல்களில் யாஹு தேடல் இயந்திரத்தில் தேடப்படும் சொற்களில், "நருடோ" என்ற வார்த்தை 2007வது வருடம் நாலாவது இடத்திலும் 2008வது வருடம் பத்தாவது இடத்திலுமாக இருந்தது. நருடோ கலெக்டர் விண்டர் 2007/2008 இதழில் நருடோ வின் வெற்றியைப் பற்றிக் குறிப்பிடுகையில், கிஷிமோடோ இவ்வாறு கூறினார்: " அமெரிக்க நேயர்கள் நிஞ்ஜா என்பதன் பொருள் உணர்ந்து அதை ஏற்றுக் கொண்டதைப் பற்றி நான் மிகவும் மகிழ்ச்சி அடைகிறேன். அமெரிக்கர்களுக்கு நல்ல ரசனை உணர்வு இருப்பதை இது காட்டுகிறது.... காரணம், தங்களுக்கு முன்பின் அறிமுகம் இல்லாதவற்றைக் கூட அவர்களால் ஏற்றுக் கொள்ள முடிகிறது."

இந்தத் தொடரானது பல மதிப்பீட்டாளர்களிடமிருந்து பாராட்டு, விமர்சனம் ஆகியவற்றைப் பெற்றிருக்கிறது. சில மேங்கா தொகுப்புக்கள் சில குறிப்பிட்ட கதாபாத்திரங்கள் மீதே கவனம் செலுத்தி, விசிறிகளின் எண்ணிக்கையை எவ்வாறு அதிகரிக்கிறது என்று ஐஜிஎன்னின் ஏ.ஈ.ஸ்பேரோ குறிப்பிட்டார். சண்டைக் காட்சிகள், நகைச்சுவை மற்றும் அருமையான சித்திர வேலைப்பாடுகள் ஆகியவற்றை குறிப்பிடத்தக்க வகையில் கிஷிமோடா இணைக்கும் திறனையும் அவர் புகழ்ந்தார். நியோ என்னும் அசைவூட்ட மேங்கா பத்திரிகை, நருடோவின் கதாபாத்திரத்தை "எரிச்சலூட்டு"வதாக வ்ர்ணித்தது. ஆனால், ஒரு "நோய் என்று குறிப்பிடும் அளவுக்கு வாசகர்களை அடிமைப்படுத்தி விட்டதற்கு" அந்தத் தொடரில் கதாபாததிரங்கள் வடிவமைக்கப்பட்ட முறையே காரணம் என்றும் அது கூறியது. அனைம் ந்யூஸ் நெட்வொர்க் கின் (ஏஎன்என்) கார்ல் கிம்லிங்கர், ஒவ்வொரு கதாபாத்திரமும் அதன் நடிப்பிலும் தோற்றத்திலும் தன் பிரத்தியேகத் தன்மையை வெளிக்காட்டுவதாக, கதாபாத்திரங்களின் வடிவமைப்பைப் புகழ்ந்தார். "மகா மடையன் போல் தோற்றமளிக்கும் ஒரு கதாபாத்திரம்" சண்டையிடும்போது எப்படி "மிக நிதானமாக" தோன்றுகிறது என்பதையும் அவர் குறிப்பிட்டார். இருப்பினும், சில தொகுப்புக்களில் இந்த சண்டைக் காட்சிகள் அதிகம் இருப்பதால் கதை மேற்கொண்டு செல்லாமல் தேங்கி விடுவதாகவும் கிம்லிங்கர் குறிப்பிட்டார். இருப்பினும், இவற்றில் ஒவ்வொரு சண்டைக் காட்சியும் உணர்ச்சி மிகுந்து விளங்குவதையும் அவர் பாராட்டினார். மேங்காலைஃப்.காம் வலைத்தளத்தின் ஜேவியர் லுகோ, பல வால்யூம்கள் வெளியிடப்பட்ட பின்னரும் இந்தத் தொடரின் சுவாரசியம் தொடர்ந்து நீடிப்பதைப் பாராட்டினார். மேலும், இந்தத் தொடரில் வரும் எதிரிகள் மற்றும் மேங்காவின் சண்டைக் காட்சிகள் ஆகியவற்றையும் அவர் பாராட்டினார். கிஷிமோடோவின் கலைவேலைப்பாடுகள், "கதை சொல்லப்படும் முறைக்கு மிகச் சரியான விதத்தில் உணர்வு பூர்வமாகவும், விறுவிறுப்பானதாகவும்" அமைந்திருப்பதாக லுகோ கருத்து தெரிவித்தார். ஏஎன்என்னின் கேசி பிரியன்சா வேறொரு வகையில் இரண்டாம் பாகம் தொடங்கும் விதத்தைப் புகழ்கிறார். இதில் கதாபாத்திரங்கள் புதிய தோற்றம் மற்றும் திறன்களைக் கொண்டு மிகவும் அற்புதமாக உருவாகியுள்ளன என்று குறிப்பிட்டார். வாசகர்கள் நன்கு அனுபவிக்கும் வகையில் கதைக்கும், சண்டைக் காட்சிகளுக்கும் சரியான சமன்பாடு அமைத்திருப்பதாகவும் பிரியன்சா புகழ்ந்தார். இருப்பினும், எல்லா தொகுப்புகளும் இதே தரத்தில் இருப்பது என்பது அடிக்கடி நிகழ்வதில்லை என்றும் அவர் குறிப்பிட்டார். மேலும், மேனியா எண்டர்டெயின்மெண்டைச் சார்ந்த பிரயானா லாரன்ஸ் கூறுகையில், இரண்டாம் பாகத்தில் மேங்கா "வயதுக்கு வந்து விட்டதாக" உணர்கிறான், காரணம் பல கதாபாத்திரங்கள் வளர்ந்து விடுகின்றன; ஆனால், தொடரில் இன்னும் நகைச்சுவைப் பகுதிகள் இருக்கின்றன என்று உரைத்தார். ஆயினும், விஜ் தன் மொழி பெயர்ப்பில் சில ஜப்பானிய சொற்களை மட்டும் ஆங்கிலத்தில் மொழி பெயர்த்து, பிற சொற்களை அப்படியே விட்டு விட்டு சீரற்ற முறையில் இருப்பதாக விமர்சிக்கப்பட்டது.

2006ஆம் ஆண்டு அக்டோபர் மாதம் தொடங்கி, டிவி அசாஹி யின் அண்மைய தலையாய 100 அசைவூட்ட நிகழ்ச்சிப் பட்டியலில் 17வது இடத்தை நருடோ பிடித்தது. ஜப்பானில் மிக அதிகம் பார்க்கப்படும் தொடர்களில் ஒன்றாக நருடோ ஷிப்புடென் பல முறை திகழ்ந்திருக்கிறது. யூனிவர்சிடி ஆஃப் சாண்டோ டோமஸ் ஃபிலிப்பைன்ஸ் நாட்டின் மணிலா நகரில் நடத்திய மூன்றாவது அமெரிக்க விருது நிகழ்ச்சியில், "தலைசிறந்த முழுநீள அசைவூட்ட நிரல் விருது" என்னும் விருதை நருடோ வின் அசைவூட்ட ஆக்கம் வென்றது. 13 நிகழ்வுகளுடன் விஜ் முதலில் வெளியிட்ட ஒளிப்பேழைத் தொகுப்பு, அமெரிக்க அசைவூட்ட விருதுகள் என்பதற்குச் சிறந்த முறையில் வடிவமைக்கப்பட்ட தொகுப்பாக நியமனமானது. 2009ஆம் ஆண்டு முழுவதும் அதிக அளவில் விற்பனையான அசைவூட்டச் சொத்துக்களில் மூன்றாவது இடத்தையும் அது பிடித்தது. யுஎஸ்டி மெடிசின் ஆடிட்டோரியத்தில் பிஃப்ரவரி 19, 2008 நடந்த யுஎஸ்டிவி ஸ்டூடன்ட்'ஸ்ஸ் சாய்ஸ் அவார்ட்ஸ் 2009 நிகழ்ச்சியில் "பெஸ்ட் ஃபுல் அனிமேடட் ப்ரோக்ராம்" எனும் விருதுக்காக நருடோ பெயரளிக்கப்பட்டது. ஐசிவி2வின் 2009ஆம் வருடத்திய முதல் பகுதியின் "முதல் பத்து அசைவூட்டச் சொத்துக்கள்" என்னும் பட்டியலில் நருடோ இரண்டாவது சிறந்த அசைவூட்ட உரிமம் பெற்று விளங்கியது. ஜப்பானிய அசைவூட்டத் தொலைக்காட்சி மதிப்பீடுகளில், நருடோ: ஷிப்புடென் தொடரின் நிகழ்வுகள் பல முறை தோன்றியுள்ளன. நருடோ:ஷிப்புடென் தொடரின் ஒளிப்பேழை விற்பனையும் சிறந்த முறையில் இருந்து வந்துள்ளது. இது ஜப்பான் அசைவூட்ட ஒளிப்பேழை மதிப்பீடுகளில் பல முறை இடம் பெற்றுள்ளது. நருடோ: ஷிப்புடென் தொடரின் எபிசோடுகள் ஒரு வாரத்திற்கு சராசரியாக 160,000 நேயர்களைப் பெற்றுள்ளன. 2009ஆம் ஆண்டு பிஃப்ரவரித் திங்கள் முதலாக, ஹுலுவின் நிகழ்ச்சி மற்றும் சானல்களில் நருடோ 20வது இடத்தைப் பிடித்து வந்திருக்கிறது. 2009ஆம் ஆண்டு பிஃப்ரவரித் திங்கள், இது ஜூஸ்ட்டில் முதலாவதாக இருந்தது. பிஃப்ரவரி மாதத்தில் ஜூஸ்ட் பட்டியலில், நருடோ: ஷிப்புடென் முதல் இடத்திலும், நருடோ இரண்டாவது இடத்திலும் இருந்தன.

ஐஜிஎன் வரிசைப்படுத்திய டாப் முதல் 100 அசைவூட்டத் தொடர் பட்டியலில், நருடோ அசைவூட்டம் 38வது சிறந்த அசைவூட்ட நிகழ்ச்சியாக இடம் பெற்றது. இதனை மதிப்பீடு செய்தவர்கள், இத்தொடர் சண்டைக் காட்சிகளிலேயே பிரதான கவனம் செலுத்துவதாகவும், பின்னணியை விட சண்டைக் காட்சிகளுக்கே அதிக அளவில் முக்கியத்துவம் அளிப்பதால்தான் இவ்வாறு நிகழ்வதாகவும் குறிப்பிட்டனர். இசைப் பின்னணி, அது வசனங்களுடன் சற்றே இடையூறு செய்தாலும், சண்டைக் காட்சிகளில் அவற்றிற்கு சிறந்த முறையில் பொருந்துவதாகக் குறிப்பிடப்பட்டுள்ளது. இந்தத் தொடரின் மிக நீண்ட சண்டைக் காட்சிகளுக்காக மார்டின் தெரான் இதை விமர்சித்துள்ளார். இருப்பினும், இவற்றில் பெரும்பான்மையானவை "ஒரே மாதிரியான ஷோனென் கருத்துக்களை" உடைத்திருப்பதாகவும் குறிப்பிட்டார். ஒலித் தடங்கள் கதை சொல்லப்படும் முறையில் உணர்வோட்டதையும், கிளர்ச்சியையும் மிகச் சிறப்பாக மேம்படுத்துவதாக புகழப்பட்டுள்ளன. டி.ஹெச்.ஈ.எம். அனைம் ரெவ்யூஸ் சார்ந்த க்ரிஸ்டினா கார்பெண்டர், இந்தத் தொடரின் கதாபாத்திரங்கள் "விரும்பத்தக்கவைகளாக" இருப்பதாகக் கருதினாலும், அவற்றில் பல ஷொனென் மேங்காவின் "ஒரே மாதிரியான வடிவமைப்பை" மீறவில்லை என்றும் விமர்சித்தார். மேலும் அவர் கிஷிமோடொவை "அதிக பட்சமாக ஒரு சராசரி ஒவியராகத்தான்" கருதினார். அவரது ஓவிய பாணி, அசைவூட்டத்திற்கு மாறும்போது அதன் தரம் மிகவும் குறைந்து விடுவதாகவும் கடிந்துரைத்தார். இருப்பினும், டி.ஹெச்.ஈ.எம். அனைம் ரெவ்யூஸ் சார்ந்த இரண்டாவது மறு ஆய்வாளரான டெரிக் எல்.டக்கர் அசைவூட்டம் செய்பவர்கள் தங்கள் பணியை மிகச் சிறந்த முறையில் செய்தாலும், "மேங்காவின் ரசிகர்கள் விரும்பும் கலைத் தரத்தில் மிகக் குறைவாகவே விட்டு விடு"வதாக கூறினார். ஆனால், அசைவூட்டம் என்பது "ஒரு கலந்து கட்டி"யானது என்று அவர் முடிவாக உரைத்தார். மேலும் அவர் கூறுகையில், சண்டைக் காட்சிகள் நல்ல முறையில் அனுபவிக்கத் தக்கதாய் இருப்பினும், அவை அதிக அளவில் இருப்பதால், கதையை மேற்கொண்டு எடுத்துச் செல்ல நேரம் பிடிக்கிறது என்றும் குறிப்பிட்டார். சில விமர்சகர்கள், மறை நீர்வீழ்ச்சிப் போர்' மிகவும் சிறப்பானது என்று கருதினார்கள். காரணம், இது பிரதானமான நருடோ தொடரின் ஆரம்பகால நிகழ்வுகளுக்குத் திரும்பச் செல்வதான முறையில் இருப்பதுதான். இது நருடோ உரிமத்திற்கு ஒரு மிகச் சாதாரணமான மேற்கூட்டு என்று ஏஎன்என்னின் விமர்சகர் கூறினார். காரணம், "அது தொடருக்கு நியாயம் வழங்கவில்லை" என்றார். இருப்பினும், தனது முந்தைய நிக்ழ்வுகளிலிருந்து தொடர் எந்த அளவு முன்னேறியிருக்கிறது என்பதை நேயர்கள் கண்டு கொள்ள இது உதவும் என்றும் அவர் கூறினார். டிவிடி டாக் கைச் சேர்ந்த டாட் டௌக்லஸ் இதன் ஒளிப்பேழையானது மொத்தமாகப் பார்க்கையில் நன்றாக இருந்தாலும், தொடரின் பொதுவான கதையோட்டத்தின் ஆழத்தை இது பெறவில்லை என்பதாக விமர்சித்தார். புதிய கதாபாத்திரங்களின் வடிவமைப்பு மற்றும் அசைவூட்டத்தில் முன்னேற்றம் ஆகியவற்றை விமர்சித்த ஆக்டிவனைம் சார்ந்த டேவிட் சி.ஜோன்ஸிடமிருந்து நருடோ:ஷிப்புடென் நல்ல பாராட்டைப் பெற்றது. இந்தத் தொடர் மேலும் மனப்பூர்வமாகவும், உணர்ச்சி மிகுந்ததாகவும் இருப்பதாக அவர் தெரிவித்தார்.

 

விக்கிமேற்கோள் பகுதியில், இது தொடர்புடையவைகளைக் காண்க: Naruto

 

விக்கிமீடியா பொதுவகத்தில்,
Naruto
என்பதில் ஊடகங்கள் உள்ளன.

• அதிகாரபூர்வமானநருடோ வலைத்தளம்(சப்பானிய மொழி)
• அதிகாரபூர்வமான தொலைக்காட்சி டோக்கியோநருடோ வலைத்தளம் (சப்பானிய மொழி)
• அதிகாரபூர்வமான தொலைக்காட்சி டோக்கியோநருடோ:ஷிபுடென் வலைத்தளம் [357]
• அதிகாரபூர்வமான ஸ்டுடியோ பையிரட் நருடோ வலைத்தளம் பரணிடப்பட்டது 2016-08-29 at the வந்தவழி இயந்திரம்[358]
• அதிகாரபூர்வமான விஜ் மீடியா நருடோ வலைத்தளம்
• அதிகாரபூர்வமான ஒய்டிவி தொலைக் காட்சி நருடோ வலைத்தளம் பரணிடப்பட்டது 2008-12-16 at the வந்தவழி இயந்திரம்
• அதிகாரபூர்வமான மங்கா என்டர்டெயின்மெண்ட் நருடோ வலைத்தளம் பரணிடப்பட்டது 2010-04-06 at the வந்தவழி இயந்திரம்
• அதிகாரபூர்வமான மேட்மேன் என்டர்டெயின்மெண்ட் நருடோ வலைத்தளம் பரணிடப்பட்டது 2016-04-06 at the வந்தவழி இயந்திரம்
• நருடோ (manga) at Anime News Network's Encyclopedia
• நருடோ (anime) at Anime News Network's Encyclopedia
• Naruto திறந்த ஆவணத் திட்டத்தில்